الأحد، 25 مايو 2008

تهييس فى تهييس




مش عارفه مش عايزه اتكلم على موضوع معين
بس فى دماغى افكار كتير ملغبطه
كل واحد فيهم مشكله لوحده
مثلا
****ليه بيتكلموا على شرف البنت و شرف الولد لاء
رغم ان الاتنين ليهم نفس الشرف
بدليل ان لو فيه حد اعتدى على ولد ساعتها بس بيتكلموا عن شرف الولد
ليه المطلقه او الارمله ينظر إليها على انها used اى مستعمله
اسفه للفظ بس هيه دى الحقيقه
فى حين ان الراجل المطلق او الارمل لا ينظر له هذه النظره
****شفت فى العاشره مساء الصيادين اللى اتمسكوا فى ارتريا و بهدلوهم ضرب و جوع
و بعد سنه راحلهم السفير و افرج عنهم مش عارفه هو يادوب افتكر و لا ايه؟
****ليه بينقال نهايه الحب ايه ؟؟؟ الجواز و تكون هيه دى الحقيه
و التعود بعد الجواز يبهدل الدنيا
**** هانعمل ايه بعد زياده مصاريف المدارس
تفتكروا نرجع للكتاب من تانى
****بنتعلم ليه لو احنا مش هانشتغل باللى اتعلمناه
**** نفسى اتصرف بحريتى من غير ما اعمل حساب للناس و ده يقول و ده يعيد حتى لو اللى بعمله صح
و مخ الناس هو اللى غلط
****نفسى اوى اوى اوى اكل ايسكريم ساقع فى الحر ده يمكن يجمد الافكار اللى فى دماغى و ابطل تفكير
و دمتم سالمين

هناك 26 تعليقًا:

Mafrousa يقول...

حبعتلك علبة فاميلى سايز ...ولا أقولك تورتة ايس كريم يالكراميل
يمممممممممممممممممممم

KHALED يقول...

أية الافكار دى كلها ..
طب الواحد يرد على أية ... أقولك
نرد على كلة

شرف البنت اذل فقد لا يعود
اما الولد فليس لدية ما يفقد.

صدقينى الراجل كمان بيتبصلة على انة مستهلك زى المرأة تمام.

بقينا رخاص من ساعة مابقينا راضيين .

الجواز شر لابد منة واللى مايتجوزش حايندم أما اللى أتجوز فهوا نادم على أيام العزوبية .

مصاريف المدارس مقدور عليها المشكلة فى المم ..

المرأة التى ليست هى عالمة أو طبيبة أو باحثة يفضل ان تلازم البيت بالذات بعد البلاوى اللى بقت بتحصل فى الشوارع

ماينفعش نعمل اللى أحنا عايزينة لأننا مش عايشين لوحدنا .

خدى بالك الأيس كريم بيتخن ..

تقبلى مرورى

صيدلانيه طالعه نازله يقول...

ايه يا بنتى انتى نيمتى البنات و لا ايه
شكلك صحصحتى بعد ما ناموا بدليل الافكار الكتيره دى كلها
انا اكتر حاجه شاغلانى موضوع المدارس لانى السنه دى عندى اتنين مش واحد و ربنا يستر ويعين
اما بالنسبه للايس كريم فأنتى كده فكرتينى انى عندى علبه كبيره فى الفريزر حروح اطلعها
بااااااااااااااااى

دكتور بهــدوء يقول...

بعوده الايام
اتأخرتي علينا ويوم مارجعتي رجعتي بافكار متضاربه
المهم كزا حاجه اعلق عليها
الشرف البنت زي الولد بالظبط بس هيه نظره مجتمع زي النظره القاتله للمطلقه اكن خلاااااص لازم تموت وتريحنا م شكلها
بس ماحدش عاش ظروفها ولا حد جرب تجاربها ولا حد يقدر هيه عملت كده ليه غيرها
بالنسبه للايس كريم
هيهيهيهيهيهي
هوه كمان غلي
كيمو كونو لسه زي ماهوه بجنيه ونص
اكستريم زاد ربع جنيه
ميجا بتلاته ونص
كرنفال لسه ماجبتوش
اي خدمه
اللهي يسترك تسيبيلي حته ايس كريم ع باب المدونه اوك

غير معرف يقول...

بصى المجتمع هيفضل يبص للبنت البصة دى البنت لما تغلط اكن الدنيا اتهدت والولد عادى
النظرة الذكورية للاسف موجودة ومهما كان موجود من ثقافات أو مستوى تفكير هتفضل برضة النظرة الذكورية

ولكن مش لازم نستسلم ابدا ليها ولازم نحاول ندافع عن وجهه نظرنا وحقنا

تحياتى

FaceMoon يقول...

هههههههههههههههههههههه
انا اتلخبطت منك
بس اللى ركزت فيها الايس كريم ياريت تجبيلى معاكى ينوبك فيا ثواب

الجواز و سنينه يقول...

