الاثنين، 24 مارس 2008

انا مصرى و ابويا مصرى بس احب ابنى يكون امريكانى



ماكونتش ناويه اتكلم فى السياسه لاسبابى الخاصه
بس فيه حاجه فاقعه مرارتى و غيظانى
الموضوع يخص الجنسيه المصريه و السبب هو المطربه شرين عبد الوهاب
سمعت و الله اعلم انها هاتسافر تولد بنتها فى امريكا علشان بنتها تاخد الجنسيه الامريكيه
ساعتها بس اتفقعت مرارتى و ماقدرش استحمل خلاص
امال فين ما شربتش من نيلها طب جربت تغنيلها
و لا هيه ناويه تشربها مياه معدنيه و اكيد مش من المضروبه بتاعه مصر اكيد هاتجيبها معاها و هيه جيه من امريكا
اللى غظنى ان الاغنيه اللى غنيتها جميله جدا و تخلى الواحد هايطق من الوطنيه
و تلاقيها اول واحده شايفه ان الجنسيه المصريه مش كفايه علشان بنتها و انها محتاجه حاجه تسندها
يعنى نوصل لان فيه ناس مصريين بيتعاملوا معامله vip مش لميزه فيهم اكتر من انهم يحملوا جنسيه تانيه
زمان كنا بنقول و بنردد و بكل فخر لو لم اكن مصريا لوددت ان اكون مصريا
فين الشعارات دى راحت و لا راحت مع اللى راح
و لا طلع كلام اغانى و راح لحاله و لا تلاقيها ليها فتره ما شربتش من نيلها و يبقى عندها حق
علشان مشاكل الميه المعروفه
انا كده فشيت غلى و ارتحت لما قولت اللى عندى لحسن خلاص كنت هاروح اشرب من نيلها و ارمى روحى فيه

هناك 53 تعليقًا:

صيدلانيه طالعه نازله يقول...

للاسف كل اللى بنسمعه ده كلام اغانى

لكن ساعه الجد بيبقى للمصلحه حسابات

اخرى الجنسيه الامريكانى و لا النيل يعنى

بلا نيله علشان اما تسافر تطلع من

قاعه vip باعتبارها من رعاه البقر

و كده كده هى مش بتشرب من النيل

بتشرب مياه معدنيه

بس للحق كتبوا كمان انها تراجعت خوفا

من الرأى العام فبلاش بقى التشنيع و

الاوشاعات دى

الجواز و سنينه يقول...

صيدلانيه طالعه نازله
نورتينى يا قمر
و عايزه اقولك ان الجنسيه مش بس قاعه السفر لاء دا انا قريت حادثه ام عملتها و اولادها كانوا بيموتوا و لما اتصلت بالاسعاف قالولها فيه اجانب فى الحادث قالت لاء و طبعا محدش عبرها و ماتوا ربنا يرحمهم
عارفه ساعات بحس ان بلدنا للوزراء و الفنانين و بتوع الكوره و بس
هاتيلى عالم كده غير كام واحد معدودين على الاصابع ليهم شنه و رنه الرقاصات
و لو طلعت اشاعه زى ما قولتى فأنا كفايه عندى انها فكرت
حتى لو تفكير صحيح فى الزمن ده لان غيرها بيعملوا ده
فكفايه برضوا مجرد التفكير
و مش عارفه لو الواحد يقدر يعمل كده هايعمل و لا لاء
المشكله هيه فى ان البلد د بلد اى جنسيه؟ هو ده السؤال

د/اجدع بنوته يقول...

انا كمان لما سمعت الموضوع ده
اتفقعت وقولت لعبتها صح شرين

ال مشربتش م نيلها ال

شربت بس جالى التهاب كبدى

هععععععععععععععععععععععع

داليا محمد يقول...

ههههههههههههههههه بجد تحفه
بس انتى لسه عارفه دلوئتى ان كل ده كلام اغانى؟ طبعا اغانى مصر شعبها جميل وبلد رائعه بس ربنا يصلح الاحوال بئى:))

امواج يقول...

ههههههههههههههههههههههههههههه

عندك حق والله
انا فعلا اضيقت من الموضوع ده
بس ال حكنى هتروحى تشربى من نيلها وترمى روحك فيه

Desert cat يقول...

