الأربعاء، 27 يناير، 2010

سندريلا مهزومه




لم تعرف طول عمرها معنى الهزيمه و لم تكن فى قاموس لغتها

لم تكن يوما غير واحده من الذين يشار إليهم دائما

و لم تحلم يوما إلا بفارس يخطفها على حصان ابيض

فما الفرق بينها و بين سندريلا

لم تكن ترى نفسها إلا سندريلا عصرها لم يكن غرور و لكن كانت ترى نفسها سندريلا

ايام طويله عاشت تحلم بالامير الفارس المغوار

ايام عاشت تحلم كيف تسعده و ترسم صور لحياتها معه

كم حلمت احلام ورديه ... كم حلمت بيوم تكون فيه مع الامير فى القصر الجميل

كان القصر جميل لانه فيه و لانها فيه

الان لم يبقى من حلمها شيئ

لم تعد سندريلا .............. فقد كانت تحلم بعيون يشع منها الحب

الان لم يعد يراها الامير إلا نادرا حتى لو كانت طول الوقت امامه لم يعد يراها

تعد له الطعام و تضعه فينظر لها دون ادنى اهتمام

مال لهذا الامير لا يراها

اكانت فعلا سندريلا ام ضحكت عليها المرايه

هناك 32 تعليقًا:

صيدلانيه طالعه نازله يقول...

يبقى هيا اختارت فارس نظره ضعيف و بيكابر و عايز نظاره بس خايف على الشياكه لا تبوظ
عمر سندريلا ما حتتكسر و حتفضل اميره فى نظرنا و نظر غيرنا
لانها فعلا اميره

و لانها فتاه الاحلام

سندريلا

sookra يقول...

لن تنهزم سندريلا
ماينفعش تتكسر كلنا بنحلم نكون سندريلا
واكيد الامير دا موش امير لكن متخفى فى ملابس امير
تحياتى لكلماتك وفكرتك التى تحمل فى طياتها اكثر مما تبين

القدر و انا يقول...

يا عينى عليك يا حواء
دايما عايشة الوهم قبل الجواز
الله عليك فى الكوشة سندريلا بجد
بس ااااااااااااااه من اللى بعد كده
هو كمان مظلوم كان نفسه يبقى فارس
لكن الزمن ما بيرحمش
والالتزامات صعبة
ويتحول الفارس وسندريلا الى اتنين مطحونين علشان ينجحوا البيت ويربوا العيال
وتتوارى الاحلام
ممكن تظهر فى ليلة الفجر
ساعة من كل عام
بس برضه حواء تنتظرها بفارغ الصبر
معلش يا قمر طولت شوية
اصل الواقع !!!!!!!!!!!!!!!!!!!!

mony يقول...

لازم سندريلا زى ما هى حالمه
ورومانسيه
تبقى واقعيه
والمسئوليه على الزوجين
مش من طرف واحد

ستيته حسب الله الحمش يقول...

حبيبتي
عندي جرعة سحرية لهذا الأمير الذي تحول إلى ضفدع :)
قليل من مسحوق التغير المظهري
رشة من مسحوق الحنان الزائد عن الحد
بعضا من الأحضان المعنوية والحديث الرقيق بالرغبة في عودة الأمير
وممكن معاهم بوسة بقى يا وديع :)
مفيش ضفدع ياخد جرعة اهتمام وحب وشوية تغيير ويفضل ضفدع

الروتينية هي قاتلة الحب
والرومانسية الأولى ليست هي رومانسية الجواز

كمان الرجالة بيزهقوا بسرعة وتشوفي ملامح الضفادع عليهم من وقت للتاني :)

الجواز و سنينه يقول...

صيدلانيه طالعه نازله

انتى سكر يا علا
بقى طلع نظره ضعيف
يعنى هو مشوار لدكتور العيون يظبط المسائل و يرجع زى الفل
و يا ستى لو على الشياكه
الليزك مافيش اسهل منه

الجواز و سنينه يقول...

سكره
يا احلى حته سكر
اكيد سندريلا مش هانتهزم
و كلنا سندريلا
و لن نتنازل عن حلمنا فى العربه السحريه و الامير الاكثر سحرا
عله يوما يرى سندريلا كما تريد

الجواز و سنينه يقول...

