الأربعاء، 5 أغسطس، 2009

كلك امكانيات و جريئه يبقى عليكى العين و الطلب

يمكن دايما بتكون دماغى مليانه افكار ممكن تتكتب بس ساعه ما اجى على الكمبيوتر
كله يتمسح مش عارفه ليه
بس اللى فى دماغى دلوقت اعلان لسه حالا شايفاه على النت
و نص الاعلان كالآتى
"""""""""""""""""""""""""""""
مطلوب فورامضيفااااااات ارضي جريئاااااات لمحلات ومطاعم سياحيه ود يسكوووو بااااار و ملهي ليلي حسنه المظهر لبقااااااات دلوعاااااااات غير محجباااااات للعمل بالاسكندريه ويوجد سكن للمغتربات براتب يبدا من 2000 جنيه شهريا للتواصل برجاء ارسال السيره الذاتيه علي الايميل ...................... وفرصه للترقي لمن تتفهم العمل جيدااااا وللسفر لدول الخليج
"""""""""""""""""""""""""""""""""""
طيب ما البلد مليانه شغل اهه امال مالكم يا شاب مصر
لاء صحيح مش عايزين شباب
العين و النيه على الشابات
بلا قرف
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ااااااااه افتكرت حاجه من اللى كان نفسى اتكلم عليها
خير اللهم اجعله خير
و انا قاعده كده سرحت و افتكرت انى و انا صغيره كان نفسى اوى اكون عصفوره
و ماحدش يضحك
ليه بقى ؟؟؟؟؟؟؟؟
علشان كان نفسى اوى اطير فى السما من غير طياره
و كمان و رغم صغر سنى
كنت دايما بخاف ادخل النار
و كنت بقول لو كنت عصفوره ما كونتش هادخل النار
ر غم انى خلاص كبرت لكن دايما جوايا انى كان نفسى اكون عصفوره
السؤال للى عايز يرد عليه
ياترى كان نفسك تكون شخصيه كرتون او طائر او اسد مثلا او شخصيه معروفه ؟؟؟؟ ياريت اعرف و ليه
ـــــــــــــــــــــــــــــــــــــــــــــــــــــــــــــــــــ
حاجه كده على الماشى
روشان بنتى يادوب بتتكلم بالعافيه هيه و ميار
و الحمد لله بيعلموا بعض الكلام بس مع الاسف غلط
مسميين اللبن ....... لاالاا
حد عرف ينطقها هههههههههههه
اشك
و القلم بقى ايه اصلهم عيال ايه عباقره و اقلام و ابحاث
القلم اسمه............ ابريم
مش عارفه جات منين و الله و مهما اقول قلم يقولو ابريم
ربنا يهديهم

هناك 39 تعليقًا:

عمرو يقول...

اٍعلان غريب و الله و طبعا واضح الهدف منه .. بس مش فاهم جريئات اٍزاى أكتر من كده و هم أساسا قروا الاٍعلان و رايحين يشتغلوا باٍرادتهم !!!
هو الزمن أتطور للدرجه دى ؟؟
معقول !!!
كنت عاوز أبقى أيه ؟؟
كنت عاوز أبقى سمكه .. بجد و أنا طفل تمنيت من كل قلبى أنى أكون سمكه أسبح فى البحار كلها من غير قيود و من غير ما أستنى أجازة الصيف و من غير تعليمات أمى بالخروج من البحر كل شويه علشان خايفه عليا :))
ربنل يخلي لك بناتك و يفرحك بيهم دايما ..

Appy يقول...

قصدك عليهم الطلب فى جامعهالدول اه يا سوسه

روشان بتقول كده كنت بقولهاعلى الفراوله علشان بحبها عرفت انطقها بسهوله دلوقتى ههههههههههههه

مي يقول...

احيكى عالموضوع فعلا عندنا الكافيهات البحر بيبقى اسطف البنات لبسهم واحد ومش محترم خااالص بتبقى بجد مبتذلة وواضح عليها
اما بقى وانا صغيرة كنت بلخبط حروف الكلمات يعنى كانوا يقعدوا يرتبوا الكلام عشان يفهمونى كانوا بيحتاجوا مترجم
ربنا يخليلك البنوتات
تحياتى ليكى

dr.lecter يقول...

انا انا ابريم الشاي هههههههه

بالنسبه للاعلانات علشان تعرفوا بس ان المجتمع متحيز ضدنا احنا الدكره وبيوفر فرص عمل للحريم والشباب قاعد بيقشر بصل علي القهاووي

وايه يعني دلوعه ؟ مش عللشان الشغل يمشي دي قاعده في اي حته في الدنيا لازم حاجه تطري الشغل زي مابيقولوا

لاسع افندى يقول...

