الاثنين، 3 مارس 2008

يا مأمن الرجال يا مأمن الميه فى الغربال




يا مأمن الرجال يا مأمن الميه فى الغربال
ياترى دى مقوله صحيحه
و ياترى حلم هارون الرشيدى يطارد كل الرجاله
و بيفكروا يا ترى لو كان عنده الامكانيه انه يعمل مثله هايكون اسعد
و يا ترى امرأه واحده لا تكفى فعلا
بتفكرأ ازاى يا رجاله ؟
دايما بيقولوا ان المرأه صعبه التفسير
آل يعنى همه اللى كتبا مفتوح
زى ما احنا لغز بالنسبه ليكم انتوا كمان بالنسبه لينا نفس اللغز
بس السؤال هل كل حاله خاصه بنفسها فقط
يعنى كل مرأه لغز و كل رجل لغز
ام ان هناك قواعد و شواذ عن القواعد كمان
الخوف لا يكون هارون الرشيدى هو القاعده
و كمان دلوقت و مع وجود النت و الموبايلات اصبح الحلم سهل المنال
مين منال دى ؟ ماعلينا ربنا يستر على بنات حواء



هناك 13 تعليقًا:

صيدلانيه طالعه نازله يقول...

بعد الحب و عيد الحب يعمل كل ده فيكى
لا لالا لا مالوش حق

الجواز و سنينه يقول...

مين ده اللى يعمل ايه ا علا
ما انتى عارفه اللى فيها
هههههههههههههه
انا بتكلم على الناس التانين
ههههههه

غير معرف يقول...

والله الرجاله غلابه ومافيش اسهل من ان الواحده تقول كلمه حلوه تضحك بيها عليه-الرجاله اضعف منكو يانساء
جوز صيدلانيه طالعه نازله

الجواز و سنينه يقول...

دكتور اشرف
نورت البلوجر يا فندم
و حكايه ان الرجاله غلابه فكفايه ان الرسول صلى الله عليه و سلم شبهنا بالقوارير يعنى سهله الكسر يبقى مين اللى اضعف يا دكتور
و بعدين احتياج المرأه للكلمه الحلوه اكثر من احتياج الرجل
اقصر طريق لقلب الراجل معدته و للست وادنها
ممكن لما تقولوا كلمه حلوه تلاقوا كلام احلى . بس انتوا ابدأوا

صيدلانيه طالعه نازله يقول...

الله انت 100% و قولتى المفيد

الجواز و سنينه يقول...

اى خدمه يا علا
انتى تأمرى يا جميل

امواج يقول...

فعلا الكلمه الحوه تخلص الموضوع كله
والله انتم دمكم خفيف ههههههههههههههه

الجواز و سنينه يقول...

امواج نورتينى بجد و شكرا على الاطرء الجميل ده
بس حاسبى لا تغرقينا
هههههههههه
علشان تتأكدى اننا دمنا خفيف
من الميه اللى طرطشت علينا منك

موناليزا يقول...

مش كل الرجال كده هو انا اه لسه مقابلتش النوعية دى بس الامل فى ربنا كبير

Unknown يقول...

مش عارفة اعلق على حاجة حاجة ولا على المضمون كله
اعتقد خلينا فى المضمون كله
فى نسبة كبيرة من الرجال عندهم التعدد شئ اساسى لحد كبير اولا للطموح للحصول على كل شئ فى ان واحد 0 00 وممكن لانهم محاكين اكثر من المراة للعالم الخراجى ولهم تجارب اكثر 00 كمان ودا الاهم لان الرجل لا يحب بكل كيانه فى اغلب الاحيان اما حكاية ان المراة لغز فاعتقد انها فقط المراءة الذكية القادرة على الحفاظ على الرجل ومناوشتة


كل الاحترام
مدونة بجد حلوة اوى
عجبتنى 00 يعنى هغلس كتير عليك
ريحانة مصر
نهر الحب

mostafa rayan يقول...

بصي يا نجمةانا عايز اقولك حاجة مهمة
اولا : هارون الرشيد ماكانش حرمانجي ولا مقطع النسوان زي ماهو مشهور عنه دي كلها اكاذيب ودسائس الراجل كان بيحج سنة ويجاهد سنة وكان بيبص للسماء قيقولها امطري حيث تمطري سوف يأتني خراجك ماكانش عنده وقت يعبث مع النساء
اما بخصوص موضوعك فنا شايف ان المشكلة ان كلا من الطرفين مش بيحاول يسمع من التاني فعلشان كدة بقينا اسرار لكل منا
اما بالنسبةلقلب الراجل فهو زي البحر بيساع كتير لكن بيظل دايما يبحث عن من تفهمه وتعطيه الحب والحنان والدفئ الذي يحتاجه وصدقيني لو لاقاها وفضلت علي حالها مش هيدور علي غيرها

غير معرف يقول...

أقووووووووووول

يا حليلكن يا الحريم ...هههههههه

اولا حرصن و لا تخونن ...ههههههه

الرجل اذا وجد من بعلته المودة و الرحمة و حفظ بيته وعياله وماله وإحترامه وعدم معايرته واحترام اهله وإكرام ضيفه ... ولقي الحنية و خفة الدم و التسامح و التفاهم فانه يعتبر شريكته هي شريكة الحياة... ولن يبحث عن أخرى. و زي ما قالت الأخوات كلمة وغنج وفرفشه سوف تملكين بها قلب زوجك وخاصة في اليومين دول اللمثلات ومذيعات الفضائيات والمجلات والإنترنت بمثلوا دور المثالية و الرومنسية المثالية . و اياكن و"الفتن" اي بالعربي لا توصفيله وحدة ثانية شوفتيها او عرفتيها او شاهدتيها على التلفاز... حترويحي وطي ...ههههههه

الحـــ متولي ـــــاج السعودي

غير معرف يقول...

Aw, this was a very good post. Finding the time and actual effort
to generate a good article… but what can I say… I put
things off a whole lot and don't seem to get anything done.

my website :: acoustic guitar chord