الاثنين، 1 فبراير، 2010

لوك لوك لوك لوك




عايزه ارغى حد عنده مانع


مره من نفسى انا اصلا مش برغى كتير و اللى متابع عارف علشان كده هارغى


اولا عايزه اتكلم عل الناس اللى بتسوق بسرعه ................. بكرهكم


من يومين تقريبا 4 اتوبيسات اتقلبوا جنوب سينا و على فكره ما خبطوش فى بعض


لا الصراحه عملو اللى عليهم كل واحد اتقلب لوحده


و التقرير بتقول السرعه و كمان بتقول فيه ناس حاله خطره و مش مهم الناس المهم انهم يجروا


عايزه افهم ليه مافيش رقابه على السواقين دول

ليه السواق اللى بيمشى بسرعه


لو رجع بالناس الشركات مش بتسأل الناس عن اداء السواق ده


لانه لو حس انه حد هايدور وراه هايخاف على نفسه علشان هو مش خايف على ارواح الناس


********************************


كنت فى مكان و صادف ان فيه اجانب


اكتر حاجه لفتت نظرى ايه


ان الناس دى اى ما كان سنها بتعمل اللى هيه عايزاه


اه مش كله صح بس مثلا


تلاقى اتنين عواجيز جدا و ماشيين مع بعض و ماسكين ادين بعض ايه حاجه كده تفرح


طيب هاتوا اتنين عرب فى الغالب هاتلاقى كل واحد ماشى بعيد عن التانى لانه عيب يمشوا جنب بعض مش كمان ماسكين ادين بعض


ليه بنتكسف من ازواجنا و كأنها تهمه بنبعدها عننا

و اللى يمشى ماسك ايد مراته الناس تقول ده مراته ممشياه


و اللى يمشى ماسك ايد واحده يبقى اكيد ماشى معاها مش مراته


*****************************


اللى بيكتب بغير معرف اكتشفت انهم ينقسموا إلى


حد مستخبى من موضوع حاسس انه عيب انه يرد عليه بأسمه


حد مستخبى و نفسه يشتم و عامل بلوج تانى و طالع فيه ايه آخر رقه


حد نفسه يغلس على مدون و يعكنن عليه و بس


حد عايز يعاكس واحده و يشاغلها


حد عبيط و بشتم فى الاديان


عايزه اقول لكل حد غير معرف ياريت تحس بأنك لما بترد على حد بشتيمه او بغلاسه


فاهايرد عليك بنفس الطريقه فى الغالب لا هايمسح التعليق السخيف


و فى النهايه لو ردد عليك هاتكون الكلمه لفت و رجعتلك


احنا هنا مش علشان نغلس على بعض


اللى مش عجبه حد ما يدخلش عنده و بس


خلص الكلام سلام

هناك 46 تعليقًا:

Just Smile يقول...

فينك يا دادي طول عمري بقوله الستات دول رغايين اوووووووف (على اساس اني مش منهم) بس انتي مش رغاية على فكرة هوا انتي كده رغيتي ده انتي نسماية حتى ^_^

بقالي ما يقرب من شهر ما بشوف نشرات ولا بتابع اخبار بصراحة جاتلي حالة نفسية ..

من أسوأ ما رأيت في مصر هيا السواقة..كلها تهور وناس مش بتعرف تسوق ولا بتحترم القوانين..طبيعي جدا ان السواق ه يبقى شخصية مسئولة لأنه مش بس بيحكم على حياته ده على حياة غيره وللأسف سواقين الدرجة الاولى هما اسوا ناس في الموضوع ده...مهازل يا اوختي والله وكأن النص ساعة اللي هيجروها بسرعة مثلا هيا اللي هتحرر فلسطين...!!

والأجانب بيعرفوا يقدروا كويس بعضهم وعندهم جزئية الاخلاص..بس تعرفي انا شايفة ان احلى سن هوا الــ55 والــ60 بجد الواحد يكون ارتاح م المسئولية وعايش بس عشان يستمتع بالطبيعة والهدوء..

