الاثنين، 8 فبراير، 2010

غريبه انا




من كام يوم اتسرقت شنطه خالتى

عادى و بتحصل و كتير دلوقت

اى ما كان اللى فى الشنطه مش هو ده سبب اللى هاتكلم عليه

انا بقى عندى نقص رهيب فى الاحساس بالامان

فين بقى بلد الامن و الامان بتاعه زمان و لا حسدنا نفسنا

زمان لما كنت بخرج لصاحبتى اللى فى العماره اللى امامى

كانت ماما تقف فى البلكونه علشان تطمأن انى رحت عندها سليمه

و انا نازله من عندها ارن عليها علشان برضوا تقفلى فى البلكون زى تعليماتها

كنت ساعات كتير بتحنق و اقول ايه اللى هايحصل فى الكام ثانيه دول


ده اصلا غير انى لما كنت ببقى عايزه اخرج مع اصحابى كان فى الغالب الاعم بابا مش بيوافق

و لما كنت ازعل كان بيقولى

لو انتى عندك جوهره ثمينه هاتشيليها فى علبه قطيفه و لا هاترميها فى الارض

كنت بقوله هاشيها طبعا فا يقولى انتى الجوهره بتاعتى و انا بحافظ عليها

فأسكت و انا زعلانه برضوا لكن شويه مقتنعه... بس برضوا كنت بقول يعنى صاحباتى اباهاتهم مش بيخافوا عليهم ؟

بس لما ازن زياده كانت الاوامر العسكريه تصدر بعدم الخروج و مش هاقولكم على التربيه العسكريه بتكون عامله ازاى


المهم ان الحاجات دى انا كنت بتضايق منها خوف ماما و قلق بابا


دلوقت بقى انا كنت خارجه

و بسبب السرقات الرهيبه فى الوقت الحالى بقيت امشى و انا خايفه جدا

بقيت حاسه انى عامله زى النسر اللى ماشى و اولاده تحت جناحه و متأهب لاى خطر

بقيت خايفه من الناس الفقيره و خايفه عليهم

نفسى الاقى الناس ليها حد ادنى من المعيشه تخليهم ما بفقدوش اداميتهم

بلدنا غنيه مش فقيره بس الناس تعبانه و كله بيقطع فى كله

بس فى لحظه سرحت و قلت لايمكن اخلى الجواهر بتاعتى تخرج لوحدها
غريبه انا اللى كان بيخنقنى فجأه لقيتنى بفكر فى انى هاعمله
يمكن يتخقوا منى بس الاكيد انهم هاييجوا عليهم يوم يوصلوا لحالتى ساعتها
هايقولوا كان عندها حق ماما
زى ما انا بقول كان عندهم حق
خلص الكلام سلام
ــــــــــــــــــــــــــــــــــــــــــــــــــــــــــــــــــــ
نداء إلى
وندا لو سحمت غيرى طريقه التعليق عندك فى المدونه مش عارفه ادخل اعلق عندك

هناك 33 تعليقًا:

هي وظروفها يقول...

لالالالالالالالالا

اوعي تخللي قله الأمان تخليكي عندك قله ثقه في نفسك وفي الناس

بس لازم تتعلمي ان اي حد غريب متدهوش ثقه

لاحد يوقفك يقولك ممكن تقريلي العنوان ده وتقريه اعملي نفسك مستعجله


لو بتتكلمي في الموايل خلييه عكس ناحيه اتجاه العربيات

لو راكبه تاكسي متركبيش حد معاكي يوقفه بعدك

ومتمشيش في مكان هادي قوي وضوءه قليل

بس قبل كل ده

لازم وانتي نازله من البيت تبقي عارفه ان الناس اللي في الشارع دي مش ملايكه فيهم وفيهم

انا اول يوم عملت الرخصه كنت فرحان بيها خدت عربيه اخويا ومشيت رايح مشوار في اشاره واحده سالني الا قولي يا استاذ في ثانيه لقيت من الناحيه التانيه الموبايل اتسرقنزلت لقتهم اختفوا
خدت فتره بقيت بمشي مش مبسوط وخصوصا اني برجع من شغلي متاخر ومعنديش عربيه اه انا شاب بس الدنيا مبقتش امان مش معني اني شاب اني مش ممكن اتسرق عادي ولو قلت غير كده انا او اي حد ابقي كداب

خللي بالك وبجد انزلي فيوقت كويس وادي الثقه لنفسك وخليها علي الله العمر واحد والرب واحد بس مع اتخاذ احتياطيات امان طولت بس لاني حسيت بللي بتكلمي عنه قبل كده

الجواز و سنينه يقول...

