الأحد، 12 يوليو، 2009

كلام فى الاباحه




طبعا الجواب واضح من عنوانه

مش محتاج شرح و لا حاجه

الكلام عن الاباحه

اى الكلام العيب اللى مش المفروض انه يكون كده العادى بتاعنا

طيب ايه اللى حصل

احنا بنتعامل على اساس تكلم فى الاباحه تكن مشهور و لا ايه


الاقى الافلام كلها كلام مش مظبوط و يقولو ابداع ايه الابداع فى الاسفاف

نجيب اسوأ ما فى المجتمع و نقول دى الحقيقه و كأنها منتشره فى كل البلد

و هو مايكون يعملها غير فئه صغيره و الكلام على اخر افلام خالد يوسف و مش هاقول غير كده علشان عيب


مفيش فيه حاجه حلوه نسلط الضوء عليها يبقى الكلام يا اما على العيب يا اما ضحك و تهييس يا قتل يا اما ارهاب

و يبقى كل من هو بيصلى


بلاش مافيش قصص حب حلوه و جميله إلا حتى يوم ما يعملوها نلاقى عمر و سلمى ؟؟؟؟ يعععععععععععع الصراحه

مافيش خيال علمى كده زى اللى بنشوفه فى بلاد الفرنجه اللى بيخلى الواحد متنح ادم الفيلم من عير و لا عيب و لا حاجه


بلاش ننشر غسينا اللى موش نضيف ( كلمه عيب ) علشان الناس اخدت عننا فكره زى الزفت

و دمتم سالمين و بلاش افلام عربى و لا اجنبى بلا حرقه دم

هناك 63 تعليقًا:

حياة يقول...

كلام صح اداب الحوار انتقل من الشارع الى الافلام الى البيوت وبعدين يقولك ليه مصر ما بتتقدم واللى يبكى الاطفال واسلوبهم فى الحديث

تحياتى

عمادخلاف يقول...

فعلا هناك الكثير من افلام التى تستعمل اسفاف وسيلة تواجد لدى المشاهدين
ارجو التواصل
لدى مدونتين واحدة للقصة القصيرة والتانية للمقالات بحلم ببكرة
http://emadkhalaff.blogspot.com/

بسنت صلاح الدين يقول...

ماهو عشان مصر بتتقدم بينا،واضح ان التقدم مبيجيش غير بالأباحه هههههه،عشان مانعلى ونعلى ونعلى لازم نقل ادبنا،بقى الفيلم بيعكس اسوأمافى البلد، طيب مايطلعوا فيلم يحل مشاكل البلد ،يعنى طلعولنا بلاوى من غير اى وسيله للحل

mohamed ghalia يقول...

معاكى حق بجد
بياخده حاذثة واحدة ويصوروا على إن المجتمع كده
حاجة تغيظ
البوست عاجبنى جدااااااااااا

دعاء يقول...

صح والله
أنا عندي اسيب ابنى يتفرج على فيلم اجنبى ولا انه يشوف فيلم عربى كله سفالة وكلام يعلق معاه وألقيه بيكرره و يقولى ماهو تامر بيقول كدة فى الفيلم.

لا حول ولا قوة إلا بالله
والله انا استغربت الكلمة فى الأول و معرفتش هي(الإباحة) وللا (الأباحة) بس لقيت الاتنين ينطبقوا على الكلام.
شكرا لموضوعك

شمس النهار يقول...

ازيك
البوست لطيف
بس ماتقوليش علي الشئ اللي عامله فاني(خالد)يوسف ده فيلم
فين الفيلم اصلا
كله كلام غير منطقي ده حتي مافيش كدر واحد عدل
قصه هبله اصلا
واهو قلة ادب غير مبرره خالص

Appy يقول...

هو انتى منزلتيش عشوائيات هو انتى مش عارفه ان انيل من ده بيحصل فيها خالد يوسف مجبش حاجه من بيتهم صدقينى انزلى وانتى تشوفى يا حبيبتى
اما الاسفاف اقفلى التلفيزيون
او اقلبى بس باى حال من الاحوال هتقابلى النماذج دى فى كل مكان

صيدلانيه طالعه نازله يقول...