واخيرا الغير معرف دول بحبهم اوي تعرفي بحسهم لغز وانا احاول اعرف هما مين وخيالي يروح لبعيد ^_^

قال رغاية قال امال انا ابقى ايه ههههههه

الجواز و سنينه يقول...

just smile

رغى ؟؟؟ مين قال الكلام ده
اوف سوفاج
و بعدين لو كل الرغى كده يبقى يا مرحب بالرغى
انا بكمان اعتزلت كتير من النشرات
طهقت بجد مين قتل و ين مات و مين دبح و مين سرق
حاجه تقرف
اقولك على موقف حصلى مع سواقين الرجه الاولى دول
انا كنت راكبه فى اول كرسى و بما انى بعرف اسوق فابعرف ايه اللى يتعمل و ايه اللى لاء
اقولك ايه
البيه بياخد الملف بسرعه و الادهى بقى انه بيطلع من ترله و جاى فى وشه نقل
و الله بقيت متنحه و و لولا ان اللى جاى هدى كنا لبسنا فيه
و الله كنت ناويه اشتكيه بس طيبه القلب المصريه الغبيه قلت ما اقطعش عيشه
احلى سن كل السنين للاجانب
مش فارق معاهم يرقصوا يهيصوا المهم يستمتعوا بحياتهم
احنا بقى اللى يعمل كده نقول مجنون

كويس ان الغير معرف ينمى الخيال الخصب اهه
ههههههههههههه
و اخيرا نورتينى بالرغى الجميل ده

كلام عيب يقول...
أزال المؤلف هذا التعليق.
هي وظروفها يقول...

اولا مساء الخير

بخصوص السواقين يا ست الكل بما مهنتي ترتبط كليا وجزئيا بيهم من خلال نقل السائح من المطار لأي حته هو رايحها

احب اوضح لمعاليكي ان اغلبهم ضريبه برشام ومخدرات لزوم الطريق والصهلله من وجه نظرهم

مفيش رقابه لان اللي بيقي ماسك حركه النقل في اي شغل بيطلب من السواق انه ميتلكعش وينجز عشان فيه شغل تاني وبيبقي عندهم قله ثقه في السواقين فب تالي السواق عايز يبينله امانته ومهارته وفي الاخر تيجي علي دماغه هو واللي راكبين معاه

موضوع قله الأدب سواء من معرف او غير معرف حلها التجاهل عارفه ليه لان لالاسف لسه في ناس بتتعامل مع التدوين علي انه شات
يزيط يشتم يعلق موزه يروش علي حد يخف دمه علي واحده
من الأخير التجاهل هو الحل
لالاسف فهمين النت والتدوين احنا كعرب او اقصد ناس معينه اللي بتشتم سواء في تعليقها او في بوستاتها ناس مش عجبنهم او لاي سبب ان دي حريه
مع ان اهم مبدأمن مباديء الحريه
انت حر طالما انك لم تضر
اسف طولت عليكي

صبرني يارب يقول...

ماله الرغي

ما انتى عارفه دي هواتي من زمان

الغير معرف ده انا اول كلمه اقولهاله لو كان ملبخ يعنى

اعلن عن نفسك لوكنت اد كلامك

والسواقه ما تفكرنيش والنبى اصل انا باشوف ناس فى الشوارع عجيبه

هييييييه دنيا

انا رديت على سؤالك عندي

عونيه يا جميل اجي اعمل معاكي ؟

بسنت صلاح الدين يقول...

بس رغى هادف سيبك انتى ،، انتى الحقيقه جبتى كل الحاجات او معظمها اللى مضايقانا ، و اكتر حاجه بتنرفزنى فعلا عفاريت الاسفلت زى مابيقولوا عليهم او هما بيحبوا يطلق عليهم كده ،، و مع الايام و بالسرعه ذاتها اللى بيجروا بيها بنلاقى فيه اموات الاسفلت و لكن للأسف بياخدوا ابرياء فى طريقهم

bos bos بسمه عبدالباسط يقول...

