الأحد، 11 مايو، 2008

تاج و لا تاج محل فى زمانه


التاج الغالى ده هو اول تاج جالى
و دايما احلى بخت هو اول بخت
علشان بيكون ليه غلاوه خاصه
جالى من FaceMoon صاحبه مدونه انا غير كل البنات
و احب اقولها انها فعلا غير كل البنات و شكرا على التاج الجميل ده يا قمر
و انى اول مره اعرف حكايه التاج دى منها و شكرا على زوقك العالى
و عقبال ما تكملى صولجان زى ما قولتى

أولا:اذكر عشرة اشياء عن نفسك .....عشره كتير اوى ربنا يسهل و اعرف اقول كلمتين مش عشره

ثانيا:اختر خمس اشخاص تهدى لهم التاج .....نفسى اهديه لناس كتير بس فيه ناس منهم لقيتهم لسه مجاوبين على تاج فامارضتش اتقل عليهم زى علاء سالم

ثالثا:لا تهدى التاج لمن اهداه اليك ..... علم و ينفذ و لك يزم يا ظالم قضدى يا فيس مون

رابعا:عرف اللى بعتلك التاج انك نزلته عندك...... عنيه بس كده

بسم الله نبدأ
الاجابه على السؤال رقم واحد حاسه انى فى امتحان


1 _ اكتر صفه تميزنى انى رومانسيه جداااااااااا تقدروا تقولوا من هنا للصبح بس الحمد لله بعقل يعنى مش رومانسيه و السلام لدرجه انى بجد بحل مشاكل اصحابى و بيثقوا فى رأيى جدا و الحمد لله بيطلع صح

2- رقيقه برضوا جداااااااااا و لو كنتوا خلصتوا الصبح تقدروا تكملوا لغايه الصبح التانى
و دى بقى المشكله لانى كان فيه ناس بتفكر انى بصطنع الحكايه دى بس مع طول الوقت بيفهموا انها طبيعه فيه و الله مش تصنع بس بجد الموضوع ده كان مسببلى عقده بس الحمد لله اتحلت

3- بحب افهم كل حاجه بدماغى و ليه فلسفاتى الخاصه جدا و الحمد لله بتكون صح برضوا و لما ييجى وقت لحاجه فيها فلسفتى الخاصه هابقى اقولكم

4- بحب بابا و ماما جداااااااااااااا و زوجى جداااااااااااااااا و و اولادى جدا جدااااااااااا ثم الجميع بعدهم

5- الحمد لله علاقتى مع الله جميله و بحاول على اد ما افهم انى التزم و افهم دى ليها فلسفه بس مش عايزه ادوشكم
اصمع ان يغفرلى الله ذنوبى و يدخلنى برحمته الجنه

6- مش عارفه هيه ميزه و لا عيب بس انا سهل انى اسامح اللى غلطوا فيه بسهوله رغم انى لا اقبل الغلط لانى لا اسمح لنفسى بالغلط
بس بجد بلاقى نفسى بسامح الناس و ارجع كما كنت

7- تقدروا تقولوا ست بيت شاطره و الحمد لله و ليا وصفاتى اللى بتجنن الناس و اتفضلوا عندنا لو كمان و مش عزمه مركبيه

8-حساسه اوى و دى مشكله جامد بحاول انى اسيطر عليها و ربنا يكرمنى و اقدر اتخلص من الداء ده

9 - بحاول على اد ما اقدر اكون الشخصيه اللى اكون راضيه عنها دينيا و ادبيا و ده الحمد لله بيلاحظه الناس اللى حوليه

10 - الحمد لله خلصنا و بجد مش لاقيه كلم تانى اقوله عن نفسى غير انى بجد بكون مبسوطه لما بحس ان فيه حد استفاد من كلامى و انى مش بنفخ فى اربه مقطوعه لان صعب عليه اوى و بحس زى ما اكون بنيت بيت و ماحدش سكن فيه

ثانيا : الاختيار و دايما الاختيار بيكون صعب انا نفسى ناس كتير تجاوب و تتعصر كده زيى
نبدأ بالبنات و بعد كده الاولاد

1- صيدلانيه طالعه نازله و صاحبتها صيدلانيه طالعه نازله

2- الطريق إلى الكوشه و صاحبتها مسز سوسو

3- مذكرات عروسه ننوسه و صاحبتها جنه

4- دكتور بهدوء صاحب مدونه نقول كمان

5- صاحبها دارش

و التاج اللى يجيلك منه الريح جاوب عليه و استريح

جارى التبليغ ان شاء الله و دمتم سالمين





هناك 8 تعليقات:

دكتور بهــدوء يقول...

اول رد
طبعا شخصيه ولا اروع


والف شكر ع التاج
:)

ربنا يخليلك منار وروشان يارب وجوزك
ومامتك وباباكي
طبعا انك تسامحي اللي غلط فيكي ميزه مش عايزه كلام بس بصراحه دي عندي ليها حدود
زي اللي قدامك انتي بتحبيه اد ايه يقصد ولا لا
حجم غلطه اد ايه كده

gannah يقول...

كده تدبيسينى فى التاج ....ماشى يا ستى هدية مقبولة

FaceMoon يقول...

صفاتك جميلة اوى وفيكى منى كتير وانا مبسوطة انك اخيراً جاوبتى على التاج ومبسوطة اكتر انى عرفت عنك كل الصفات الجميلة دى ربنا يوفقك فى حياتك دايما وبالنجاح فى كل حاجة
تحياتى

Ema يقول...

صفاتك جميله ..وأنا مبسوطه إني دخلت مدونتك..
يارت تنوريني..وبالحب تزوديني..

الجواز و سنينه يقول...

دكتور بهدوء
يا سيدى عوفوا و لا شكر على واجب
و بنتى اسمها ميار مش منار
و عايزه اقولك انى اه سامح بس مش بنسى
اكيد باخد احتياطاتى برضوا بس مش مشيل فى قلبى
و عايزه اطمنك ان ماحدش يقدر يغلط و لا مواخده
ههههههههههههه

الجواز و سنينه يقول...

جنه
و الله انا لما قريت ردك على التاج انبستط اكتر علشان انا اخترت صح
و الله انتى و الدكتور و دارش ردكم احسن من بعض

الجواز و سنينه يقول...

فيث مون
و الله يابنتى ما عطلنى عن انى اجاوب غير انى صعب جدا اقعد على الجهاز من العيال
و انبستط اكتر علشان قلتيلى اننا فينا من بعض
خلاص يا ستى بصره
على فكره انا بحب القمر جدا و بحس ان فيه حاجه بتشدنى ليه
و بحب كل من يرتبط اسمه بالقمر

الجواز و سنينه يقول...

ايما
و الله يا ستى ده نورك و اكيد ان شاء الله هاتلاقينى عندك