الموضوع ده الصيف ده كله الافلام نفس النظام جنس و عنف و اغتصاب و دم
حتى اللى مش فى العشوائيات لان دى يظهر الموضه الجديده و احنا مش واخدين بالنا
افلام السنه دى كلها تقريبا للكبار فقط و ان لم يكتب عليها كده
بس للاسف هيا اكتر من كده

ابو كريم يقول...

الله يرحمك يا نجيب يا سرور مات من غيظه وغيرته على الى بيحصل فى السينما والمسرح المصرى وبعد ما كان نجيب بقى فى مستشفى المجازيب مع انه اول من أخد الدكتوراه فى الاخراج المسرحى...تلك هى المشكله ...وصدق اعلان ميلودى افلام عندما انتجت هوليود رائعتها تيتانك أنتجت السينما المصريه لحم رخيص!!!!


تقبلى مرورى
أبو كريم

عاشقه الرومانسيه يقول...

ماتتفرجيش على التليفزيون
لانه بقى كله حاجات تحرق الدم
انا شخصيا باعم كده
اعتزلت التليفزيون ببرامجه بمسلسلاته بافلامه

بلا وجع دماغ

micheal يقول...

هههههههههههه..ما هي دي السينما النظيفة اللي بيقولوا عليها
الفيلم مفيهوش بوس ولا أحضان ولا أوض نوم بس كله إفيهات جنسية
:))

hasona يقول...

السلام عليكم

نعم أصبحت عجلة التقدم تسير الي الوراء
والابداع أصبح اسفاف وقلة أدب
وانتقلت تلك الالفاظ والايحاءات اللفظية الغير مهذبة من فئة قليلة فانشهرت بسبب هذه الافلام

حتي الافلام الخيال العلمي والحركة لابد من وجود مشاهد تخدش الحياء العام أو تتصف بالعبط والبلاهة

انا ودماغي يقول...

بصراحة انا حاسة ان الذوق العام للمصريين هبط بسبب الافلام و الكلام و المناظر اللى فيها..قالك واقع..واقع إيه بقى..كفاية أوى كدة ممكن فيلم 2 3 عن الواقع و كفاية و برضه ميكونش بالغباء ده...لكن دلوقتى كل الافلام زبالة و تيجى تقولى فى إيه يقولك واقع

الجواز و سنينه يقول...

حياه
فعلا اسلوب الاطفال بقى غريب
فاكره موقف وقفت فيه مزبهله
مره بنت اختى كان فيه فيلم و البطل بيجرى ورى البطله و راحت هيه قالت بمتهى البرائه خالوا هو هايبوسها
البنت يادوب 4 سنين او خمسه بتقول كده
و عجبى

الجواز و سنينه يقول...

عماد خلاف
نورتنى فى اول زياره و ان شاء الله نتواصل

الجواز و سنينه يقول...

بسنت
انتى عايزه اباحه و كمان حل؟
ايه اللى انتى فيه ده
انتى كده بتتبطرى

الجواز و سنينه يقول...

محمد جلال
فعلا هو ده اللى بيحصل بيخلوا ان مصر كلها بتعمل كده
ده على اساس ايه يعنى
مبسوطه ان البوست عجبك
تحياتى ليك

الجواز و سنينه يقول...

دعاء
انا ما حتطش همزه قاصده على فكره
علشان هيه فعلا تمشى الاتنين
و فعلا الاجانب عندهم شويه حياء عننا
على الاقل بيراعوا وجود اطفال

الجواز و سنينه يقول...

شمس النهار

مرسى لرأيك الجميل فى البوست
هو يقال على اللى عمله انه فيلم بس انا مش شايفه كده
عجبتنى اوى فانى دى
فى الجون
و ده احسن وصف ليها قله ادب غير مبرره
عجبنى تحليلك الدقيق للموضوع
تحياتى و ترجعى بألف سلامه

الجواز و سنينه يقول...