عااااااااااااادى

موضوع السواقة ده بقى شىء بشع أنا من كام يوم كنت مسافرة وانا رايحة ووانا جاية السواقين حالفين ليعملوا حادثة مش عارفة فيه ايه

وبخصوص الاجانب كنت برضة شيفاهم من كام يوم فى معرض الكتاب انا وصاحبتى وعلقت معاها على موضوع السن والصحة
تلاقى سنهم كبير وماشيين وعمالين يتنططوا وكويسين قوى واحنا لسة فى العشرينات وكل خطوتين نتعب
هههههههههههههههه

وبخصوص مسك الايد بصى يا ستى احنا هنفضل نهاتى نهاتى فى حاجات كتيرة والراجل الشرقى مفيش فايدة فيه

بخصوص الغير المعرف هو فعلا بيبقى فيه ناس ماعندهاش مدونة وبتعلق بيه او عندها بس لاى سبب مش عايزة حد يعرف انها هيا
ولكن موضوع الشتيمة والغلاسة ده يعتبر مرض نفسى وربنا يشفيهم ويهديهم

أبو حميد يقول...

أنا عايز أعلق على موضوع الأجانب
الناس دى فعلا بتعمل اللى يبسطها بس بغض النظر عن رأى الناس فيهم

FOrty يقول...

يا جماعه المثل بيقول من أمن العقاب أساء الادب يعنى من الاخر طول ما هو مفيش قانون بيطبق على الكل و اللى يعرف له وسطه يطلع زى الشعره من العجين يبقى مسلسل الحوادث حيستمر
اما بخصوص الاجانب فدى ثقافه مختلفه الناس بتعمل اللى هى حساه و نفسها فيه من غير عقد و فيونكات يعنى اخونا ساركوزى لما اتهبل على البنت الموديل الطليانيه راح فك من مراته و متجوز صحبته الجديده و ده رئيس فرنسا تفتكروا اى رئيس يقدر يعمل كده عندنا قدام الناس اكيد لا طب حيعمل ايه لو عقله لف و عنيه زاغت اكيد حيمشيها عرفى على جنب علشان ثقافتنا و قناعتنا مختلفه و بنفضل نستخبى بدل ما نواجه الناس يعنى الكلمه السحريه "الشفافيه"

كلمات من نور يقول...

داه مش رغي داه كلام صحيح وحقيقي ...السواقه دي بقت فن انك تسوقي وانتي عامله حساب اخطاء الكثيروووون..وربي يحرسنا ...الرجاله عندنا بعضهم محتاجين يتعلموا كيف كان رسول الله يعامل نساؤه...نيجي بقى على غير معرف فأنا وجهة نظري مطابقة لوجهة نظرك والحمدلله عامله إشراف عالتعليقات ومستحيل انشر لحد غير معرف الا لو واحد او واحده بيلاقوا مشاكل في الرد وبيعلقوا بغير معرف بإسماؤهم....تحياتي

mohamed ghalia يقول...

هههههههههههه لا طبعا لكولكى يرحتك يافندم ههههه
الغير معرف مهما كان هو إنسان جبان مش بيعرف يواجه

صيدلانيه طالعه نازله يقول...

انا بقى عايزه ارغى و الكلك معاكى انت
ممكن بقى و لا فيه اعتراض
اصلى زعلتك و عايزه اعتذر وسط كل البشر اللى هنا
عشان يبقى اعتذار فى شارع مع ان الخصام كان فى شاااااااااات


عايزه اقولك انى باموت فيكى و مقدرش ازعلك

خلااااااااااااااص

انا اسسسسسسسسسسفه

اموووووووووووووووووه

لاسع افندى يقول...