القدر و انا

و الله لو على تربيه العيال و طلبات الحياه يبقى عليه العوض فى الحلم
على فكره الناس ممكن تكون مبسوطه بالدفئ اللى جواها مش بكتر الفلوس
كفايه نظره حنان اخر اليوم
عارفه انا مره شفت اتنين اجانب مكحكحين على الاخر و كل واحد ماسك ايد التانى و ماشى
لو فى سنهم هنا و هملو كده نقول عليهم مجانين
لاء التعبير عن الحب طول العمر مالهوش علاقه بالظروف الماديه
دائما هناك الساعه 12 عندما تدق ساعه رجوع سندريلا
لابد للامير ان يركض ورائها يبحث عنها
لانها تريد ان ترى لهفته عليها

الجواز و سنينه يقول...

مونى
احلى حاجه فى سندريلا رومانسيتها
لان الرومانسيه هيه الدفئ و الحنان اللى محتاجه الامير لما يرجع تعبان
كمان هيه كمان محتاجه حبه كده علشان تعرف تكمل

أبو حميد يقول...

معلش لسندريلا
بس الأمير تلاقيه (يا كبد أمه زى باقى الأمراء) طالع عينه من الشغل والعيش والعيشة واللى عايشينها
علشان كده مش عارف يعبر لسندريلا عن مشاعره
أو.....
بيعبر عنها بطريقة عملية مش بالكلام
يعنى وردة, هدية, فسحة, عزومة حلوة, وهكذا

الجواز و سنينه يقول...

ستيته حسب الله الحمش

انتى سكررررررررررر للصبح
ـــــــــــــــ
وممكن معاهم بوسة بقى يا وديع :)
ـــــــــــــــــ

تهامى باشا انت استاذ

اما بقى بالنسبه لوش الضفضع
فأحب اقولك ان سندريلا لعبتله كل الالعاب
هههههههههههههههههههه

و طلب رز عملتله زر و طلب مكرونه برضوا عملتله مكرونه

بس لو على النيو لوك مافيش اسهل منه
تجربه سندريلا يمكن يكون فيه الشفا

الجواز و سنينه يقول...

ابو حميد

قصدى الامير من ضمن الامراء

و الله لو على انه طلع عينه فأكيد مثله مثل باقى الامراء ربنا يكون فى عونهم
بس نظره حنيه و النبى لسندريلا
كل فتره كده ورده فله عود جرجير حتى
اى حاجه كده تعمل ريحه فى الجو

و بعدين ايه حكايه انكم بتعبروا بطريقه عمليه
و ماله النظرى حضرتك
بيجيب نتيجه زى الفل

أبو حميد يقول...

شوفتى الفيلم اللى أنا مش فلكر إسمه اللى فيه حنان ترك ومنة شلبى وهند صبرى أصحاب؟
كانت هند صبرى متجوزة خالد صالح وطول الفيلم نفسها يجيبلها ورد وهو يقول إن ثمن بوكيه الورد يجيب نص كيلو كباب

فى اخر الفيلم الراجل إشترى الورد والكباب وهى دى الطريقة العملية :)

بطوط حبوب يقول...

مش يمكن تكون سندريلا هى اللى مش واخه بالها اوى من نفسها ومعتمده على انها سندريلا وخلاص
انا بقول يمكن

الجواز و سنينه يقول...

ابو حميد
الفيلم اسمه احلى الاوقات
و بحد الجزء ده جدا
بس لو تفتكر هو جاب الورد بعد ايه
بعد ما كانت عايزه تطلق منه علشان ياما قالت عايزه ورد و هو اكتفى بالرد العملى
مش هانظلم باقى و لا الامير و لا الامراء كلهم
زى ما قلتلك كتر خيرهم
بس كلنا جوانا سندريلا لم تنسن ان واقع الحياه رتمها سريع
لكن برضوا فى وسط الزحمه حسسها بأنها لازالت سندريلا
مش مهم الورد انا من رأيى ان سندريلا ممكن تكتفى بأقل من كده بكتير
نظره حنان كلمه حلوه زى ماهو محتاجها هيه كمان محتاجاها

الجواز و سنينه يقول...