Appy
عارفه انه بيحص و اكتر من كده بيحصل
بس مش معنى كده ان كل سنه نلاقى عشر افلام بتورى ان مصر كلها عهر و مخدرات و ارهاب و سفاحين ؟
ايه المنطق ان صوره مصر تبقى كده
فيه ناس كل ثقافتهم بيستمدوها من الافلام
يبقى على الاقل لو فيلم كده يبقى الباقى عدل مش كله سفاله
و بعدين انا برضوا عند موقفى
يعنى هيه مصر بس هيه اللى فيها سفاله
اكتر من كده موجود فى امريكا
نادر ما بنشوف حاجه كده و لو جات بتكون فى صوره خيال علمى مش حقيقه و بيخففوا كتير من المصايب اللى عندهم
احنا بس اللى فضيحتنا بجلاجل
معترضه ان دى تكون صوره مصر و تكون كمان بأدينا
الننازج اللى بتقولى عليها دى موجوده برضوا
بس انتى عايزه تقنعينى انك كل شويه بتعدى عليها و لا لما بتروحى اماكن معينه ؟ يبقى دى مشكله الحكومه و تشوفها لانهم اول ناس هاتضر منهم و هايطلع على عنيهم
و احنا فى النص
لكن مصر مش كلها عشوائيات علشان يكون اغلب الافلام كده
و ما نصورهاش على انها كده خالص
و بعدين بلاش نشيع الوحش
طيب ما نورى الحلو
يمكن نتعدى من الحلو بدل ما نتقرف من الوحش

الجواز و سنينه يقول...

صيدلانيه طالعه نازله يقول...
الموضوع ده الصيف ده كله الافلام نفس النظام جنس و عنف و اغتصاب و دم
حتى اللى مش فى العشوائيات لان دى يظهر الموضه الجديده و احنا مش واخدين بالنا
افلام السنه دى كلها تقريبا للكبار فقط و ان لم يكتب عليها كده
بس للاسف هيا اكتر من كده

علا حبيبتى
فعلا الصيف كله كده و ده اللى ناقطنى يا اختى
ما تييجى ندخل بوبوس
الا صحيح هو الفيلم اسمه كده علشام عادل امام كان هاري يسرا بوس هع هع هع

الجواز و سنينه يقول...

ابو كريم


ياااااه لحم رخيص ييجى جنبه ايه تيتانك
ايش جاب لجاب
طبيعى ان نجيب سرور يموت
علشان خالد يوسف يعييش حتى لو كانت عيشه معنويه

الجواز و سنينه يقول...

عاشقه الرومانسيه
طبعا يا بنتى مش بتتفرجى
انتى عروسه و مش فاضيه
هع هع هع
بس و الله فكره
هاحاول

الجواز و سنينه يقول...

micheal
ههههههههههههههههههه
ههههههههههههههههههههه
هههههههههههههههههههههههه
طيب ارد عليك بأيه يا راجل
فطستنى ضحك
فعلا سينما مادام نظيفه

الجواز و سنينه يقول...

hasona
فعلا الاسفاف و قله الادب اصبحت هيه الوسيله السهله للشهره و لا عزاء للذوق اعام

الجواز و سنينه يقول...

انا ودماغي
هو واقع معناها انه وقع من فوق تقريبا
يعنى كان زوق و وقع
هههههههههههههههههه
لمال ياخدوا فلوس الناس ازاى ؟
و عجبى

أحــوال الهـوي يقول...

لو عرف منتجي و مخرجي الافلام كيف تسئ افلامهم الي المصريين و كيف نضخم الشاذ و نجعله هو السائد
نحن بالغربة نعرف مالا يعرفون فعندما تري مجتمعك من خلال عيون الغير مصريين و كيف يظنون ان كل مصري ديوس و كل مصريه عاهرة

فهل الابداع ان اهبط بالاخلاق الي مزبلة البشر او استبح الاعراض و احب ان تشيع الفاحشة

موضوعك مهم و عنوانه مثير( كلام بصراحه)

اريد ان اطيل لان هذا الموضوع يحرك بي الشجون

تحياتي

سبهللة يقول...

والله عندك حق
الافلام دلوقتى بقت بتنقى أقذر ما فى المجتمعات العشوائية وتظهره وبوضوح
بحجة ان هى دى الواقعية

dr.lecter يقول...

مش كل الافلام اباحه والله

عمر وسلمي اه طبعا فيلم قذر بس فيه افلام تانيه كويسه زي الفرح وشهرزاد ممتازه بجد

حاسوباتيه يقول...