لو اتكلمنا عن السواقين يبقى محتاجين مدونه كامله استهتار ومخدرات واهمال و قلة ادب وازعاج .......

الغير معروف غالبا بيكتب تعليق كويس وقليل لما بصادف تعليق مش كويس لانه بيتحذف طبعا لكن اعتقد ان الاشراف على التعليقات بيحل المشكله دى


تحياتى

rovy يقول...

أزيك يا قمر وحشانى..
عجبنى البوست كله ..
السواقين فعلا فى بلدنا محتاجين و قفه جامده و قوانين رادعه و بتتنفذ بسرعه .. الحكايه زادت قوى و أرواح الناس مش لعبه ..
الأجانب ياريت نقلدهم مره واحده فى حاجه صح .. كلامك عنهم عجبنى جدااا
وفعلا لازم كل واحد يعمل اللى هو عاوزه ما دام مش بيضايق حد و لا بيعمل حاجه عيب ..

تعريفك و تحليلك لشخصية الغير معرف أيضا صح جداا

تحياتى لكى

Appy يقول...

يا شيخه هو دا رغى طيب دا انتى طيبه اوى
السواقه والسرعه حلوة بس للى متمكن يا بنتى انما السواقين دول ربنا عالم بيهم يا مطبقين يا مبرشمين يا مش فاهمين اى حاجه

wasf_elahsas يقول...

والله عندك حق
اصلا محدش ناقص حد
شكرا

wella يقول...

ارغى برحتك برحتك خالص
فضفضى براحتك ياعسل


بس برايك هية السواقة بس اللى محتاجة رقابة فى مصر بس دى حاجات كتير كتير كتير

ربنا يحفظنا جميعا من كل شر وحمينا

الجواز و سنينه يقول...

كلام عيب
نورتينى رغم انك مسحتى العليق

Wanda يقول...

بصى
قرات التعليقات قولت حد له فى السياحة حيدخل يقولك الموضوع بتاع الاتوبيسات ده

بثى هما بيطلعوا من الغردقة عادة و ممكن قبلها شرم الساعة 5 صباحا و للازم يدخلوا القاهرة (رحلة اليوم الوحد او ثلاث ايام للقاهرة) الصبح على 8 او 9 بالكثير علشان يلحقوا يلفوا قبل الزحمة اهرمات و قلعة و المتحف و مزار و مطعم و خان الخليلى لو ممكن او مركب فى النيل
متخيلى الطريق الى بياخذ 6 ساعات بالقيليل لازم يقطعوه فى 3 و نص بالكثير هما بيطيروا و بيستغلوا ان السياح نايمين الصبح فى الاوتوبيس
عادة العودة اهدى شوية 4 و نص ساعات :-))))
يعنى السواق معصوب عليه
و لعلمك دول بيطلعوا مجموعة من اتوبيس لوحده ليه
اعتقد بطلوا دلوقتى بس كان دئما فيه بوكس شرطة لازم يطلع مع الاتوبيس اعتقد ظابط و 2 او 3 عساكر بمدافع تامين يعنى
و الباشا مش حيطلع فى اليوم 10 مرات و مفيش 10 بشاوات لكل اتوبيس
فبيطلع قافلة اتوبيس ببوكس واحد و مشيت على كده العملية بعد ما التامين اتشال

ده بخصوصا الاتوبيس

الخواجات :-))
الحياة تبداء من ال15 تقريبا لتتنتهى بالموت و ليس بالسن او الزواج او الانجاب :-))))

الجواز و سنينه يقول...

هى و ظروفها
موضوع قله الثقه بنعانى منها فى كل حاجه مش من السواقين و بس
بس يعنى ايه ما عندهمش ثقه فى السواقين
يعنى ارواح الناس لعبه
كل واحد فى الاتوبيس يحرق قلب 20 على الاقل ليه كده الارواح مالهاش ثمن

اما تجاهل قليل الادب
فده مش دايما بيجيب نتيجه
ساعاه لازم تعامله بأسلوبه علشان يتلم

عجبنى مبدأ انت حر مالم تضر
بس مين يلم لسانه و يسكت
و عجبى
و لا طولت و لا حاجه انت تنور دايما

الجواز و سنينه يقول...