هى و ظرفها
اولا نورتنى فى اول تعليق يا فندم
انا مع الاسف مابقاش عندى ثقه فى الناس
بقيت بمشى و انا ببص فى الوشوش بقول يا ترى فين الحرامى
و الله مش الخوف من السرقه فى حد ذاتها
لاء علشان انا بخاف حد يزقنى انا او الاولاد
اى ما كانت الفلوس فى مش ذات قيمه جنبنا
حلوه اوى الاحتياطات الامنيه اللى قلتهالى و الله تسلم اديك عليها بجد هاعمل بيها
فكرتنى بأيام السواقه الاولى
انا بقى كنت بسوق من غير رخصه
قعدت ييجى سنه كده
بلطجه هابقى اقولك على موقف تحفه بسبب السواقه دى
انا عندى self Defense
و بيكون فى ايدى و انا خارجه لوحدى
بس اللى مزعلنى هو احساس الامان فى حد ذاته
حتى زمان كانوا يقولوا ان لا يمكن اولاد الجيران يعاكسوا بنت الجيران
لاء دول اللى كانوا بيدافعوا عندها
دلوقت اول ناس بتعاكس
اهه حتى يبقى زيتهم فى دقيقهم
نورتنى و ماطولتش و لا حاجه
تعليقاتك اصلا بتزيد الموضوع جمال
نورتنى

rovy يقول...

حاسه بيكى أوى ..
عندك حق لازم نخاف ما دمنا مفتقدين الأمان ..
ليس لنا حبيبتى الا الله سبحانه و تعالى فهو خير حافظ و هو أرحم الراحمين ..
ربنا يحفظ أولادنا جميعا و يحفظنا و يعيد لنا الأمان الذى حقا نفتقده كثيرا

تحياتى

yomna يقول...

ايوه صح لما كنتي ماشيه من عندنا فعلا كنت حساكي خايفه :D
والبركه في بخاخه الفولفول الاسوس اللي معاكي هههههههههههه:))

صيدلانيه طالعه نازله يقول...

احساسنا بلامان الخارجى بيبقى نابع اساسا من شعورنا الداخلى بالامان
الخطر بقى بيجى للانسان من اقرب الناس اليه للاسف و عشان كده بقينا على طول قلقانين حتى و احنا مع اللى بنحبهم

أحــوال الهـوي يقول...

طبعا كلامك صحيح جدا و هذا شئ متوقع نتيجة الفقر و الحاجه وخصوصا ان الامن بقي امن سياسي خاص بحماية فئة معينه
و اتوقع قريبا ثورة الرعاع

و الواجب علينا الحيطه و الحذر و عدم استفزاز العامة او دعوة اللصوص من ارتداء الحلي و الذهب
او التباهي بالموبيلات الثمينه في الاسواق
او اخراج مبالغ ماليه كبيرة تثير الطمع و تدعو اصحاب النفوس الضعيفة للسرقه

و الله خير حافظا

تحياتي

لاسع افندى يقول...

بالعكس ده على ايام اولادك هتترحمى على الامن والامان اللى كنتى عايشه فيهم
للاسف حالنا بيتدهور من سىء لاسوأ


ربنا يلطف بينا


تحياتى

Wanda يقول...