بطوط حبوب
يا سلام عليك يا سى بطوط يا بتاع يمكن انت
طبيعى ان بعد كل يمكن دى انى اقولك اه يمكن
بس عارف انا اعرف مليون سندريلا سبب تحولهم إلى الساحره الشريره
انهم ياما اهتموا بسندريلا و وقفوا ادام المرايه ساعات و فى الاخر ماحدش اخد باله
يبقى رجعنا للامير

Just Smile يقول...

I don't wanna be like Cinderella living in a dark cold dusty cellar waiting for somebody to come and set me free
I rather rescue myself...

افتكرت الاغنية ديه وانا بقرأ التوبيك تعرفي مينفش يبقى فيه برينسيس لأن ببساطة مفيش برينس..!!

اين فتى احلامي البرينس بتاعي ..خلاص جمال عبد الناصر وصلاح جاهين ماتوا من زماااان ..

واحنا عشان نساير الوضع مش لازم يبقى فيه سندريللا نستني حد ينقذنا احسن اننا ننقذ نفسنا بنفسنا.

ولو لقيتي برينس ابقي ابعتيلي واحد ^_^

سلام عليكم

معتز شاهين - باحث تربوي يقول...

أكيد محتاجة للنظارة

تحياتي على تلك المدونة والأفكار الرائعة

ويبقى التواصل

غير معرف يقول...

لوبدأت الحكايه قبل البداية
نعرف إن سندريلا
بدأت مهزومة!!!!!!
وماانتصرتش الا بمساعدة الساحرة!!!!!!
يعني لو سندريلا كانت اعتمدت على نفسها عمرها ماكانت عجبت الأمير

ولو بدأت الحكاية من بعدالنهاية

بعد سندريلا مااتجوزت الأمير
الأمير طبعا مشغول تعبان وصاحب مملكة
والا يتهد المعبد على اللي فيه
والحدوتة ماكملتش
وقالت ياترى ؟؟؟؟؟
ايه اللي حصل بين سنديلا والأمير ؟؟؟؟
عاشت في رومانسبة
ولا بدأت تعيش الواقع!!!!!!!!

مجرد تأملات في قصة سندريلا

من (خيالي واسع)

غير معرف يقول...

أولا انا عجبني جدا اسلوب كتابتك للبوست فعلا جذيني اني ارد عليه رغم اني مش بدخل مدونات كتير وبرد قليل اوي
ثانياً انا بعاني من مشكلة زي دي تقريبا بس بالعكس أنا الرجل، مراتي دايما عندها نفس الإحساس بتاعك ده. وأكيد لو عندها فرصة كانت كتبت نفس كلامك ده
بس تعالي نفكر شوية مع بعض، اني بتبص للموضوع من وجهة نظرك انتي بس
يعني انتي ظهرتي قدامنا كلنا انك الضحية البريئة المجني عليكي (ومعلش احنا بناقش الموضوع بصراحة علشان نوصل لحل) بس هل فكرتي انتي بتعملي ايه مع جوزك، مش جايز انتي دايما بتعملي عكس اللي هو بيطلبوا منك
هل انتي فكرتي هو بيشتغل كام ساعة في اليوم
بيتعب قد ايه علشان يوفرلك عيشة كويسة
هل انتي لو مش بتشتغلي تقدري تنزلي اسبوع واحد متواصل وتشتغلي شغل زي اللي هوه بيشتغله وتقدري توفري نفس الحياة الكريمة ليكي ولأسرتك
سألتي نفسك كده؟ تقدري تستحملي المعاناة مع المواصلات والمعاناة مع رؤسائك والحرب مع زمايلك في الشغل وكل ده وانتي في دماغك انك عاوزة تسددي ايجار أو قسط شقة ومصاريف عربية وعاوزة توفري قشين للزمن وعاوزة توفري مصاريف العيال وعاوزة مصاريف للبيت ومصاريف لمناسبات وكمان لو هو بيشتغل قطاع خاص دي كارثة تانية هتلاقيه بيفكر الشهر الجاي هيبقى فين في الشغل ده ولا هيقعد في البيت كام شهر لغاية ما يجيله شغل تاني
كل الحاجات دي دايما في عقل الزوج ليل نهار ده غير كمان الإلتزامات العائلية أهله اللي ممكن يكون مسئول عنهم كراجل