وفرصه للترقي لمن تتفهم العمل جيدا

ههههههههههه...وده محتاج مفهوميه



تحياتى اللاسعه

عاشقه وغلبانه يقول...

قبل اي حاجه
اسم روشان جميل جدا جدا جدا
ربنا يخلي يارب
وبعدين الجيل اللي طالع كله كده
اعرف واجده بتنطق الكاف تاء واسمها ملك وبالتالي بقي ملت
والجيم دال وبالتالي العجله بقت عدله
والمصيبه انها بتعلم اخوها الصغير الكلام
هههههههههههههههه


كان نفسي ابقي طياره ورق
مش عارفه ليه
ههههههههههههههههههههه

اما اعلان الشغل فلا تعليق
واللي بس تفكر تروح مافيش جرأه اكتر من كده وهاتكون مستعده لاي حاجه
الراتب مابيخدوش دكتور
اهئ اهئ

حاسوباتيه يقول...

صحيح عندك حق احنا الغلطانين الشغل كتير اهو وسهل خالص واحنا الي بنتبطر بس نفسي اعرف هو ده بجد اعلات مكتوب كده علنا؟.؟؟؟؟؟؟ مش مستوعبه والله

ماعلينا

خلينا في سؤالك انا كان نفسي اكون اميره ليه ماعرفش


ربنا يخليلك بناتك يارب ويحمهوملك وماتزعليش بكره هيجيلك صداع من الكلام بس هيكون احلى صداع

فرفشة الوان يقول...

الموضوع جميل والرد علي السؤال انا احب

اكون انسان لان ربنا خالق الناس بحيث

يكنوا في احسن صورة لكن استخدم

النعمة دي في الشر لكن مش كل الناس

بصراحة انا الناس التانية علشان كدة

عايزة افضل انا زي منا

أحــوال الهـوي يقول...

الشروط بعضها ينطبق علي الفصيلةالقطاطيه جريئات دلوعات و غير محجبات
وفرص الترقي سهلة والشروط غير تعجيزيه

الغريب و المستغرب لمن سمح بنشر هذا الاعلان الوقح الذي يدعو صراحة الي الرذيله

ربنا يخليلك بنوتك و ده احلي سن للاطفال
و يستر علي بنات المسلمين

تحياتي

ليس فقيرا من يحب يقول...

السلام عليكم

الاول كل سنه وحضرتك طيبه بمناسبه النصف من شعبان

والتانى ربنا يخليلك بناتك يارب
وتفرحى بيهم وبذريتهم

والتالت جريئاااااات لبقااااااات دلوعاااااااات غير محجباااااات
ايه الجمال ده لاتعليق غير لاحول ولا
قوة الا بالله اللهم استرنا فوق الارض
وتحت الارض ويوم العرض عليك يارب


الرابع بقى انا وانا صغيرة كان نفسى ابقى ولد علشان اخرج اتفسح واروح
القناطر لوحدى ومحدش يعاكسنى

ايه الرغى اللى انا فيه ده

تقبلى تحياتى
فى حفظ الله

قيس بن الملووووح يقول...

سعدت بان يكون لك اول تعليق مع اني مقصر في زيارتكم واعجبني كثيرا تحليلك للموضوع
شكرا علي دوام التواصل

mohamed ghalia يقول...

ربنا يباركلك فيهم
لالالالالالالالالالالالالالا
أنا من يومى وأنا عايز ابقى انا
ولا كرتون ولا طيور ولا حيوانات هههههههههههههههههه

dodoo يقول...

اولا انا بحب جدا اقرا مواضيع حضرتك و بتعجبني جدا ما شاء الله طريقة حضرتك في الالقاء جميلة اوي

ثانيا الاعلان ده المفروض يتكتب عليه لا تعليق و خصوصا في جملة وفرصه للترقي لمن تتفهم العمل جيدا
هههههههههههه مفهومة طبعا مش عايزة كلام

ربنا يسترها على بنات المسلمين

وبالنسبة كان نفسي اطلع ايه
كان نفسي في كذا حاجه مع بعض
اني اكون حمامة مش عارفه ليه بس كانت دايما بتشد نظري و خصوصا و هيا بتطير
ومن خامسة ابتدائي كده بدأ يتملكني اني نفسي اكون عالمة زي اللي اساميهم بتتكتب في الكتب

ثالثا ما شاء الله ربنا يخليلك بناتك و تفرحي بيهم

بسنت صلاح الدين يقول...