:-)))))))))))))))))))
قرأت النداء والله غيرتها لسه مضيقاكى التعليقات؟؟
قوليلى بقى اعملها ازى؟؟

نرجع لموضوع البوست
بصى ياسنسنة
الدنيا خطر ايوه من ايام ادم وحواء
و الخطر مش ديما بيجى من المجهول ساعات من اقرب مكان تتخيليه مش اول قاتل و اول قتيل اخوات؟؟

انا برضه اتقالى لا كثيييييييييييييير
قوى و الغريب انى كنت اكثر واحدة فى صحابى مقفول عليا و انا عندى اخ و هما كلهم بنات فى بعض
و ديما و لحد دلوقتى لما اقولوهم لازم اروح يقولولى هى معاد رفع الشباشب السعة كام؟:-))))
تعرفى انا اهو فى بلد و الوالد فى بلد و رايحة جاية و هو و الوالدة متابعين تحركاتى بالنت و الموبيل و مواعيد رفع الشباشب لازلت ثابتة :-)))))))))))))
و انا اتعودت عليها بصراحة لما ميسالوش و ميزعلوش بزعل انا منهم :-)))

عادى انك تخافى على مجوهراتك بس برضه لازم تعلميهم انه لوحصل حاجة من قريب و لا غريب لازم يردوا بهجوم و يتصرفوا ميقفوا بذبهلال لحد ما الخطر يكبر اكثر

عوديهم ميظهروش خوف
دا اكبر درس اتعلمته من امى انا
هى كانت بتخاف من الكلاب زى بس لما كلب قابلته فى الشارع حس انى خايفة منه هجم عليا و انا اتسمرت
لقيتها بالى فى ايديها عليه و شخط و زعيق هو خاف و جرى
و التفتلى و قالت الكلاب بتشم رائحة الخوف اياكى تبينى خوفك لو اتزنقت مثيلى الشجاعة ساعتها الكلب بيخاف من الشجاعة (وان الكلام ده ينطبق على الكلاب من الحيوانات و من البشر:-))
يعنى لو مشيت فى طريق و لاقيت شلة صيع قصادى و مفيش سكة ثانية مقفش اتردد ارفع راسى و اجمد قلبى و امشى انشاء الله وسطيهم و هما فى العادة بيقفوا يتفرجوا و يقولوا نقدر عليها و لا لا لا ياعم شكلها جامدة بلاش نلعب مع ديه:-)))
بس برضه مبحاول امشى من المكان دا ثانى ابدا
مش نظام ارمى نفسى فى التهلكة انا
دا انا اساسا جبانة :-)))
بس كمان اتعودت انى الاقى الامان من الناس فى الناس مش بعيد عن الناس

كفاية رغى لحد كده
ربنا يحميك انت و مجوهراتك و بلاش تلبسيهم اى مغريات تشد الكلاب

شمس النهار يقول...

كل حاجة اتربينا عليها وكانت بتزعلنا

بعد مابنتحط في نفس الموقف بنلاقي انها كانت صح


بس الحقيقة لازم نفهم اولدنا ليه احنا بنعمل كده

علشان اولا نعلمهم ونعودهم علي الحوار
كمان علشان لما حد من اصحبهم ينقد الوضع يعرفوا يردوا عليه

بوست لطيف بجد

سلامي

حرروف يقول...

امممممم مش عارفه بجد اقول ايه
انا عندي 21 سنه ومكنوش بيرضوا اروح رحله تبع المدرسه او حتي اسافر مع خالتي وولاد خالتي


اول رحلة طلعتها كانت من كام شهر بس

وطول الرحلة وكل ساعه رايح جي تلفون مني او منهم

حلو ان الاب او الام يخافوا علي ولادهم بس لازم لحظات يحسوا باعتمادهم علي نفسهم عشان ميبقوش منغلقين ومثاليين زيادة عن اللزوم في مجتمع كل التعريفات والمصطلحات من قيم ومباديء بقت غير وبقت حيرة مين الصح ومين الغلط

دمتي بالف خير

أبو حميد يقول...

عندك حق
الإحساس بالأمان قل عن زمان
وأنا صغير لما كان والدى ووالدتى يمنعونى من حاجة أو يطلبوا منى أعمل حاجة وأنا مش عاجبنى كلامهم كانوا بيقولولى بكره لما يبقى عندك عيال حتفهم إننا كنا بنعمل ده علشان مصلحتك وحتخاف عليهم زىمابنخاف عليك وأكتر

عايش... ولكن !!!! يقول...