فكرتي انتي في كل الكلام ده وحطيطي نفسك مكانه وشوفي عقلك وأعصابك تستحمل كل الكلام ده في وقت واحد ولا لا
كمان والأهم هل انتي بصيتي لنفسك شوقتي بتعامليه ازاي هل بيقولك حاجة وبتوافقيه ولا في كل حاجة بتقوليله لا
هل نتي بتعاملي أهله كويس ولا كل ما بتشوفيهم تكشري في وشهم وتزعليه
حاجة تانية هل فكرتي انتي في أي حاجة حلوة بيعملها ولا انتي صورتيه لينا على أنه ضفدعة وخلاص؟ هل بيعامل أهلك زي مانتي بتعاملي أهله
هل هو بخيل؟
هل هو كداب؟
هل هو عينه زايغه وبيطلع بره بيتكلم أو بيقابل زاميلات أو اي واحدة تانية؟

فكري في كل الكلام ده وبعدين قولي مين هو الأمير ومين هو الضفدعة وهل تستحقي انت تكوني سندريلا ولا لا، وماتنسيش تبصي في مرايتك تاني بعد ما تقري تعليقي ده
وبعدين بعد كل الكلام اللي قولتهولك ولو مقتنعتيش انك انتي ااشبب بنسبة 70% و لو شايفة أنك لو سيبته ممكن تلاقي اللي يخليكي سندريلا يبقى أحسن تصارحيه بأنك مش عاوزة تعيشي معاه وأكيد هو هيلاقي سندريلا تانية تستحمله بس انتي عب تلاقي ضفدعة تاني بنفس مواصفات جوزك
اتمنى ما كنش ضايقتك بكلامي

الجواز و سنينه يقول...

Just Smile


اولا تعليقك جميل كده و دماغ
و انا احب التعليقات الدماغ
بصى اكيد فيه لسه برنس و برنسس كمان
احساس البرنس و البرنسس بيكون جوانا
يعنى ما ينفعش حد يكون مش عنده الاحساس ده و يشتريه
هو يا حاسس بنفيه برنس يا لاء
فكره اننا نستنى برنس يحررنا
فده طبعا مش صح
احنا مش عايزين البرنس يحررنا
احنا عايزينه جنبنا و نكون جنبه
ادينا فى ادين بعض
حاجه كده تكون ضهر زى ما بيقولوا
واكون انا كمان ضهره لما يكون تعبان
حاجه كده متكامله بنا احنا الاتنين
هو ده احساس سندريلا بالامير و هو ده اللى عايزاه منه
انه يكون اميرها حاله خاصه بيها هي و هو

و يارب يديكى البرنس اللى يستاهل البرنسس الحلوه دى

الجواز و سنينه يقول...

معتز شاهين
سهله النظاهره
بس المهم الناس تكون عايزه تشوف
نورتنى و يارب يدوم التواصل

الجواز و سنينه يقول...

غير معرف
عجبنى اوى التعمق فى حكايه سندريلا
رغم انك جاى عليها حبتين
سندريلا ما طلبتش من الامير انه يقعد جنبها و لو قعد هاتزهق منه
طلبت اللى ربنا امر بيه و الناس بتنساه او تتناساه
و كمان سندريلا الامير دور عليها حتى بعد ما السحر ضاع
يعنى كان عايزها اى ما كنت خدامه او اميره
جميل الخيال الواسع ده

الجواز و سنينه يقول...

غير معرف
اولا انت جبت منين انى انا بكتب عن حياتى ؟؟؟؟؟
طيب انت شايف ان مراتك ممكن تكتب كده و جاى تطلع الغل ده عليه
مراتك تستحملك لكن انا لاء سورى تتكلم معايا احسن من كده بكتير

