السبت، 18 يوليو 2009

حزروا فزروا ( فزوره بجنيه )


طيب احكموا انتوا و قولولى

انا مش هاتكلم خالص مالص المره دى


تدوله كام سنه

مش سجن طبعا بس عمر

تخيلوا عنده كام سنه

اللى هايجاوب صح هاعمله فطيره تفاح بعملها هايله

طيب مش هاحيركم عنده 26 سنه تخيلوا

انا اديله حاجه و اربعين و هو فعلا كده من اللى شافه

ابوه طرده و هو 6 سنين و سرح على الارصفه علشان يأكل نفسه

و الله اعلم ايه اللى شافه لغايه دلوقت

المهم انه لما جه يطلع بطاقه كان لازم ابوه يعترف بيه علشان يعمل بطاقه ساقط قيد

ابوه طلب 10 الاف جنيه علشان يرضى يعترف بيه

مش هاقول غير حسبى الله و نعم الوكيل فى اللى بيحصل ده

اكيد ما يرضيش ربنا

و عرفت دلوقت ليه هو شكله يدى اربعين و هو فى العشرين من اللى شايفه

ربنا يستر من اللى جاى و افرجها علينا يارب و ارفع الظلم عن الغلابه

هناك 28 تعليقًا:

MaNoOoSh يقول...

فعلا حسبنا الله ونعم الوكيل فى كل ظالم

بس رغم الظروف عنيه مليانة أمل وتحدي للظروف دي

ربنا يرزقه بأهل احن من أهله

لاسع افندى يقول...

مش هاقدر غير انى اكرر كلامك

ربنا يستر من اللى جاى و افرجها علينا يارب

احلام جوليا يقول...

لا حول ولا قوة الا بالله لو بقى وحش ومجرم لا تقدر تلومه شاف فين الحنية ولا التربية علشان نطلب منه يكون انسان سوي استغفر الله العظيم دي الحيوانات ارحم بولادها من البشر والله

Empress appy يقول...

مش فاهمه هو فين حاكايه ده وهما جابو ابوه فعلا وطلب كده ولا ده كلام عن لسانه هو
على فكره سنه مبيديش الاربعين ولا حاجه هو سنه فى الحدود اللى قولتيها انتى متنفعيش مسنن خالص مش هعينك فى الوظيفه دى

دعاء يقول...

عرفتي بقى الانحراف و الاجرام بييجوا منين.لما القسوة تبقى من أقرب الناس ساعتها مانستبعدش أي حاجة.
ربنا يلطف بينا

أحــوال الهـوي يقول...

اسوء شئ هو ظلم الانسان لاخيه الانسان

و حينما ياتي الظلم من اقرب الناس يصبح اقسي و حينما يكون من فقير علي فقر
فهو من ابشع انواع الظلم

حسبي الله و نعم الوكيل و لا حول و لا قوة الا بالله


تحياتي

Darsh Basha يقول...

لا حول ولا قوة الا بالله
ابوبة اية اليومين دول
100000جية علشان يعترف بية
الناس الفلوس لحست دماغها خالص

ربنا يستر والله

ستيتة يقول...

انا بقول عكس منوش العسل
عينيه مليانة تساؤلات وبتقول اللي يحصل يحصل
اه يا زمن العجائب
هو فاضل ايه تاني
انا اول ما بخمن قلت 40 سنة واكبر كمان
الحمد لله الذي عافانا مما ابتلى به قوما أخرون
وربنا يفرج كربه وكرب كل اللي زيه

تحياتي

mohamed ghalia يقول...

الهم بيعمل اكتر من كده

صوت من مصر يقول...

ابوه ده مادى جدا جدا جدا
بس هو فعلا فى ملايين هكذا

أبو كريم يقول...

شوفوا البيت بيتك دلوقتى فيلم أطفال الشوارع

بسنت صلاح الدين يقول...