عااااادى
شىء عادى جدا انك تحسى بعدم الامان
انا نفسى لسه مسروق منى موبيل من شهر تقيربا
عاااااااادى
انتى فى مصر بلد المتناقضات

صبرني يارب يقول...

هو صحيح الدنيا مش امان

وصحيح انا كمان باخاف وباعمل زي مامتك

وبابص من البلكونه لحد ما تروح عند بنت الجيران الى فى العماره الى قدامنا

وصحيح مش متخيله انى هاوافق لما تكبر انها تخرج لواحدها

بس برضه مش معقول اموتها يعنى من الخنقه

عارفه اول يوم راحت المدرسه انا كنت قلقانه جدا ومضايقه وعماله بقى الشيطان يلعب فى دماغي
افرضي اهملت المشرفه بتاعة الباص

افرضي اهملت المدرسه
افرضي افرضي

وفى الاخر قلت بقى اعوذ بالله من الشيطان الرجيم وربنا يستر

صحيح لازم ناخد بالنا وصحيح ما عادش في ولا امن ولا اماااااااان

وصحيح بقى في لكل منطقه بلطجي وتوابعه

بس هانعمل اييييييييييييييييه بقى

حسبى الله ونعم الوكيل

وبرضه بنقول ربنا يستر

بالطبع رغيت لما قلت بس ودي هوايتى انتم عارفين

MaNoOoSh يقول...

معاكي بردو في احساس الأمان اللى بيقل


لكن الاحتياط واجب
وخلى بالك متخنقيش البنانيت
خليهم ينطلقو وعلميهم الاحتياط من خلال سلوكك انتى
وخليكي معاهم ومراقباهم حماية ليهم
وزي ما شموسة بتقول فهميهم الخوف دة واتكلمي معاهم
وهم اعتقد هيقدرو

ربنا يحميهم ويحمي بنات المسلمين

كلمات من نور يقول...

فتن وقلق في كل مكان وربي يرحمنا ويهدينا علشان إحنا سبب ما وصلنا إليه ...تحياتي

star in the sky يقول...

اول ما جيت اقرا
خبطنى تعليق هى وظروفها عجبنى وحسيت انى استفدت منه

بصراحة الامان مراحش بس انتى ونازلة الشارع وكده الامان راح فى حاجات كتيرة اوى

ستيته حسب الله الحمش يقول...

شوفي بقى
لحد ما رحت السعودية كنت باخرج الساعة 11 بليل
وارجع بعد صلاة الفجر
وكل عيلتي زيي لأننا بنتخنق من الزحمة
وبنحب لمة الليل ومش بنصحى بدري يوم الفسح

لكن ان ولادي يعيشوا نفس الجو
لأ مصر مبقتش زي ما كانت من 8 سنين
مصر اتغيرت خالص
اه انا دلوقت مش حاسة بالأمان عليهم
وده مزعلني جداااااااااااااااااا

يعني البلاد تتغير في عقود
مش اقل من عشر سنين تجيب كم الفقر والتحرش والخوف ده

بس لو سافرتي بره مصر
صدقا وبلا مبالغة
ها تلاقيها أءمن ميت مرة من اي حتة تانية
وعن تجربة

بساء الخير وواضح اني جيت متأخرة خالص
معلش بقى يا قمر

فشكووول يقول...

ايه بس اللى مزعلك من الجواز

عادى .. البلد ما بقاش فيها امان .. بقى عادى جدا.

كان زمان عسكرى الدوريه بياخد نبطشيه فى مكان فى الليل وكان دايما يقول (ها .. مين هناك) عارفه كنا بنتريق عليه .. لكن صرخته كانت ترعب اجدع شنب .. وكان الشارع من اوله لآخره عامل حساب للعسكرى ده .. وكلمة مين هناك بتدل على انه موجود.