الموضوع ده منتشر اوى فى الوسط الفنى
مع ان هما اللى بيغنوا للبلد وبيمثلوا افلام الوطنية وارفع علم بلادك يا مواطن
الجنسية المصرية مبقتش تاكل عيش
لما واحد يكون حامل اى جسية تانية ويجى مصر بيتشال على العين والراس والمصريى بيتهان جوا بلده اكتر من بره بلده
المشكلة مش فى اللى عايز اولاده يحملوا جنسية تانية المشكلة فى اللى خلاهم يفكروا فى كدا
تحياتى

الجواز و سنينه يقول...

د/اجدع بنوته
نورتينى يا جميل و البلوجر بتاعتك سكر زيك
و حلوه هععععععععععع دى عجبتنى جدا

الجواز و سنينه يقول...

داليا محمد
و الله انا عارفه ان ده كلام اغانى من زمان
بس زهقت و طقيت بقى
يعنى مصر تعملهم ناس و فى الاخر يبصوا لجنسيه تانيه خصوصا انهم مش محتاجنها يابنتى البلد بقت بتاعتهم طيب ايه اللى بيعملوه ده

الجواز و سنينه يقول...

امواج
كنت ناويه ارمى روحى بس تراجعت لما جبت فلتر
هههههههههه

الجواز و سنينه يقول...

قطه الصحراء
رأيك صائب جدا و عجبنى جالص
و خصوصا "لمشكلة مش فى اللى عايز اولاده يحملوا جنسية تانية المشكلة فى اللى خلاهم يفكروا فى كدا"
نورتينى يا جميل

Unknown يقول...

تقريبا مشربتشى من نيلها ما يكفى او كانت بتشرب مية معدنية
والنبى انا مفروسة
تحياتى

الجواز و سنينه يقول...

ايويه
تعليقك جميل زيك
شكلها فعلا مما شربتش كفايه
ههههههههههههه
رغم انها من القلعه تقريبا يعنى كانت بتشرب طول عمرها بس سبحان مغير الاحوال

Amr Magdy يقول...

على فكرة شيرين مش أول واحد أشوفها بتعمل كده بس عشان هى مشهورة

بصى يا آنسة فرجينيا أنا كل اللى عايز أقوله مش إن شيرين صح أو غلط أو أتريق عليها

هى ليها وجهة نظر فى اللى عملته أكيد و لها دوافعها

أبسط مثال لو واحد اتمسك تحرى بالليل وهو معاه جواز سفر مصرى أخضر حيبات ليلة فى القسم من غير ذنب فى حين إن أبو جواز سفر أزرق أمريكى مس حيحصله كده

احنا دولة بتحترم أعداء أمتها أكتر من مواطنيها .... ده السبب الوحيد (قصدى احترام المواطن الاجنبى فى مصر) الذى قد يبرر لشيرين فعلها

وهذا لا يعنى أنى موافق

أو رافض ... كل واحد وله ظروفه وما دام الموضوع لا يمسنى شخصيا ولا يمثل ظاهرة فى المجتمع فلا أخوض فيه طويلا ولكن أتعرض له سريعا


بالمناسبة أنا عرفت بلوج حضرتك قدرا لما لاقتك معلقة على البلوج بتاعى
http://amr-magdy.blogspot.com/2008/
02/blog-post_14.html

كنت عايز أعرف إيه اللى عجبك فى كلامى وليه مسحتى الكومنت التانى بس مش لاقى إيميل حضرتك

أنا الإيميل بتاعى موجود فى البروفايل بتاعى .... أرجوا إنى استقبل منك رسالة قريبا لو ماكنش يضايقك

والسلام عليكم ورحمة الله

المـــفـــــــقــــــــوعـــــة مــرارتـهــا يقول...

انا حاسة ان حالة المدونين بقت ميئوس منها
كله مرارته أتفقعت .. هو المرض ده معدي ولا أيه نعمله حجر صحي عشان مايطلعش برة المدونين
انا ليا قريبة عايشة برة وبتتفاخر ان ولادها كندييين ومابيعرفوش عربي شفتي كدة رغم انها ازهرية كمان

almasry يقول...

والله لو شيرى عملت كده هيبقى سنتها زى الفستان بتاعها يعنى هشرحها مين ده اللى يسيب الجنسيه المصريه سورى حبيبتى فى اللفظ اللى جاى ده أحب أقولك ان اللى يسيب جنسية مصر ويروح ياخد جنسيه تانيه يبق "حمار" و "ميستاهلش اللقمه او صباع المحشى اللى بياكله "


تحيــــــــاتى
المصــــــــــــــــرى

الجواز و سنينه يقول...