صبرني يارب


يا صبصب و ادلع

حلو اوى مبدأ اعلن عن نفسك
صح بدام عنده لسان و بيعك يبقى يكمل الشجاعه و يقول هو مين و بلاش يستخبى

اما بقى عن السواقين
فواضح انك شايله و معبيه

و انا مش هادوس على الجرح
و ياستى انتى تنورى بس تييجى تاكلى
انى كمان هاتعملى
حتى تشوفى نتيجه تعليمك

الجواز و سنينه يقول...

بسنت صلاح الدين

بسنت و الله نورتينى جدا
فينك من زمان يا بنتى
طيب بالزمه زى ما قلتى ذنبهم ايه الناس اللى ركبت المواصلات دى
و ليه الارواح رخيصه اوى كده
حاجه توجع بجد
نورتينى جدا يا قمر و ما تقطعين الجوابات

الجواز و سنينه يقول...

bos bos بسمه عبدالباسط
ـــــــــــــــــــــ

مش عارفه ان ده فعلا عادى و لا سكوت مننا على الغلط
يعنى انا مره كنت رايحه اقول للسواق انت بتجرى حد قالى لاء كده يعند اكتر
ما بقتش عارفه اسكت و لا ازعق
و كان عنده نفس الهدف انه يعمل حادثه
ربنا يهديهم و يستر علينا

اما عن الصحه فهمه بياكلوا اكل صحى مش بياكلوا اكل مرشوش مبيدات و مروى بميه صرف صحى و هواء ملوث بعوادم الدنيا
هانجيب منين الصحه بقى حضرتك
و لو على الرجل الشرقى
خلينا نهاتى يمكن حد يسمع
اهو نبقى انقذنا واحده من المصير المحتوه
ههههههه

الغير معرف اللى مش عايز حد يعرف هو مين مش مشكله المهم انه ما يقرفش غيره

الجواز و سنينه يقول...

أبو حميد

طيب و موضوع الغير معرف و السواقين مش عايز ترد عليه ؟؟؟ :(

نفسى نوصل لمرحله اننا نعمل اللى يبسطنا و محدش له دعوه بيه
بس احنا بنكون بنتفسح و نخاف نجرى مثلا لا يقولوا ايه ده على السن ده و بيعملوا كده
طيب انا هاقولك على حاجه غريبه
كنت فى شارم
و و الله لقيت واحده عندها ييجى 70 سنه
سيبك من انها لابسه مايو على سنها ده
بس نزلت الميه
و والله كانت مش عارفه تطلع رغم انها تقريبا على الشط و كانت هاتقع فى الميه و فضلت تعافر لغايه ما طلعت
انا استغربت لحاجتين
المايو طبعا !!!! و انها بتستمتع بحياتها و بتنزل الميه
تعليقك على سندريلا كان تحفه و عجبنى اوى
بس احتفظت بيه لنفسى
غلاسه

الجواز و سنينه يقول...

FOrty

تعليق يستحق الاعجاب
فعلا طول ما فيه واسطه و الدنيا بتمشى يبقى مش مشكله ارواح الناس

اما بخصوص الاجانب
فادول بيتعاملو على ان العمر واحد و لغايه اخر لحظه هاتمتع بالدنيا
لكن احنا هنا
لو واحده سنها كبير حبه
تلاقى الالوان الخنيقه و الراجل لازم يكون مكشر لزوم الهيبه
الناس هناك مش عندها الضغط و السكر زينا
هايجلهم منين و همه فى الوييك اند خرجوا و هيصوا
طيب تعالى للويك اند بتاعنا
نناااااااااااام
و بعدين ما احنا عندنا شفافيه حضرتك
مش نظيف لما جه يتجوز الحمد لله قالولنا
مش نبوس ادينا وش و ظهر بقى
لاء نبص لساركوزى و البت القمر مراته
و عجبى

الجواز و سنينه يقول...