النهارده لو قابلك فى الشارع ظابط .. ولا بتعبريه ولا بتخافى منه ... ليييييه؟

عشان هما تفرغوا لامن السلطه وليس امن المجتمع .. امن المجتمع ليس له قيمه فى نظرهم ولذلك لا يعيرونه اى اهتمام

كان زمان شعار الشرطه يقول (الشرطه فى خدمة الشعب)
اليومين دول استكتروا على الشعب ان الشرطه تكون فى خدمته وغيروا الشعار الـ ( الشرطه والشعب فى خدمة القانون)
يعنى اصبحنا كلنا عبيد لشيئ معنوى اسمه القانون.

طب لو انتم حرستم الشعب وطبقتم القانون .. مش يبقى احسن من الشعار الزائف ده واللى سعادتكم وباشوتكم وافنديتكم مستكترين علينا الشعار القديم اللى هو الشرطه فى خدمة الشعب

خليكى انت بس زهقانه من الجواز وخلاص وسنينه اللى انا موافقك عليها .. مهببه

انا ودماغي يقول...

أنا كمان بقيت أمشى و أنا خايفة
و لما آجى أتكلم فى الموبايل فى الشارع بدخله جوا الطرحة عند ودنى عشان محدش يخطفه منى و أنا بتكلم

بجد الشارع المصرى بقا قمة فى البشاعة و عدم الأمان

Beram ElMasry يقول...

سيدتي الجوازوسنينه
شكرا جزيلا علي الاطراء من قلب طيب وسيدة فاضلة

تحياتي والسلام ولا سلام مع الصهاينة

!!! عارفة ... مش عارف ليه يقول...

من يوم ما العراق اتنيلت على عينها

والحرامية ملوا البلد

نسأل الله العفو والعافية

وربنا يستر علينا جميعاً

FOrty يقول...

ربنا يستر على البلد بعد ما بقى البلطجيه اسهل طريق اتسويه النزاعات بدل من المحاكم
و برضه بدل ما المرشح ما يعمل حمله انتخابيه و يعرف الناس ببرنامجه ياجر شويه على باب اللجنه اسهل
و الامن و الامان بيعتمد عليهم لجمع المعلومات و التحريات يعنى عندهم حصانه هما كمان
تحياتى

قيس بن الملووووح يقول...

عزيزتي
اولا شاكر اهتمامك بمشكلتي ةانا اعترف اننا صاحب النصيب الأكبر من الحطأ ولهذا سوف اتحمل
بخصوص الماديات للمنزل مصروف مقنن يزداد كل عام حسب التضخم وزيادة الاسعار ..اما المشاكل التي تنتج عن الماديات هي بخصوص طلباتها الاسثفزازيه فمثلا لو اراد الابن ان يذهب الي رحله مع الكليه اعطيه مبلغ اتصور انه يكفي لكنها تحدث مشكله لماذا لايضاعف المبلغ احد الابناء في الثانوية العامه وهذا البند تابع لي فتصر علي ان يأخذ درس خصوصي بمفرده ويأتي المدرس الي المنزل رغم ان الغالبيه من زملائه يأخذون الدروس في مجموعات...اذا قمنا برد زياره لاحد الاصدقاء في مناسبه وقد احضر لنا تورته يجب علينا أن نأخذ اثنين ومن افخم المحلات...الخ
ع.ل.ع

Skeptical Journalist يقول...

السلام عليكم
حبيت الفكرة بتاعت المدونة بتاعتك اوي
انا طالبة ماجستير في الجامعة الامريكية قسم اعلام رقمي وتلفزيوني
بعمل تقرير عن الزواج واختيار شريك الحياة وبصور ورش عمل وحاجات كتير كده منها المدونات اللي ليها علاقة بالموضوع ده
حبيت اعمل معاكي لقاء تتكلمي فيه عن فكرة المدونة وليه عملتيها وكده
لو حابة الموضوع ابعتيلي ايميل على
nejud@hotmail.com

:)

بنوتة مصرية جداجدا يقول...

الموضوع دة انتشر جدا ربنا يسترها

الغاردينيا يقول...

معاكي حق !