حسبنا الله ونعم الوكيل ، للأسف فى كتييييييير منه محدش يعرف عنهم حاجه ، عندما تنعدم الرحمه فى قلوب الناس يعم الفساد

ابو زياد يقول...

سبحان الله طيب فين عاطفة الابوة دي حتي مش حاجة مكتسبة دي فطرة ولكن نحن في زمن تغيرت فيه الفطرة
يا ريت تعطي ملاحظاتك علي مدونة جديدة لي بعنوان عاوز اعيش للإستفادة من خبراتكم

micheal يقول...

عمر الانسان فعلا مش بيتحسب بسنينه ولكن بالأحداث اللي بتمر عليه
ربنا يعينه

عاشقه الرومانسيه يقول...

فى ايه ياحبيبتى بس؟
مالك؟
لا اله الا الله
انتى بتجيبى الحاجات دى منين
هو انا مش قلت لك بلاش تليفزيون؟
(:

كيكى عوووووو يقول...

يالله

عمرو يقول...

الوحوش اللى أسمها الوحوش مش بترمى عيالها و تتبرى منهم !!
و الله الواحد بيسمع حاجات عجيبه غريبه فى هذا الزمان الأعجوبه و اللى يدعو للعجب أكتر أن الآباء اللى بيعملوا كده مش بينكروا و لا بيتكسفوا لأ دول بمنتهى البجاحه و فة وسائل الاٍعلام بيتباهوا بعملتهم السودا !!
ربنا يلطف بينا بقدرته ..
لا حول و لا قوة اٍلا بالله

ليس فقيرا من يحب يقول...

السلام عليكم
اول ما شفته قلت فى التلاتينات
الهم بيعمل اكتر من كده بكتير
الدنيا مليانه مأسى فعلا

تقبلى تحياتى

غير معرف يقول...

لا إله إلا الله
بجد لا تعليق!!!
حسبى الله

Kiara يقول...

حسبي الله ونعم الوكيل بجد

ايه الناس دس هما بيحسوا ؟؟

صيدلانيه طالعه نازله يقول...

انا رايى زى دودو عاشقه الرومانسيه
بلاش تلفزيون لان فيه حاجات وحشه كتير
بجد ربنا يستر لان البلد بقى فيها من ده كتير و بقوا فعلا قنابل موقوته

Beram Elmasry يقول...

هذة مدونتي الجديدة فزوروها وعلقوا

Unknown يقول...

لا حول الله!!!

rovy يقول...

حسبنا الله و نعم الوكيل
ربنا يعينه و يرحمنا برحمته
حقيقى فيه ناس حرام انها تتحسب على البشر بنى ادمين ..
جزاكى الله خير حبيبتى ..
دمتى فى حفظ الله

تحياتى

Sooberman يقول...

حالة من ملايين الحالات التي يقشعر لها البدن الموجودة بمصر المحروسة

للأسف جاتلي فترة كانت أجمل فترة في حياتي عرفت فيها ناس من أمثال الناس دي

و عرفت اننا كلنا في نعمة احنا مش حاسين بيها ...

بجد سبحان الله اللي يفتكر انها مصيبة انه مش لاقي يتجوز و لا مش لاقي ياكل يجيلي و انا أخليه يحمد ربنا علي حاله

اقصوصه يقول...

اممم

الله ما ينسى حد

الله يفرجها عليه وعلينا

وع الجميع يا رب

غير معرف يقول...

ماهو الراجل زى الفل اهووة
بس عايش لحظات شجن
وشكلة فى العشرينات
واية يعنى لماابوة ياخدمنة 10000 جنية
مش هو عايزة يكون ابوة يبقى يدفع
والله ابوة دة دماغة حلوة اوى احسن اماكان يربي وف الاخر ياخد بومبة
ابوة دة مسخرة بس راجل عثل عثل

mahasen saber يقول...

لا حول ولاا قوة الا بالله

ربنا ينتقم من كل ظالم