الأحد، 10 يناير 2010

تحديث صغنون عندما تكون الخيانه اسهل الحلول




سقط سهوا

زى الجرايد بالضبط

مــــــــــــــايكل

كل سنه و انت طيب يا عميد و بجد بتضحكنى جدا


***********************************

لو حصل و فيه واحد او واحده سمح لنفسه انه يحب


فاهايكون ادامه 3 حلول


1 - انه يسيب شريك حياته و يرتبط بالشخص اللى بيحبه

و ده فى غالب الاحيان بيفشل فشل زريع

ده غير تشرد الاطفال و كمان المحاكم و ما ادراكم ما المحاكم



2- انه يسيب المحبوب و ده لو كان عاقل شويه و مش عايز يدخل فى طلاق و تشريد اولاد

و امكانيات فتح بيت تانى و مشاكل للصبح



3- انه يخون و فيه ناس فاكره ان دى اسهل حاجه

لانه و لا اولاد هاتتشرد و لا بيت هايتقفل ولا شريك حياه مغفل و مش عارف و فى نفس الوقت مش هايدخل فى الغالب فى طلاق و نفقه

لانها نزوه و راحت

بس هو فعلا النزوات بتروح ؟؟؟؟؟؟؟؟؟؟؟ هل لما حد بيحب و هو فى داخل العلاقه الزوجيه مش بيسيب اثر فى النفس

اظن ان ده مش هايحصل لانه اكيد كان يتمنى انه يعيش مع المحبوب لانه اكيد لقى فيه حاجه مش موجوده فى الشريك


متهيألى ان فيه حل رابع و هو اسلم الحلول ان الواحد يقفل باب قلبه على شريك حياته

و لو قفل الباب اللى بييجى منه الريح هايسده و يستريح

و دايما يحاول يشوف ايه اللى فى شريك الحياه مش موجود فى المحبوب


ــــــــــــــــــــــــــــــــــــــــــــــــــــــــــــــــــــــــ

كلمتين على جنب

ستوته كل سنه و انتى طيبه
الاستاذ بيرم المصرى ربنا يديك الصحه و تمتعنا دايما بكلامك

دكتور احوال الهوى بحب جدا مداخلاتك

صيدلانيه بجد نفسى اشوفك جداااااااااااا

روفى بحب هدوئك اوى و كلامك اللى بيدخل القلب

محمد و هل تبحث عن السعاده روحك نقيه اوى

مفروسه انتى من الشخصيات المميزه جدا

عمرو حبشتكانات فلسفيه مفتقدينك جدا

شموسه حمدله على السلامه و ماتغيبيش تانى

كل المدونين بجد بتوحشونى و بجد بستفيد جدا من ناس كتير منكم

هناك 16 تعليقًا:

صيدلانيه طالعه نازله يقول...

انا بقى حاموووووووت و اشوفك لان بصراحه الصوت بس مبقاش كفايه
انا و انتى يا دودو لو اخوات مش حنبقى كده
بحبك قوى و ان شاء الله ربنا يجمعنا على خير

شفـقــة و إحســــان يقول...

يا بنتى الخيانة دى اسهل حاجة عند الرجالة ولما بيفكروا فيها ما بيفكروش فى اى حاجة تانى
مع انهم فعلا لو قفلوا قلبهم على شريك حياتهم الحياة هتبقى اجمل واسعد واهدأ
بس نقول ايه فى العين الفارغة
كل سنة وانتى طيبة وربنا يهدهم
قصدى يهديهم

صيدلانيه طالعه نازله يقول...

يوووووووووه كده تنسينى موضوع البوست
الخيانه دى حاجه مش ممكن تتوصف لانها لما بتتعرف بتجرح قوى للطرف التانى لانه بيحس انه مش مالى عين شريكه عشان كده بص بره
مش متخيله نفسى فى هذا الوضع و لا الوضع التانى
ربنا يبعد الشر و الخيانه عننا

Cute Kitty **sookra يقول...

الطرفين ممكن يخونوا
بس ليه
طيب هيقدروا يقفلوا قلبهم ولاايه؟

الجواز و سنينه يقول...

صيدلانيه طالعه نازله

بعد الشر عليكى يا قمر
نتقابل ان شاء الله و ربنا يطول فى عمرك يا قطه

الجواز و سنينه يقول...

شفيقه و احسان

حمدلله على السلامه يا جميل فين الغيبه كل ده
لو ده حال الرجاله يبقى ده قدرنا و ربنا يهديهم لينا و يبعد عنهم نانسى و هيفا و كل البنات اللى بتطلع فى مولودى
نورتى يا قمر و كل سنه و انتى طيبه يا سكر

الجواز و سنينه يقول...