لكن لو هانتكلم على ان دى ظروف الرجاله و انهم تعبانين
فلو انت قريت تعليقاتى على الناس هاتلاقينى بقول كتر خيرهم
يمكن مراتك مش بتقولك كتر خيرك و ده مزعلك اوى كده
بس كمان لازم انك لو شايف ان ده احساسها انك تحاول تقرب منها لان ده واجبك جنب كل الواجبات اللى قلت عليها
و بعدين انت شايف ان الراجل لازم يكون مش بخيل و لا عينه زيغه و بس
مهم كمان انه يكون قريب من زوجته وجدانيا يكون فيه حوار رقيق بنهم
لو ربع ساعه كل يوم حسسها بأنها موجوده هاتشيله فوق راسها من فوق
اما بقى اسألتك الشخصيه ليه بأنى بعامل اهل زوجى كويس و لا لاء
فده مالكش فيه
مش من حقك اصلا تسألنى السؤال ده
و بعدين انا ما قلتش على الامير غير انه امير و لا فيه كلمه فى البوست بتقول انه ضفدع
و بعدين لو انا بتكلم على نفسى و قلت انه ضفضع يبقى انا انسانه مش محترمه لانه جوزى و لا يمكن اقول عليه كده
انا بتكلم على اساس معين مش حاله معينه
انا عن نفسى سندريلا و الحمد لله على اميرى الخاص بيه
انت ليه مصر انك تحشر نفسك فى حياتى و توجهلى الكلام
لو انت شايف ان مراتك حاسه بالاحساس ده و حاسس انها ممكن تلاقى ضفضع تانى و انك ممكن تلاقى سندريلا تستحملك فياريت تحل المشكله دى بنكم و ما تدخلنيثش فيها
كلامك ما ضايقنيش بس ياريت كان عندك الشجاعه و قلت انت مين و كمان يكون عندك شجاعه اكتر و تحل مشاكلك و ما تطلعش ضيقك على الناس

كلمات من نور يقول...

سندريلا مش لازم تتهزم ...لازم تفكر في تغيير ...علشان ساعات الرتابه بتخلي الواحد يزهق والرجل بطبعه مللول ...لازم تغيري من سندريلا وتتجددي و وووووو
صدقيني مصيبتنا الأيام دي تلفزيون فيه عشرات القنوات وانترنت بيخلي العقل يشت ...خليكي متجددة مرة سندريلا ومرة الجميلة النائمة ومرة سنوهوايت ...تحياتي

MaNoOoSh يقول...

اه على بنات حواء
واه من الفرسان المجاهيل اللى بنقعد نحلم بيهم ولما نلاقيهم يتقلبو ضفادع


ولكني مصرة انى مش هعرف لليأس طريق
لو اتقلب ضفدع نرجعة فارس تاني بالحيلة
مهو احنا كيدنا عظيم ومش هنغلب يعني
وللا ايه

mohamed ghalia يقول...

معقول انا لسه معلقتش على البوست ده
لا بجد انا قريته من فترة
انا كنت جاى عشان اقول مبروووووووووك لمصر

طبيب اطفال يقول...

السلام عليكم ورحمة الله وبركاته
اولا المفروض انه يخلى عنده نظر لانه مش لوحده اللى بيقيم ممكن فى يوم سندريلا تبص لواحد تانى ويبقى المعلم زى قفص الجوافه
ثانيا مش كل الحياة حلو
ثالثا المفروض سندريلا تخليه مايبصش بره

الجواز و سنينه يقول...

كلمات من نور

مش المفروض الناس اصلا توصل روحها للرتابه
و اول ما حد منهم يلاقى انهم هايوصلوا للمرحله دى
يحاولوا يقربوا تانى
لازم يكون بينهم حوار و ترمومتر يقيس دايما درجه حراره حبهم
اما عن مصيبه التليفزيون فحدث و لا حرج
الناس التلفزيون اكل دماغهم بقم قاعدين ادامه كول ما همه فى البيت
و ننام علشان نصحى نجرى على الشغل امتى اتكلموا امتى فهموا بعض لا يوجد

نورتنى بالزياره الكريمه

الجواز و سنينه يقول...

MaNoOoS

حلو اوى اصرارك يا قمر انك تلاقى اميرك
و كمان اصرارك انه يفضل امير
و طبعا محدش هايغلبنا
و يارب كلهم يفضلوا امراء و ربنا يحرسهم لينا يارب

الجواز و سنينه يقول...

mohamed ghalia

تخيل يا محمد ليه كنت ما ردتش يا راجل
بس مش مهم حمدلله على السلامه و مبروك الف مبروك لمصر

الجواز و سنينه يقول...

طبيب اطفال

المفروض كل الناس يكون عندها نظر
بس مش علشان سندريلا هاتبص بره
لانها مش هاترضى انه يكون قفص جوافه
علشان هيه سندريلا و هو الامير و لازم القصه تكون ناجحه
و بعدين هو فيه زى جمال سندريلا