واحده مفروسه
علبه فاميلى و كمان تورته ايسكريم بالكراميل
حسستينى انى على بابا و جوه المغاره و قاعده اقول دهب يقوت احمدك يارب
بس المهم هاتبعتيلهم ازاى ؟؟؟
و لا يكون كلام و خلاص

الجواز و سنينه يقول...

خالد فرج
لاء الولد لديه ما يفقده
و متهيألى انهم كلاهم لديهم نفس الشرف و اللى بيفرط فيه يبقى بيفرط فى الساعه بتاعته على رأى اللمبى
لاء بجد فعلا الولد ليه شرف بس الناس مش شايفاه
و بقوا الرجاله رخاص من ساعه ما رضييوا بأيه بالظبط
و لما المشكله مش فى المصاريف طيب فين المشكله الملغيه دى؟
ما فهمتنيش فى موضوع ان الواحد يعمل الصح
انا قلت الصح مش الغلط
يعنى مثلا الشبكات المغالى فيها غلط لكن لازم تجيبها علشان الناس
الفرح مكلف و عمر ما الناس بتسكت و دايما بيقولوا هو ده اللى عملوه و خد من ده كتير
اما بقى مسأله التخن فربنا يستر

الجواز و سنينه يقول...

صيدلانيه طالعه نازله
علبه و كبيره كمان
طيب رشى رشه كده على الناس اللى نورتنا و جات عندنا دى
اللى ياكل لوحده ياكل بألف هنا و شفا

الجواز و سنينه يقول...

دكتور بهدوء
كلام جميل و كلام معقول و بهدوء كالعاده
بس تعالى هنا
انت عايش جوه تلاجه ايس كريم يابنى
انت فيه ايه ما قولتلناش سعره
برضوا بألف هنا
بس امانه لما تعرف سعر كرنفال ابقى تعالى قولنا

الجواز و سنينه يقول...

بوس بوس
انا مش قصدى بشرف الولد التفكير الذكورى بس
بس انا نفسى زى ما الولد من حقه انه ياخد بنت هو اول واحد فى حياتها هيه كمان من حقها انها تكون اول امرأه فى حياته
لان ده الشرع و اللى مفروض يحصل
مش بس نظره المجتمع و بس اللى مفروض تحكم الناس
و انه مش خسران حاجه
اكيد خسران لان من فقد شرفه بالطريه دى اكيد ربنا هايحاسبه

الجواز و سنينه يقول...

face moon
هههههههههههههههههه
بعد الشر عليكى من اللغبطه
و الله ما قصدت يا جميل بس انا قلت من الاول انه تهييس
المهم بخصوص الايسكريم
و بما ان دكتور بهدوء و انتى كمان نفسكم فى الايسكريم
عنيه ليكم و اكبر علبه هاجبها من الفريزر بتاع صيدلانيه طالعه نازله و اعزمكم عليها

ReEm يقول...

هحاول ارد على اللي اقدر عليه

شرف البنت زمان كان زي عود الكبريت للاسف دلوقت بالعمليات بقى بيرجع يعني بقت زي الشاب لو اتفقد بيرجع بس نظرة الناس المفرقة بين البنت والولد عادات ومورثاتها اتأصلت فينا و هنربي ولادنا عليها كمان

موضوع المطلقة بصراحة مابقاش زي زمان والنظرة والله المطلقة عندنا سوقها ماشي وبتتجوز اكتر من بنت البنوت وحتى لو مخلفة

ايه كمان

اه الجواز صدقيني و عن واقع الجواز وناره افضل من القعدة في بيت اهلك لانك بتبقي تقيلة و اهلك بقلقو ويشيلو همك
و بعدين دي سنة الحياة

العلم لازم حتى لو مش هشتغل اكيد هربي بكرة ولادي واطلع منهم اجيل ازاي هيتربو كويس من غير العلم

الحرية وسط الناس صعبة في مجتمع عربي ما ينفعش اعمل اللي انا عايزة طالما في ضوابط لازم امشي عليها و تحكمني
طالما عايشة وسط الناس

ده اللي فاكراه من اسألتك

اه ناقص الايس كريم
كان نفسي اقولك لما تاكي جيبيلي معاكي بس خايفة على الرجيم

بنت مصريه يقول...

البلد دى
هتلاقى فيها اسئله كتيير قوى ملهاش اجابه
ريحى دماغك احسن واشترى ايس كريم
بوست جميل اتمنى تنورينى

غير معرف يقول...

هو فعلا ده اللي بيحصل ....
بس دي نظرة المجتمع .... محدش حتي هيقدر يغيرها ...

مدونتي هي بيتك
http://www.mo3anah.wordpress.com

mostafa rayan يقول...