انا كنت بطلع اتمشي ساعات كثيرة لوحدي

و عادي كنت باخذ اذن من ابي وامي

وبيسمحوا ليا ودا كان من حوالي خمس

سنين بخلال الخمس سنين دون كل شئ اتغير

اليوم بروح الكلية وانا خايفه

و بروح طبعا مع صديقاتي

ياريت بس اختطافات الشنط لا

اختطافات النساء و سرقة اعضاء وووو

ربنا يستررررررر علينا !

شكرااااااا لك عزيزتي

اعطيتني فرصة لاعبر عن هذا الخوف د

المتسرب فينا .. وانا معاكي احذري

على ابنائك بس من غير ما تخنقيهم لان

دا برضه خطير كل شئ بيزيد عن حده

بينقلب ضده !

الجواز و سنينه يقول...

روفى يا جميله
دايما كلامك بيكون هادى و مريح نفسيا
بحس فيه بهدوء جميل
يارب ربنا يحفظنا جميعا احنا و ذريتنا يارب

الجواز و سنينه يقول...

yomna

يمنتى يا جميله
يا حاسه بيه يا قمر
انا فعلا كنت خايفه اصلى مش متعوده ارجع لوحدى ما انتى عارفه الاحكام العرفيه
ههههههههه
و البركه فى اللى بالى بالك بقى
اموووووووووه

الجواز و سنينه يقول...

صيدلانيه طالعه نازله

يا سيدى على الكلام الكبير من الناس الكبيره
احساسنا بعدم الامان من الناس القريبه بيكون افظع بكتير من الاحساس بعدم الامان مع الغريب
علشان المفروض ان القريب هو الملاذ و الامان الحقيقى و لو كان هو مصدق الخوف يبقى مش قريب

الجواز و سنينه يقول...

أحــوال الهـوي
و الله مش عايزه اقول لحضرتك اد ايه ريحتنى كلمه الله خير خافظ
يارب ربنا يتقبل للجميع يارب
و محدش يمسه اى سوء
اما فكره استفزاز الناس بالموبايلات و الذهب فأنا معاك
و متهيألى ان الناس دلوقت بطلت من الخوف
انا عن نفسى ماسكه عده من اللى تخبطها فى الحيطه ترجع دى
و ده علشان انا مش من هواياتى الموبايلاتى
يمكن مقتنعه بكلمه ان فايده الموبايل انه يرن و انى ارد
كمان النونات مش مخليين الحمد لله
هههههههههههههههه

الجواز و سنينه يقول...

لاسع افندى

ربنا يستر و تكون ايامهم احسن من ايامى
عندى امل فى ربنا انى اموت و انا متطمنه عليهم

الجواز و سنينه يقول...

Wanda
الحمد لله انى قريتى النداء يا هنادى
قصدى يا وندا
هههههههههه
و طبعا عرفت اعلق و انشر و اغسل كمان
فكره اننا عندنا اخوات ولاد و همه الحمايه
متهيألى ده اسلوب بيت اكتر منه انه عندنا اخوات ولاد
كلنا كان عندنا ميعاد رفع الشباشب و تخيلى لغايه دلوقت موجود ههههه
مافيش فايده بس ربنا يباركلنا فيهم
و ربنا يحفظنا جميعا من الكلاب

نفسى فعلا اعودهم انهم ما يخافوش و انهم يقولولى و يارب اعرف انجح فى ده

المفروس المتحزلق يقول...

فاروق بن النيل ..
جواز وسنينه. جواز وإتجوزنا.غريبة أنا
الحقيقة اللى إنتى قولتيها مالهاش دعوة بظروف الحياة سواء فيه أمان أو مافيش كانوا آباءنا وأمهاتنا بيضربونا لما نخرج نلعب شوية والشارع كان أمان ولكن
خوفهم علينا فطرة فطر الله الوالدين عليها وأنا الآن وزوجتى نفس الشيئ على أولادنا اللى كبروا وماكبروش فى عنينا واحد مهندس بيعمل من خمس سنوات والتانى آخر سنة طب عين شمس وبرضه عيال فى نظرنا سنة الحياة " ياسنسنة" وشكرا
farouksam.blogspot.com