الثلاثاء، 11 مارس، 2008

الام العاشقه و الاب العاشق


قريت فى مجله عن ام سنها 33 و ام ل 8 اطفال تركت اولادها مع اختهم البالغه من العمر 15 سنه
دون مال او طعام و ذلك بعد ان تعرفت على رجل اعمل من النت و سافرت معه لقضاء شهر العسل
هذه السيده ليست عربيه و لكنها امريكيه و لما جاه البوليس وجدوا الاطفال فى حاجه من عدم النظافه
و سوء الغذيه غير طبيعى
و وجهت إلى الام عده اتهامات و قالت البنت انها كانت تضطر إلى سرقه الطعام لتطعم اخواتها
فيه ناس طالبت بأن الست دى تعقم و بتعريضها لنفس الظروف اللى عاش فيها اولادها بدون طعام او ملابس نظيفه

الموضوع ده ما قدرتش امر عليه مرور الكرام
حسيت انى لازم اقف عنده و لان ده بيحصل كمان عندنا فى المجتمعات العربيه
اه مش بنفس الصوره
بس فيه ناس مع الاسف بتعيش بالطريقه دى
ماعندهاش اى اهتمام لاولادها و سهل اوى انها ترميهم و المهم هو نفسى
و ياما لقينا رجاله سابوا اولادهم و جريوا وراء بنت صغيره
بيعيشوا بنظريه يلا نفسى
الحمد لله ان دينا بيأمرنا بكل فضيله
ايه الغلط اللى خلى الناس دى تعمل كده
انا اصلا مش متخيله ان حد يجيب حد للدنيا و فجأه يتخلى عنه بالطريقه دى
حبيت اوجه نداء لكل انسان عاقل اتقى الله فى اولادك و كن لهم الاب و الام التى يتمنوه

هناك 8 تعليقات:

صيدلانيه طالعه نازله يقول...

دى لا تستحق كلمه ام اصلا و الامومه شرف لا تستحقه و اطفالها دول خساره فيها

المُهاجر يقول...

الحمد لله اننا مازلنا متمسكين بالدين والأصول
يا عالم بكرة ايه ممكن يحصل عندنا

المفقوعة مرارتها يقول...

صعب اوي اللي انتي حاكتيه ده
ده القطة مابترميش ولادها
انا اول زيارة ليا هنا وشكلنا هانبقي اصحاب بس انا وصلتلك بالصدفة
البحتة من خلال صيلانية طالعة نازلة
الصراحة المدونتين رائعتين

حسن توفيق يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

فضفضة يقول...

بصي

هو الموضوع شكله رعب

وحاجة يااااااي مستحيلة

بلا في شكلها قبر يلمها ....الخ الخ

بس عايزة اقولك

ان فيه كتير قوى زيها

حوالينا فى كل مكان للاسف

والانسان اذا انتزعت الرحمة من قلبه
وحل محلها حب الذات والدنيا

اتفرجى بقى على اللى ممكن يعمله

تحياااااتى

بوستاتك جميلة

الجواز و سنينه يقول...

صيدلانيه طالعه نازله
فعلا الام دى ما تستحقش تكون ام اصلا و ليهم حق فعلا كل من طالب بتعقيمها لانها لا تستخق كلمه ام اصلا

المهاجر
اولا نورت البلوجر تاعتى ثانيا عايزه اقولك ياما بيحصل عندنا و انا عندى حكايات اكتر من دى بس مش عايزه اقلبها نكد

المفقوع مرارتها
نورتينى يا سكر و سلامتك من فقع المراره يا جميل و بجد ان شاء الله نبقى اصحاب و فعلا انا و علا و ده يشرفنى معرفتكم انتم الاثنين

حسن توفيق
اولا نورت البلوجر بس واضح انك حتى ما قرتش اى حاجه بس اكيد نورتنى

فضفضه
نورتينى جدااا
و ردك بجد جميل و سكر خالص و فيه كلمه عجبتنى اوى هيه
والانسان اذا انتزعت الرحمة من قلبه
وحل محلها حب الذات والدنيا

اتفرجى بقى على اللى ممكن يعمله

ربنا يستر و بجد نورتينى و نورتونى كلكم

الجواز و سنينه يقول...

صيدلانيه طالعه نازله
فعلا الام دى ما تستحقش تكون ام اصلا و ليهم حق فعلا كل من طالب بتعقيمها لانها لا تستخق كلمه ام اصلا

المهاجر
اولا نورت البلوجر تاعتى ثانيا عايزه اقولك ياما بيحصل عندنا و انا عندى حكايات اكتر من دى بس مش عايزه اقلبها نكد

المفقوع مرارتها
نورتينى يا سكر و سلامتك من فقع المراره يا جميل و بجد ان شاء الله نبقى اصحاب و فعلا انا و علا و ده يشرفنى معرفتكم انتم الاثنين

حسن توفيق
اولا نورت البلوجر بس واضح انك حتى ما قرتش اى حاجه بس اكيد نورتنى

فضفضه
نورتينى جدااا
و ردك بجد جميل و سكر خالص و فيه كلمه عجبتنى اوى هيه
والانسان اذا انتزعت الرحمة من قلبه
وحل محلها حب الذات والدنيا

اتفرجى بقى على اللى ممكن يعمله

ربنا يستر و بجد نورتينى و نورتونى كلكم

داليا محمد يقول...

بالنسبه للموضوع ده فهو الاساس فيه دينى واخلاقى الناس بئت بتقول يلا نفسى عشان نسيت ربنا طبعا مش كلهم انت يعنى لما هتقول يلا غيرى ربنا هينساك ولا لما تقول يلا نفسى هينسى غيرك؟ هى الفكره كلها ان الناس افتكرت ان هما اللى بيمشو الدنيا ونسيو ربنا موضوع فى غاااااااية الاهميه وبينطبق على حاجات كتييييير فى حياتنا الف شكر