والله عندك حق احنا تعبنا من الافلام دي مافيش فيلم واحد عدل شويه كله اما اجرام ودم او كلام والفاظ فظيعه تكسف بصراحه عايزين يخلوا العيب عادي بحجه التقدم والتفتح وانه موجود طيب ماحتى لو موجود ليه ننشره اكتر ليه نعمله لناس ماتعرفوش ويبقى ده العادي بتاعها وطبعا المتخصص في ده هو خالد يوسف انا ماشفتش دكان شحاته ولا عايزه اشوف اي فيلام من بتوعه لاني بخاف وانا بتفرج عليهم من كميه الالفاظ والكلام السئ فيهم

rovy يقول...

السلام عليكم
و الله يا قمر وحشتينى و كنت بأفكر فيكى لكن انتى سبقتينى بكرمك و زرتينى و نورتينى طبعا ..
البوست رائع حبيبتى و كلامك صح جدااا
المجتمع كله حصل فيه خلل من ساعة ما اختل الفن و اصبح معظمه مع الاسف ردىء و ده طبعا بعد استسناء الاقليه جداا المحترمه .. طيب بالزمه نطلع جيل محترم ازاى و هو فى كل ما يؤثر عليه من فيلم او اغنيه او حتى مسرحيه معظمه هابط او ردىء او مسف
كلام قبيح و افعال مشينه و حاجات فظيعه بقت عادى جداا و الشباب بيقلدها طبعا ..
بجد ربنا يرحمنا برحمته ..
دمتى غاليتى بكل الود
تحياتى

ليس فقيرا من يحب يقول...

السلام عليكم

انتم اعداء للابداع والتقدم والنجاح

انتم رجعيون وتعيشون فى القرون الوسطى

انتم كالنعام تهربون من الحقيقه بدفن

رؤسكم فى الرمال

نحن نعرض حقائق وظواهر موجوده فعلا

لماذا تهربون منها

اوعوا تفهمونى غلط دا ده الكلام الخايب بتاع الناس الخايبه اللى قال ايه مبدعه واللى بتربط قله الادب والسفاهه بالابداع وكأن شعارهم بين السفاله والنجاح علاقه طرديه
كلما اصبحت اكثر سفاله كلما ...ونكمل احنا براحتنا بقه

معلش طولت عليكى فى اول زيارة للمدونه بس فعلا اتغظت فقلت اعبر عن غيظى

تحياتى لحضرتك

mosooz يقول...

والله انا حاسس انة دة الكلام اللى انا كنت بقولة.
فالعنف والاباحة اللى موجودة فى الفلام بتزيد على نشر السلبيات فى المجتمع

والان بقى المنتجين والمخرجين عايزين مكاسب مادية فقط.
بقوا بيدوروا على الحاجة اللى بتثير وخلاص..ويولع المجتمع بجاز وسخ.

ربنا يصبرنا على الاعلام اللى ملوش لزمة دة

قيس بن الملووووح يقول...

لي الجواز وسنينه
لقد اوجزت حين قلت"فإذا كان الحب قدر فالجواز اختيار"
اتمني لك حياة سعيدة مع دوام التواصل

ادم المصرى يقول...

كان الله فى عون اطفال المسلمين لئن الى جى اصعب وانيل وبجد التربيه بعد كده لئما هتكون صعبه جدا على الاهالى لئما تكون تربيه اوربيه وخلاص

ادم المصرى يقول...

مرسى على زيرتك فى مدونتى جدا وشرفتينى وانا ضفتك فى الريدر عشان نستمر

MaNoOoSh يقول...

تصدقى والله الواحد ما عارف يلاقيها من برامج وللا افلام عربي وللا اجنبي

كان زماااااااااااااان اللقطات الوحشة من الافلام بيقطعوها وحتى الكلام الوحش بيقطعوه

انما دلوقتى زي ما يكونوا بيتفننوا علشان يظهروه

(وحشتيني قوي على فكرة)

الفراغ يقول...

كلام صح طبعا
ويجب لت يعلم الاباحيون انهم محاسبون على مايقولون
(ومايلفظ من قول الا لديه رقيب عتيد)

ذو الوجه المبتسم يقول...