صيدلانيه طالعه نازله

عودا احمدا
و كومنتين مره واحده ايه الدلع ده يا ناس
لشى خيال يا ناس

طبعا الخيانه شيئ فزيع
و فعلا بيدى احساس ان الشريك مش مالى عنين شريكه و دى حاجات مش ترجع تانى و لا تتداوى
و ربنا يبعده عننا و عن الجميع
نورتينى تانى يا قمر

الجواز و سنينه يقول...

سكره

سؤااااال هايل و الله
هل فعلا يقدروا يقفلوا قلوبهم ؟

سؤال صعب الصراحه

بس إيجابته هاتتحد باسلوب التربيه و مدى ان الشخص يكون سوى لان اللى بيخون بيخون نفسه اولا قبل الشريك

صعب عندما يكون فيه مشاكل بين الطرفين اننا نطالب الناس بأنها تقفل قلوبها
بس لو مش فيه مشاكل فلو سمحت اقفلوا قلوبهم
شفتى سؤالك صغير ازاى و الرد طويل ازاى ؟

Unknown يقول...

الحل الرابع طبعا
وكل سنة والكل طيب

momken يقول...

معلش انا عندى ملحوظه على كلامك

حضرتك بتتكلمى عن شخص متجوز وبيحب وحده غير مراته او وحده بتحب واحد غير جوزها؟؟

هعتبر اجابك ايوه

هنا بقى هقولك دى ليها اسامى كتير غير حب
ممكن تقولى نزوة...ممكن تقولى خيانه...ممكن تقولى طفاسه...ممكن تقولى قله ادب...او سفاله

اما الحب فلا يمكن ان نلسقه باى علاقه بين اى رجل واى امرأه

اما ياستى لو اتنيل على عينه ومل ميل شديد لمرأه اخرى غير زوجته
فان كان يرى فى نفسه رجوله فليخبر زوجته
او يكون على يقين ان زوجته ايضاً تحب غيره ولا تخبره
وهنا يفقد رجولته مرتين
الاولى لخوفه من اخبارها
والثانيه لصمته وهو يعتقد انها تحب غيره

الافضل ان يركز كل زوج مع زوجته
ويغير اسمها من زوجتى او نونى وسوسى وتوتى
لتكون زوجته اسمها حبيبتى
ولا يناديها الا بحبيبتى حتى تتكرس الكلمه فى دخله وتصبح الزوجه حبيبه وعشيقه بالفعل


بوستك جميل

تحياتى

dr.lecter يقول...

هو ده اخر بوست ليكي ولا ايه؟

انا مش فاهم

عامه موضوع الخيانه ده متشابك وبنحكم عليه غلط علشان عواطفنا بتسبقنا من غير مانسمع الطرف التاني

انا فعلا خايف اتحط في الموقف ده لو ماتزوجتش الانسانه اللي قلبي اختارها واتزوجت واحده كويسه وتنفع تكون زوجه صالحه لكن مش باعشقها ولا بموت فيها مجرد بعزها وبس

انا عارف ان الست لا يمكن تفهم النقطه دي عند الرجاله بس احنتا نفسنا جرجاله مش فاهمين نفسنا

Lady E يقول...

الخيانة ابشع حاجة في الدنيا

وغالبا لو حد متجوز بيخبي انه متجوز عاللي بيحبه او نقدر نقول عاللي بيكدب عليه وبيخدعه


كمان الخيانه ليها مسميات يعني في ناس معتبرين انه يعرف واحدة على مراته مش خيانة (هبل هبل يعني
)

ومعتبرين ان الخيانة بنتحصر في العلاقات الجسدية بس وميعرفوش ان مجرد التفكير في حد تاني غير شريك الحياة خيانة

Mahmoud البطراوى يقول...

طب ما فى حل خامس

انه يتجوز الاتنين :-S

micheal يقول...

وأنتي طيبة.ده ايه التسييط ده كله
:)
أنا أؤيدك أن ما يعتبر نزوة ده لازم حيسيب أثر وغالبا الأثر ده لا يمكن تجاوزه لأن مفيش شيء يؤلم أو يضرب أي علاقة في الصميم غير الخيانة..أي حاجة تانية ممكن تتنسي مع الوقت أوتتعالج..دي صعب جدا جدا
تحياتي

-_- يقول...

زي ما قال العيسوى

الحل الرابع

rovy يقول...

سامحنى لو اتأخرت عليكى والله بجد غصب عنى ..الفتره اللى فاتت أنشغلت مع اختى الصغيره ناديه كانت بتتزوج .. عقبال ما تفرحى ببناتك يارب و تشوفيهم احلى عروسات .. فرحها كان يوم الجمعه اللى فات و يا دوب لسه بدأت اخذ نفسى :) بحبك جداا بجد انتى من الناساللى علموا جداافى قلبى و حبيتك من قبل حتى ما اسمع صوتك .. بجد ميرى اوى انك افتكرتينى و يا رب يديم بينا التواصل ..
دمتى فى رعاية الله
مودتى و تحياتى لكى