عمر مجدى
نورت البلوجر بتاعتى يا فندم
و فعلا رأيك صح و انا قلته المشكله فى اللى خلى الناس تفكر فى الجنسيه التانيه
و التعليق التانى اللى انت بتقول عليه انا مسحته علشان اتكرر معايا

كلبوزة لكن سمباتيك يقول...

يا ستي هي كانت بتغني لامريكا مش لمصر انتم اللي فهمتوا غلط


تحياتي

Amr Magdy يقول...

منور بصحابه يا فندم

شكرا على المجاملة الرقيقة

الزواج.....روضة الحب يقول...

والله يابنتى أنا جالى زهول لماسمعت الكلام دة والغنوة دى كنت حاباها خالص لكن خلاص فقدت الإحساس بيها0،مابلاش حكاية الكلمة دى إحنا ناقصين يا شيخة ،سهليها ربنا يسهلها عليكى0

bastokka طهقانة يقول...

يعني هو لما يتولد امريكاني حيبقى بريشة فوق راسه؟

عقد الخواجة مش راضية تنحل ابدا

اوروفوار

الجواز و سنينه يقول...

المفقوع مرارتها من حماتها
عايزه اقولك ان المراره مرض معدى زى الانفلونزا بالظبط و دى اخر الابحاث العلميه اللى اثبتت ده
اما بالنسبه لقريبتك اللى بتتفاخر بان اولادها ما يعرفوش و لا كلمه عربى قوليها ان النبى عربى و ده اكبر تشريف لينا طيب اولاد الازهريه دى بيصلوا ازاى و لا علمتهم يصلوا بالانجليزى
ههههههههههههه

الجواز و سنينه يقول...

المصرى
نسيت تقولنا لون الفستان كان ايه بالظبط
هههههههههههههههههه
و بمناسبه المحشى هيه كانت بتعمل كحك فى الاغنيه مش محشى
نورت يا باشا

الجواز و سنينه يقول...

سمباتيك
اسمك سمباتيك خاااااالص و كمان ردك اخر سمبنكه
و الحمد لله انك فهمتينا انها لما كانت بتقول ما شربتش من نيلها كانت تقصد النيل بتاع امريكا هو احنا لينا حاجه فى البلد
هههههههههههههه

الجواز و سنينه يقول...

واضح ان الشعب المصرى كله اسبهل لما سمع الخبر ده و خلاص يا ستى هاسهلهالك بس دى اغنيه ليله غفران
هههههههههههه

الجواز و سنينه يقول...

طهقانه باشتكا
كومان سا فا
سا فا بيان مرسى
ههههههههههههههههههههه
احنا كمان بيتطق فينا عرق الفرنساوى
وواضح انك اكتر واحده بعيده كل البعد عن الموضوع ده و الدليل قالولوووو
قصدى اوروفوار
ياستى العقده مسيرها تنحل بس عايزه منعم اقمشه داونى او كمفورت

FaceMoon يقول...

عدتونى منكم لله مرارتى اتفقعت انا كمان
هيا لما غنت وقالت مشربتش من نيلها هيا شربت وجالها امراض الدنيا من التلوث اللى فيه وجربت تشرب مية معدنية برضة طلعت مضروبة كل دة اثر فى دماغها وقالت اجرب مية امريكا يمكن ابنى يطلع كويس

الجواز و سنينه يقول...

فيس موون
سلامه مرارتك يا قمر
و سلامتك من العدوى
بس عايزه اقولك انها حامل فى بنت
تقدرى تقوليلى بقى عايزه تديها الجنسيه الامريكيه ليه ؟ خايفه يخدوها تحرى مثلا
حاجه غريبه جدا
نورتينى يا جميل و ى اهم حاجه

Layla يقول...

مهو طول عمر الاغاني الوطنية كلام وخلاص

انتي ناسية تامر حسني و هيثم شاكر اللي قرفونا باغانيهم عن مصر وفي الاخر طلعوا هربانين من التجنيد

ولا المغنيين النص معروفين اللي بيستغلوا معاناة العراقيين والفلسطينيين من اجل تحقيق انتشار و شهرة لهم وعملوا اوبريت الضمير العربي

شيرين مش هتكون اول واحدة ولا اخر واحدة تغني حاجة وتعمل عكسها

في الاخر..كلهم بيغنوا علينا..ولا عزاء للمستمعين
:)

موناليزا يقول...