السلام عليكم
تفتكرى العيب في مين
اللى بيالف
ولا اللى بيمثل
ولا اللى بيتفرج
اعتقد ان العيب فى الكل
بالرغم ان فيه بعض الافلام لها مدلول واهداف اجتماعية وسياسية
لكن الزمن بتاعنا ده
حتى فى الافلام اللى لها هدف لازم يدخلوا فيها حتة كده على مزاجهم علشان الجماهير تقول ااااااه

ربنا يعفينا
بينى وبينك
انا باحب الافلام الهندي اكتر
فيها كل اللى الواحد بيحلم به
رومانسية
خيالعلمى
اكشن
ومحترمة

تقبلى تحياتى

yomna يقول...

يا دودي اهو عمر وسلمي دول البنات هيمووووووتو عليهم.. مع اني بحس انهم شخصيتين اسخف من بعض بصراحه :@ :@
وفعلا قله الادب كتيره
هبقي احكيلك علي كام حاجه شفتهم بأم عيني :D :D
بس لما اشوفك يا جميييييييل ;)

صوت من مصر يقول...

على راى الاعلان افلام عربى
ام الاجنبى
لكن لى توضيح مصر فيها افلام كويسه جدا
زى عين شمس
ودكان شحاته
واظن ان يوسف شاهين عمل حاجات تكر للسينما والفن

مش عايزة اعنس مش عايزة اتطلق يقول...

و الله بجد كل اللي قلتيه بجد وصح جدا جدا
انا فعلا كل ما اقول لحد ان فيلم خالد يوسف ده وغيره قمة في الاسفاف وماورهوش غير انه يظهر بس عيوب مصر بشكل اوحش من ماهيه عليه
يقولولي لا ده فيلم رائع ويستحق المشاهده
وغيره وغيره كتير من افلامنا اللي تحرق الدم
بجد ربنا يهديهم

مش عايزة اعنس مش عايزة اتطلق يقول...

و الله بجد كل اللي قلتيه بجد وصح جدا جدا
انا فعلا كل ما اقول لحد ان فيلم خالد يوسف ده وغيره قمة في الاسفاف وماورهوش غير انه يظهر بس عيوب مصر بشكل اوحش من ماهيه عليه
يقولولي لا ده فيلم رائع ويستحق المشاهده
وغيره وغيره كتير من افلامنا اللي تحرق الدم
بجد ربنا يهديهم

mahasen saber يقول...

للاسف بئت دى سمة افلام الوقت الحالى وكأن على رايك دى الصوره اليى عندنا بس

................
وحشتينى يا جميله اخبارك ايه

ريهام العربي يقول...

كلام سليم ومش هقول غير كده

بس علي فكره في افلام حلوه زي واحد من الناس ومحطه مصر بصي بحب بجد افلام كريم عبد العزيز رغم ان في ناس بتستتقل دمه وتيمور وشفيقه حلو جدا جدا جدا وبصراحه انا اصلا مش بتفرج علي افلام عربي ويوم ما بتفرج بيبقي لناس معينين زي مني زكي واحمد السقي وكريم عبد العزيز واحيانا احمد حلمي

وسوكي علي الباقي واولهم عادل امام
تحياتي

الجواز و سنينه يقول...

أحــوال الهـوي
اولا نورتنى بالزياره الكريمه
ثانيا عارفه ان الناس بتبص للمصريين بالطريقه اللى بتقول عليها علشان الفنانين شايفين ان ده ابداع
مش مهم الناس يجرالها ايه من ابداعهم ده
المهم همه ياخدوا فلوس الناس و يزقططو بيها
عجبنى العنوان اللى اخترته اوى
و لو كنت طولت فى الموضوع موش كنت هاقولك لاء
تحياتى

الجواز و سنينه يقول...

سبهللة
طبعا هيه دى الواقعيه
بس اللى همه عايزين يشوفوها علشان كل ما تبقى الصوره ضلمه اكتر الناس تدخل افلامهم اكتر

الجواز و سنينه يقول...

dr.lecter
شفت الفرح و كمان احكى يا شهرزاد و يارتها ما حكت يا راجل
الاتنين طريقه الكلام فيهم فجه شويه
مش بقول نتكلم بالمحسوس
بس برضوا مش بالطريقه دى
نورتنى جدا بجد

الجواز و سنينه يقول...