كلمات من نور

يارب ربنا يحرسنا جميعا يارب
و يحرس الناس جميعا يارب من شر الناس دى
ياريت الرجاله فعلا يتعلموا من الرسول
طيب هاتيلى واحد كده بيقول بحب مراتى
يالهوى على اللى يجراله
اول حاجه تتقال دى سحراله
رغم ان الرسول كان بيقول انه بيحب السيدده عائشه
و بيقول كده للصحابه عااااادى
احنا بنسمى زوجاتنا الحكومه
مش عارفه ليه
علشان نكرهم مثلا
هههههههههههههههههه
احلى حاجه الاشرف
صراحه بيريح
انا لسه عاملاه جديد
بس بيريح جدا
نورتينى جدا يا قمر

الجواز و سنينه يقول...

mohamed ghalia

هالوكوك و دلع برضوا
هههههههه
احسن تعبير سمعته
زى ظرظر بالظبط
هههههههههههه
فعلا انسان جبااااان

الجواز و سنينه يقول...

صيدلانيه طالعه نازله

علا يا قمر
انا ما اقدرش ازعل منك يا حبيبتى
و بعدين كفايه الفرح اللى انتى عملتيه ده علشان انسى
و بعدين مش بنا الزعل و الكلام الفاضى ده
و بعد اموووووووه دى طبعا خلاص خلاص يا نوسه
اموووه انا كمان

الجواز و سنينه يقول...

لاسع افندى

لاسع افندى اللى مش لاسع خالص
فعلا السواقه كل اللى قلته ده و كمان
اهمال و مخدرات و هبل و عبط كمان و استهتار بأرواح الناس كمان
احمد ربنا على الغير معرف اللى عندك
ياما الواحد بيشوف
و عجبى

الجواز و سنينه يقول...

rovy يقول...

انتى كمان وحشانى كتير اوى و الله و ربنا علم ان ليكى فى القلب حته كبيره كده
هههههه
و الله انبسط ان البوست عجبك
ياريت الوقفه بقى بتاعه السواقين مش تكون بفلوس زياده و جبايه اكتر
اللى مش بيعرف يسوق ما يسوقش
إلا بعد مده معينه و بأختبارات صعبه
حرام عليهم ارواح الناس و الله
و بالنسبه للاجانب احنا الحمد لله بنقلدهم فى الوحش بس
عبده شيطان
مخدرات
هبل
بس فى الصح لاء مش عارفه ليه
و كمان التحليل عجبك
لاء ده انا افتح كده معمل تحاليل
ههههههههههههه
نورتينى يا قمر

الجواز و سنينه يقول...

Appy
و الله طلع مش رغى
طيب الحمد لله كنت فاكره انى صدعتكم
السواقه حلوه
بس السرعه لالالالالالالالا
ده احنا بنمشى على هوا
و لو على البرشام فالغش حرام
ههههههههههههه

الجواز و سنينه يقول...

wasf_elahsas

فعلالالالالالالالالالالالالا
محدش ناقص حد
بس مش للدرجادى
فين التعلق؟

الجواز و سنينه يقول...

wella

هيه حاجات كتير محتاجه رقابه
بس على الاقل لما يكون فيه ارواح ناس فى رقبتنا ياريت نحترم المسؤليه دى
ادينى رغيت اهه
بس انتوا استحملونى

الجواز و سنينه يقول...