يعنى اعلان مريب و مخجل فى نفس الوقت ،و اللى تفتح مخها تاكل ملبن ،هو خلاص بقى كده رسمى و بيعملوله اعلانات كمان،اللهم لا تؤاخذنا بما فعل السفهاء منا، و ده بقى اللى عاوزه تشتغل فيه تقدم فى القوى العامله ولا مباحث الاداب ،بالنسبه للعصفوره دى انا كمان كان عندى نفس الامنيه كل ماشوف طائر بيطير و يحلق فى السما كنت بحس بطعم الحريه فى رفرفه اجنحته

ادم المصرى يقول...

والله بوست رائع

فعلا بعض المصايف فى مصر بيكون العامل الاساسى فيها ورأس المال والاعتماد الاول والاخير بيكون على عاتق البنت فيها بيستعملوها فى كل شيئ جزب زبائن وبل مره شحن الزبائن واشياء كثيره تخدش على الحياء

الله المستعان

دا مش مصايف بس دول بقم فى كل مكان وباااااااااء

rovy يقول...

ازيك يا قمر وحشااانى جداااا
الاعلان طبعا واضح حبيبتى ..
البجاحه اصبحت علنى و بأعلانات كمان
ربنا يرحمنا برحمته ..
ربنا يخلى لك الامارات الحلوين بناتك و يبارك لك فيهم يارب .. و متستغربيش من كلامهم ده ياما حتشوفى مصطلحات غريبه يعنى مثلا مريم كانت مسميه المستيكه الشيكلس يعنى و ما شابهه نينه اه والله طيب ايه علاقه المستيكة بالنيينه حاولت اعرف ابداا ما عرفتش و غيره طبعا من مصطلحات عجيبه .. ربنا يحميهم يارب و نشوفهم احلى عرايس قولى امييين ..

خالص مودتى و تحياتى

أبو كريم يقول...

اولا بسم الله

من المعروف
ان البطاله فى مصرنا المحروسه
تختفى دائما لمن معه الكوسه
وأن أصحاب الشهامه والمروءه
يقدسون عمل المراه فى الاماكن الموبوءه


والله هذا الاعلان لا يساوى شىء فى الواقع وانا هنا فى الغردقه ارى مهازل من مضيفات مصر للطيران فى فندق ماريوت الغردقه والأدهى من الفتيات اللتى يعملن فى الكوفيشوبس والبارات هنا مع الاجانب

عافانا الله وهدانا وسدد لطريق الحق خطانا

صوت من مصر يقول...

ايوه يا وديع اخيرا فهمت يابنى

micheal يقول...

ايه الاعلانات الحلوة دي
:)
اه البلد مليانة شغل بدليل أني عملت فوق ال100 إنترفيو
هع هع هع
أنا بقي يا ستي كان نفسي أبقي ماهر عشان يبقي عندي مازنجر
وبعد كده كان نفسي أبقي بسام أو ياسين مع إحترامي لماجد
فيه حاجة؟
تحياتي

كيــــــــــــارا يقول...

عادي ياتوتا خدي من الاعلانات دي كتير بجد

ربنا يسترها علي بنات المسلمين ياااااارب

بنوتة مصرية يقول...

لا طبعا مش موافقة لو بمال الدنيا كلة انى اخسر مبادىء واحترامى لنفسي
انا جايز اكون دقة قديمة بس دة هو اللى اتربيت علية
وعمرى ماارضى انى اشتغل بفلوس حرام بجد هتعب اوى
ربنا يرحمة بابا ويباركلى فى والدتى هما اللى علمونى ان فى عيب وفى حرام
اما عن موضوع انى كنت اتمنى اكون مثلا طير طاير او قطة لا مكنتش حابة خالص
وخصوصا انا كنت بتخيل نفسي انى قطة لكن عارفة ان الناس كانواممكن يضربونى فقول الحمدلله انى انسانة
بصي بقا انا هااقولك على سر ماحدش يعرفة خالص الا عقلي الباطن
وانا عارفة ان اللى هيقرا دة هيقول عنى انى مجنونة مع انى واثقة فى قواى العقلية
من وانا صغيرة كان نفسي اوى يكون عندى طاقية
بس مش اى طاقية( طاقية خفية) مش عارفة انا متاثرة اوى بالفيلم لتلك اللحظة
بتخيل نفسي وبعيش الحلم ممكن لساعة انى لابسة طاقية خافية والناس مش شايفانى وعايشة معاهم واعرف بيقولوا عنى اية وبيعملوا اية
واى حد انا مخنوقة منة اعملة مشكلة بالطاقية دى
بس للاسف الطاقية الخافية دى مش موجودة الا فى مخى انا
تحياتى

Darsh يقول...