مدونتك كلها عجبتنى جدا وتناولك للمواضيع بطريقة بسيطة ومختصرة بجد حلو اوى
بالتوفيق دائما

wael يقول...

كان ليه واحد صاحبي بيقول دايما لو لم اكن مصريا لوددت ان اكون طرطورا لما يتفقع من اللي احنا فيه
تحياتي

Unknown يقول...

اه كلام والسلام
يعنى لازم تفرغى غضبك وتفشى غلك ؟؟؟
كدة زعلتى شرين ممكن بعد كدة ولا تغنى لمصر ولا حاجة وتتعلم انجليزى وتغنى لامريكا

ينفع كدة بقى حرمتينا من صوتهاا
الله يسمحك
لازم يعنى تقفى على الواحد
اهو كلام وهو الكلام عليه جمرك ؟؟



كل الاحترام لك
ولمدونتك الحلوة

ابقى حلى لى عقدتى انا كمان
:)

DayDreaming يقول...

اسم مدونتك شدني من بين التعليقات على مدونه اخرى

بصراحه الموضوع ده فاقع مرارتي انا كمان ومرارةناس كتير هنقول ايه بأه

تحيا مصر

عــلاء ســالـــم يقول...

السلام عليكم

دايماً معادن الناس بتظهر في الأزمات
ودا مش بس على المستوى الشخصي لكنه بينطبق أيضاُ على المستوى الوطني .
يعني في فترات ضعف الدول وإضمحلالها بتبدأ تظهر ملامح إنعدام الوطنيه عند بعض الناس .

Hossam Nasr يقول...

السيدة الكريمة

ليست تلك المغنية وحدها
بل كثير من الممثلات مثل شريهان صاحبة الفوازير وبعض الممثلين أمثال قابيل وخلافه.
الكل ينظر إلى سعر جنسيته. وسأحكي لك قصة سمعتها من أحد المحاميين أصدقائي.
لما كان له عميل أمريكي يحمل الجنسية المصرية فسجل دخوله بالجنسية المصرية وطلب أن ترسل أمتعته التي ستأتيه إلى مقر إقامته في شرم الشيخ فلم يستطيعإلا بعد أن سجل دخوله بالجنسية الأمريكية. ويحكي أنهم قد أعتدوا عليه بالاستهزاء منه والكلام غير اللائق وكادواأن يقبلوا الأرض بين قدميه لما سجل دخوله على جواز السفر الأمريكي

1$ = 5.45 LE

إحترامي وتقديري

walaa يقول...

والله عندك حق لازم نفتخر بكونا مصرين
مش عارفه ليه الممثلين بالذات هما اللى بيعملوا كده يمكن علشان مصر مش عجباهم
طيب ما يسيبوا البلد احسن
تحياتى ولاء

غير معرف يقول...

بصي انا معاكي
بس الهوس الامريكي مش جديد
ده بيجري في الدم
وبعدين شرين خايفه من تلوث الميه
اللي بتجيب كبد وبائي
بس شكلها قررت تشتري فلتر وامرها لله
لان سمعت انها مش هتسافر

mostafa rayan يقول...

لو هتصدقي كل حاجة هتسمعيها هتتعبي
وهي لوفكرت انها تولد في امريكا علشان الواد ياخد الجنسية ويتعامل معاملة الأمريكان يبقي بجد عندها حق فم عجب هذا الزمان ان الغريب اصبح يعامل احسن من معاملة المصري

- ممكن لو سمحتي تشيلي تأكيد الكلمةدي

الجواز و سنينه يقول...

مارفل
فعلا عندك حق ان الناس دول شكلهم بيغنوا علينا
و بيستغلوا كل حاجه علشان شهرتهم الخاصه مش علشان همه حاسين باللى بيغنوه و لا عزاء للمصدقين كمان

الجواز و سنينه يقول...

بالتوفيق دائما
مونالايزا
ياستى اخجلتم تواضعنا بالكلام الحلو اللى زيك ده مرسى لذوقك العالى يا سكر

الجواز و سنينه يقول...

مدونون wael يقول...

كان ليه واحد صاحبي بيقول دايما لو لم اكن مصريا لوددت ان اكون طرطورا لما يتفقع من اللي احنا فيه
تحياتي

وائل
هههههههههه طرطور حده واحده
دا سكر خالص صحبك ده نورت البلوجر يا فندم

الجواز و سنينه يقول...