Wanda

و الله من احلى التعليقات اللى جاتلى
حتى جيت ادخل على ملف التعريف مش لقيته
مش عارفه ليه
معقول الشخصيه دى مش عايزه حد يوصلها
طيب ليه؟؟؟
اما بقى عن التعليق
بس واضح انك او انتى دارس الحكايه كويس
هو هى و ظروفها اتكلم عن الموضوع ده
و قال ان الشركه بتضغط عيهم علشان يرجعوا بسرعه و ما يتلكعوش و كأن حتى لو ارواح الناس مش مهمه الاتوبيس مش مهم و لا يمكم مأمنيين على الاتوبيس و مش مهم الناس
طبعا الباشا مش هايطلع 10 مرات فى اليوم

و لا فيه 10 بشاوات
اصلا البشاويه اتلغت
هههههههههه

ــــــــــــــــ
الخواجات :-))
الحياة تبداء من ال15 تقريبا لتتنتهى بالموت و ليس بالسن او الزواج او الانجاب :-))))

ــــــــــــــــــــ
مش لاقيه كلام اقوله بعدها
ياريت ما تكونش اخر مره بجد

Wanda يقول...

شايفة انك لاقيتينى :-) ايوه ياستى بنت :-)او اصح يتقال من الجنس الناعم :-)) بحاول

المهم
ملف تعريفى قفلته و فتحتهولك بس معتقدش حتعرفينى منه قوى
بوستات ممكن تعرفك دماغى شوية
بس خليى بالك بكتبها كمذكراتى اغلب الوقت

انا ودماغي يقول...

عارفة
أنا برضه بفرح أوى أوى لما بشوف 2 متجوزين و بالذات لو كبار فى السن و ماسكين إيدين بعض..مش عارفة ليه فى ناس بتتكسف تعمل كدة

و بجد ربنا يتنقم من كل سواق بيسوق بسرعة حتى لو مأذاش الناس اللى معاه كفاية القلق النفسى اللى بيعيشهم فيه

أما عن الغير معروف..ففى مجموعة تانبية بتحب المدونات بس مش بتحب تكتب فيها فبتشارك و بيتكون محترمة
و دول انا بحبهم أوى

:)

لجين أبو الدهب يقول...

هو رغى ..

بس رغى مظبوط جدا الصراحةكله ..

ياريت ترغى كده على طول هانستفيد جدا D:

دمتِ بخير ..

شمس النهار يقول...

لو كل الوك لوك كده
ياريت الناس كلهاتلوك لوك

::))
عرفه النهارده في الجرنال
اوتوبيس اتعلق علي الكوبري تلات ساعات

كان بيفادي عربيه ومن السلاعه طار

اما التدوين انا شخصيا اللي مابيعجبنيش مابدخلش عنده

سلامي

أحــوال الهـوي يقول...

انا اسف
وانا باشكرك
انا مش عارف اقول ايه
بس سامحيني

طبعا مقدمه مقلقه صح
انا اسف لاني بقالي كتييييير ما رديتش علي حد و مش متابع مدونات اصحابي
و باشكرك لانك خصصتيني بالشكر في كتاباتك رغم اني اقول راي خاص

و في النهايه راينا كان واحد و ان اختلفت الالفاظ

و سامحيني علي تقصيري لكن المشكله اني كنت بعيد لفترة

اختي العزيزة الكريم من يسامح

تحياتي

الجواز و سنينه يقول...

Wanda
الحمد لله انى لقيتك
شوفتينى لما لقيتك
هههههه
يا جميل طبعا انت الجنس الناعم كله يا قمر
انا وصلت ليكى بس مع الاسف مش عارفه اعلق علشان انتى عامله التعليق عندك فى نافذه منبثقه و انا الوندوا عندى راسه و الف سيف انه ما يعلقش هنا
ده مع كل الناس اللى عاملين التعليق بالطريقه دى
ياريت او اتعبك انك تخلى التعليق زى اللى عندى كده علشان اعرف اعلق عندك
سعيده بمعرفتك بجد
و اتمنى دوام التواصل

الجواز و سنينه يقول...