يعني ايه طيب :(

الرجالة بقى نقعد في بيوتنا و نستني العدل بعد ما نتخرج

لأ و الله ده الموضوع ممكن يبقى ليه مميزات كتير

على الاقل مش هنجيب شبكة

مش هندور على شقة ... العروسة عليها الشقة بقى ...

مش هنصرف على البيت ... المشكلة الوحيدة هتبقى في تقشير البصل

و لما عينينا ما تستحملش البصل هنتطلق شرارة الثورة

و يخرج الردالة الصعايدة و الرجالة بتوع الحضر في مظاهرات حاشدة مطالبين بالمساواة

حاجة تنقط :(

عاشقه الرومانسيه يقول...

انا كان نفسى طول عمرى اكون عصفوره وكتير كنت بابص للسما واتابع الطيور بشغف
بيتهيقلى السبب انى دايما باشوف فى الطيور الحريه وده حلمى

mahasen saber يقول...

اعلان واضح وصريح وبيشع نوايا مهببه

وبعدين هما بيعملوا اعرات بره لدول الخليج كمان
يا فرحتى

mahasen saber يقول...

المهم والاهم

كل رمضان وانتى وكلمن تحبين بالف خير وسلام

يا جميله

وحشانى جدا جدا

Beram ElMasry يقول...

رمضان كريم
أعاده الله عليكم وجميع الأهل والأحبة باليمن والخير والبركة

الحب بين العرب فطرة وشئ مألوف
ولا يحسدوه من الخلق غير القرد والحلوف

Beram ElMasry يقول...

رمضان كريم
أعاده الله عليكم وجميع الأهل والأحبة باليمن والخير والبركة

الحب بين العرب فطرة وشئ مألوف
ولا يحسدوه من الخلق غير القرد والحلوف

yomna يقول...

هههههههههههههه
الحمد لله ان انا مش طموحه في موضوع الشغل اوي
لاني احم احم بعتبر نفسي والحمد لله لا اعاني من البطاله.. بس يارب ما اجيش بعد ما اتخرج واقولهم عايزه اشتغل هههههههههه
بالنسبه بقي لأولادك الحلوين ..ربنا ستار حليم.. مش عايزه افضحهم واقول علي الألقاب التانيه ههههههههههه تحب افهمك يا مرسي ولا كفايه؟

شمس النهار يقول...

ازيك
كل سنه وانت طيبه

الاعلان حاجه لطيفه خالص
ناس صرحه عارفين عايزين ايه وعايزين مين

خلاص الدنيا بقت كده
والا حول والا قوة الا بالله

رمضان كريم

mahasen saber يقول...

ازيك يا جميله اخبارك ايه

كل رمضان وانتى بكل خير
حبيت اتطمن عليكى بس
با رب تكونى بافضل حال انتى وكل من تحبين

زقطـوطـة يقول...

كل سنة و حضرتك طيبة
ورمضانك كريم...أوي
وربنا أكرم منه : )))

ربنا يخليلك البناويت يا رب
ويبارك فيهم
سامحيني على الغيبة
:)

قيس بن الملووووح يقول...

كل عام وانتم بخير
ربنا يتقبل صيامك وقيامك ودعائك لبنات المسلمين وكل البنات

blue-wave يقول...

ابريم؟؟
يمكن بتديهولهم مش مبرى وهما بيقولولك ابريه بس انتى مش سامعه كويس؟؟
ههههههههههههههههههه
عموما كل سنه وانتى طيبه
وربنا يرحمنا من اعلانات السفاله دى

almasry يقول...

طبعا



لازم تترقى لو فهمت ظروف العمل



احنا الشباب مركونين



البنات هتتقدم لينا قريب



بالنسبه للسؤال انا كان نفسى فى حاجه


انا كان نفسى مش كنت آجى الدنيا دى



كان نفسى افضل حاجه غيبيه مخفيه عن البشر



او كنت آجى فى زمن غير ده



مش عارف هو ايه لكن اى زمن غير ده


او اتولد فى صحرا ومش فى حد يزعل منى ولا أزعل من حد




المصرى

Beram ElMasry يقول...

الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل

** بيرم المصري

لاسع افندى يقول...

تحيه وعيديه
وكحك وصحبه هنيه

عيد سعيد

micheal يقول...

كل سنة وأنتي طيبة
عيد سعيد

زقطـوطـة يقول...

كل سنة وحضرتك طيبة
وبناتك و زوجك و كل أهلك بألف خير يا رب

Hina wi Hinak يقول...

كل سنة وإنت طيبة