نهر الحب
و الله لو شرين هاتغنى لامريكا ماحدش هايزعل منها طيب مهى هيه اللى بتجرى عليها اهه
بس عامتا الست خافت و عرفت غلتطها و ولدت فى مصر مش عارفه هيه كانت خايفه من مستشفيات مصر و كانت عايزه الجنسيه و لا ايه حكايتها
و يا ستى انا مش هاقف على الواحده انا هاقف على واحده و نص كمان
هههههههههه
و انا روحت المدونه بتاعتك بس مالقتش عقده علشان احلها ياريت تفهمينى اكتر

الجواز و سنينه يقول...

DayDreaming
فرحت جدا ان اسم المدونه عجبك اوى كده و خلاكى تنورينى يا جميل
و تحيا مصر الف مره

الجواز و سنينه يقول...

علاء سالم
الكلام الكبير اللى قلته ده صعب يكون فيه كلام بعديه
نورت و اجزت يا فندم

الجواز و سنينه يقول...

Whispers just for a Night


لا حول و لا قوه إلا بالله كل ده بيتغير بتغير الجنسيه و ليس الاشخاص طيب ما الست اهه طلع عندها حق
رغم انه كفايه ان بنتها تقول انها بنت شرين علشان تتفتحلها الابواب المغلقه لما الناس دول يحتاجوا الجنسيه الامريكيه احنا نعمل ايه؟
و عجبى

الجواز و سنينه يقول...

walaa
تقريبا كده عجباهم فلوس مصر بس مش عجباهم الجنسيه بس و بعدين لما يسيبوا مصر اللى لحم كتفهم من خيرها هايشحتوا بره و مش هايلاقوا اللحم و لا العظم كمان
نورتينى يا ولاء

الجواز و سنينه يقول...

mady
فعلا هيه ولدت فى مصر بس مش علشان الفلتر اللى اشترته لاء ده علشان هيه خايفه لو عملت كده ما تلاقيش تشترى فلتر من اساسه

الجواز و سنينه يقول...

mostafarayan
و الله احنا بقينا فى زمن صعب اننا نصدق اللى بنشوفوا مش اللى بنسمعوا بس الواحد ساعات بيتخنق من اللى بيغنوا علينا دول كفاياهم بقى زهقنا
و على فكره انا مش حطه تأكيد الكلمات عامتا هاتأكده من الموضوع ده و شكرا

غير معرف يقول...

عزيزتي
كل كلام عشان يعبوا بيه شرايط
ماتامر حسني غني لمصر و شوفي عمل ايه زور عشان يهرب من الجيش

الوطنيه مش اغنيه الوطنيه احساس جوه البني ادم

تحياتي ليكي

l0ma يقول...

لو لم اكن مصريا لدبحت عجل امريكانى ووزعتة عالغلابى بتوع مصر
انتى لو بتسافرى برة مصر هتشوفى البهدلة والتهزيق الى بيتبهدلها المصريين فى المطارات والجمارك يمكن الفلبنين بيتعاملو معاملة احسن من كدة
الجنسية المصرية دلوقتى ملهاش قيمة باى نوع من المقاييس
يعنى الست ليها حق برضة خايفة على عيالها ياريت امى كانت واعية وراحت خلفتنى فى امريكا

الجعرّ و أبورمّانة يقول...

هاقولك على حاجة
مع انى ضد الكلام ده وبحس فيه انتهازية بس الواقع بيقول انى لو ابنى وانا اقدر اسافر اخليه يتولد ف امريكا والله ابقى غلطان لو معملتش كده ..
على الاقل ابقى اديته اختيار ف حياته بدل مايكون مجبر على بلد مافيهاش غير قتل كل طموح
فعلا حاجة تحزن ...

أبورمّانة

تسنيم الريدي يقول...

مدونة جيدة ومحتواها رائع
لكن لي تعليقات على بعض الصور التي تظهر الفتيات من غير حجاب .
تحياتي لك

غير معرف يقول...

Thanks for taking the time to debate this, I really feel strongly about it and love studying more on this topic. If potential, as you acquire expertise, would you thoughts updating your blog with additional information? This can be very useful for me.

غير معرف يقول...

Heya i'm for the first time here. I found this board and I find It truly useful & it helped me out a lot. I hope to give something back and aid others like you helped me.

my website acoustic guitar chords for beginners