يا كل دة جواكي مرة واحدة ... شكلك قربتي تنفجري .. بجد خلي بالك من نفسك
واقولك كلي ايس كريم ولا يهمك في الشارع في الشارع ماتعمليش اي حساب للناس
دومت بخير

Miss. Sosa يقول...

هبعتلك قربة تلج تحطيها على دماغك علشان تبرد :D

عارفة مشكلة جيلنا اننا بنفكر كتير ونقعد نحسب باليمين والشمال ولا اللي هنعيش 100 سنه واحنا ممكن نموت بعد ثانيتين .. سبيها علي الله وعيشي زي عصفور بيضحك ويغني ولما يجوع يبقى يدور علي الاكل وان شاء الله ربنا هيرزقه لانه فى ملكوت الرزاق الرحمن هو اللي بيرزق وهو وحده الرحمن الرحيم

مش قولتلك سبيها علي الله

الجواز و سنينه يقول...

ريم ردك جميل زيك
بس شرف البنت لسه موجود و ده المفروض بس المفروض نربى كمان فى الولد انه عنده شرف لازم يحافظ عليه
اما حكايه ان المطلقات بيجيلهم عرسان اكتر من البنات فده قد يكون لكثره حالات الطلاق و ساعتها اللى بيتجوز تانى مش بيتنك زى الاول
حكايه انى اتعلم علشان اربى عيالى فزمان ماكانوش متعلمين و طلعوا احسن رجاله و بنات
مش بقول بلاش علم بس نتعلم اللى هانحتاجه
و فيه مثل بيقول قاعده الحزانه و لا جوازه الندامه
اما عن الحريه المقصوده فأنا وضحتها بس اظاهر انك ما اختيش بالك
اما عن الايس كريم
كلى و انتى مغمضه و انتى مش هاتتخنى

الجواز و سنينه يقول...

بنت مصريه
تصدقى احسن حاجه الايسكريم فى البلد دى فعلا

الجواز و سنينه يقول...

معاناه
فعلا صعب تغيير نظره المجتمع بس مش مستحيل

الجواز و سنينه يقول...

mostafarayan
و الله حلوه اوى فكره اكل الايسكرم فى الشارع و لا يهمنى فعلا
نورتنى

الجواز و سنينه يقول...

Miss. Sosa
سبيها علي الله وعيشي زي عصفور بيضحك ويغني ولما يجوع يبقى يدور علي الاكل وان شاء الله ربنا هيرزقه لانه فى ملكوت الرزاق الرحمن هو اللي بيرزق وهو وحده الرحمن الرحيم
********************
تسلم اديكى على الكلمتين دول
عجبونى جداااااااااااااااا
خليها على الله
بس بلاش التلج ببرد

wael يقول...

الافكار متضاربه لابعد حد بس تصدقي بجد كل فكره عايزه بوست لوحده
ولو على الايس كريم بسيطه يعني دي الوحيده اللي ممكن نعرف نحلها
تحبي الايس كريم بطعم ايه بس؟
تحياتي

شفـقــة و إحســــان يقول...

ايه الافكار الفظيعة والتساؤلات المريعة دى....ان كان على الايس كريم محلولة بس اوعى تطمعى فى اكتر من كده

صحفية روشة يقول...

لا حول ولا قوة الا بالله
انتى دماغك هتلسع من التفكير
__________________________________
ميفوتكش البوست الجديد (فال الله ولا فالك)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

Esraa Hamed يقول...

جميلة افكارك اوييييييييي

عايزة اعلق علي كذا نقطة فيهم

بنتعلم ليه لو احنا مش هانشتغل باللى اتعلمناه

هي المشكلة في رايي اننا اتحطينا في نظام هو اللي بيفرض علينا ايه اللي نتعلمه بناءا علي مجموع و كلام فاضي

لو سابوا كل حد يختار بحرية تااااامة الحاجة اللي بيحبها اكيد هيشتغل فيها و مش بس علي اد الشغل لا كمان هيبدع فيها اوييييييي


نفسى اتصرف بحريتى من غير ما اعمل حساب للناس و ده يقول و ده يعيد حتى لو اللى بعمله صح و مخ الناس هو اللى غلط

عجبتني اوييييي جملة مخ الناس هو اللي غلط
هو فعلا في اوقات كتير بيبقي غلط
مخ محكوم بعادات و تقاليد هبلة ملهاش اي علاقة بالدين
في رايي لازم بس و نكز علي كلمة بس دي الدين اللي يحكمنا انما العادات و التقاليد و اصل الناس هيقولوا و الناس هيعيدوا كووول ده هبل اتعودنا عليه و للاسف بردو بنلاقي ناس بتعود ولادها عليه و كل كلامهم عيب و الناس و غلط و صح مع ان المفروض يبقي توجيهنا حلال و حرام و بس و اي حاجة تانية ملهاش لازمة

تحياتي ليكي يا قمر
و في انتظار جديدك قريبا ان شاء الله