انا ودماغي


فيه ناس بتتكسف تعمل كده علشان لقت قبلها ناس بتتكسف تعمل كده و ناس قبلهم بيتكسفوا يعملوا كده
اصل عيب برضوا ان الواحد يمسك ايد مراته
ههههههههه

اه و الله كفايه التعب النفسى
انا عندى فكره سمعتها من واحده قالتلى انها كانت راكبه ميكروباس و كان فيه راكب قال للسواق اكتر من مره هدى السرعه و التانى طبعا و لا هنا
المهم ان الراكب ده قال للسواق لو ما هدتش هانزل فى اقرب نقطه و ابلغ عنك
قاطبعا السواق قاله انت بتهددنى فارد عليه و قاله اه بهددك
و صراحه بتقولى جاب نتيجه و مشى كويس
الناس دى لازم تخاف من الناس اللى راكبه
و ده الحل الوحيد
اما الغير معرف اللى بيرد بأدب فاهلا و سهلا بيه طبعا

الجواز و سنينه يقول...

لجين أبو الدهب

اولا حمدلله على السلامه كانت فين الغيبه دى كلها
مرسى لرأيك فى البوست و ماتحرميناش من الزياره الحلوه دى
و لو على الرغى فامافيش اسهل منه
امال احنا الستات بعمل ايه ؟؟؟؟
هههههههههههه

الجواز و سنينه يقول...

شمس النهار

و الله يا شموسه كل يوم حوادث
بقت حاجه تقرف
و الله بيصعب عليه الناس اللى اكيد كل واحد فى اللى راكبين ليه ناس تزعل عليه
ليه كده بس يا ناس
و الله حرااااااام
ارواح الناس دى فى رقبه مين يارب

عجبنى سلوكك كالعاده يا شموسه
اللى ما تحبهوش ما نزورهوش
نورينى بجد

الجواز و سنينه يقول...

أحــوال الهـوي

دكتور احوال الهوا
لما دكتورنا يغيب طيب نلجأ لمين لحل مشاكل القلب
ممنوع الغياب مره اخره
الكريم ايضا من لا يقلق اصدقائه عليه
حمدلله على السلامه و بجد حضرتك تستاهل كل خير

Wanda يقول...

حاضر يا سنسونة
عملته زى ما انت عايزة
انت تأمرى بس :-)

المفروس المتحزلق يقول...

فاروق بن النيل ...
الجواز وسنينه يارب قطع ..
أولا :موضوع السائقين بمصر مشكلة لقد كتبت ببريد الأهرام عن أتوبيس نقل عام سقط فى النيل من فوق كوبرى روض الفج ومات كبير غرقوا يمكن 34 أو أقل والسبب كما قالت الشرطة فى حقيقاتها هو مرض السائق وعدم الموافقة على تبديله من رؤسائه إضافة إلى عدم إجتياز السائقين لإختبارات نفسية
ثانيا: موضوع الأجانب دى تربيتهم من الأول حرية ومافيش حاجة ينكسفوا منها دا بيبوسو بعض ويحضنوا بعض أمام الناس هناك ببلدهم وياويلك لو وقفت تتفرج أو حتى تبص أو تعلق البوليس يقبض عليك أرأيتى الفرق إعملى كده فى مصر شوفى حايعملوا فيكى إيه ( قصدى الناس والبوليس ) حتى لوكانوا مجوزين مش بيحبوا بعض زى بره أنا زرت بلاد أوروبية كثيرة وكنت زيهم الآن أنا زيكم
ثالثا:أعذرى"غير معرف "لأنك ماكتبتيش
الحالة اللى أنا كنت مضطر ليها فى كثير من المدونات قبل شهرين كنت مش عارف أعلق إلا لو كتبت غير معرف ولما خدت
" G mail " كتبتها ولكن والله حصلت ليا
النهاردة بدون قصد فى إحدى المدونات لما
عاكسنى التعليق فإضطريت لـ" غير معرف"
وبرضه بالتعليق كتبت إسمى " بن النيل"
farouksam.blogspot.com