حاسوباتيه
احسن حاجه عملتيها انك موش شوفتى هايبر ماركت شحاته ده
و الله قمه فى العبط و التخولوف
و لولا هيفا ماحدش كان عبر فيلمه
اما بقى ليه بيعلموا اللى ما يعرفوش
فده علشان ما يكونش حد احسن من حد

الجواز و سنينه يقول...

rovy
يا حببتى انى وحشانى جدا و ربنا عالم و ربنا يجعلها دايما صحبه خير
استكيفت اوى بالتعليق بتاعك
و فيه كلام كده من حلاوته ما يتردش عليه
موووووووووووووه كبيره ليكى

الجواز و سنينه يقول...

ليس فقيرا من يحب

الحمد لله اننا بيتقال علينا كل ده
ده بقى الجهل المستحب
و ربنا يرفع عنا المتخلفين يارب
نورتنى

الجواز و سنينه يقول...

mosooz
الله الله الله
ايه الكلام الجامد ده
طبعا بالنسبالهم يولع المجتمع المهم همه ينبسطوا
نورتنى

الجواز و سنينه يقول...

قيس بن الملووووح
اسعدنى ان فيه كلمه عجبتك
تحياتى

الجواز و سنينه يقول...

ادم المصرى
طيب امسك غلطه يا آدم
لئن ؟؟؟؟
قل لأن و لا تقل لئن
هههههههههههههههه
بس اكيد طبعا اللى جاى اصعب
و ربنا يكون فى عون الاهل
و اسعدتنى الزياره و الاضافه
انت مدونتك زى السكر اصلا
تحياتى

الجواز و سنينه يقول...

MaNoOoSh
انى وحشتينى اكتر و الله يا قمر
و همه بيقولوا ده فن
بس مع الاسف هااااااااااااابط هاااااااااابط
زى باطل بالطل

الجواز و سنينه يقول...

الفراغ
ياريت يعرفا ده انا مره استغربت لما خالد يوسف زعل اوى لما عرضوا الفيلم بتاعه من غير مناظر الاغتصاب اللى قارفنا بيها
و قال ايه ده ابداع و زعلان اوى انهم شالوه
بلا نيله

الجواز و سنينه يقول...

ذو الوجه المبتسم
اكيد العيب فى الجمهور علشان لو مش دخل الناس دى هاتبطل
و متهيألى انعا قربت تبطل
الموسم ده الموضه فيه الانحطاط و هاتعمل زى موجه الكوميديا و تروح لحالها

الجواز و سنينه يقول...

yomna
يمنتى حبيبتى
بقى فيه حد بيحب عمز و سلمز
يالهوى
موش حكيتى على الحاجا اللى شوفتيها بأم عينك
صحيح جبتى منين الكلمه دى
اموووووه

الجواز و سنينه يقول...

صوت من مصر
موووش فاهمه و مش عارفه ليه
بس اكيد نورتنى

الجواز و سنينه يقول...

مش عايزة اعنس مش عايزة اتطلق
فعلا يستحق المشاهده
علشان نحرم بعدها نتفرج على افلامه
و ربنا يديلك ابن الحلال

الجواز و سنينه يقول...

mahasen saber
هيه دى الصوره بتاعتهم مش بتاعتنا
انتى كمان وحشتينى خالص

الجواز و سنينه يقول...

ريهام العربي
لاء كله إلا كريم
انا بستظرفه جدا خصوصا الباشا تلموذ
فعلا اللى قلتيلم احسن ناس تقريبا يتفرجلهم على افلام
نورتينى يا قمر

احلام جوليا يقول...

اوافقك ميه بالمية في كل كلمه قولتيها بصراحة خالد يوسف خلانا شكلنا امام الاغراب اننا بلد قذرة كلها ارهابين وشحاتين وعاهرات وانا بقول لك الكلام ده لاني عايشة بره مصر وسمعت اكتر من تعليق يحرق الدم عن المصريين باعتبار باين عليكم حتى واضح في افلامكم وكلام من ده ولما تدافعي وتقولي الافلام مش بتعبر عننا يقولوا حتجيب الكلام ده منين دي انعكاس لحياة المصريين وكل ما يدوسوا على رقبتك اكتر يقولوا ليك مش احسن من العيشة في مصر ويدوك مثل كاننا كلنا عايشين ف عذب صفيح واخلاقنا زي الافلام اياها لاحول ولا قوة الا بالله ده كانه متسلط علينا من راي اكيد هو جي من بيئة كده لان دي الحاجة الوحيدة الي شايفها في المجتمع