الاثنين، 15 مارس، 2010

تسمحيلى بالرقصه دى




كم كانت تحب سماع هذه الجمله فى كل فيلم كانت بتتفرج عليه


كانت تسرح فى يوم تسمع فيه " تسمحيلى بالرقصه دى "


عاشت فى حلم جميل ... و فى كل يوم كانت على قناعه ان اليوم سوف يكون هو اليوم الذى تسمع جملتها


كانت اليوم على الشاطى وحدها


لم تكن تعرف انه يراقبها و شعرها يرفرف على كتفها


كانت هناك موسيقى رقيقه و كانت معها مغمضه عينيها


و متخيله ان لو جاء هذا الغامض و قال لها ..............!


لم تكد تدخل فى حلمها حتى سمعت صوته يأتى لها


" تسمحيلى بالرقصه دى "


لم تصدق نفسها هل دخلت فى الحلم و صارت تتخيل انه اصبح حقيقه


لم تفتح عينها ظنا منها انه حلم


إلا انها سمعت صوته مره اخرى ففتحت عينها و لم تنطق بكلمه


فقط رقصت معه كما تخيلت طول عمرها


لم تغمض عينها هذه المره فقد كانت تستمتع بنظره عينه الحانيه


مالت بين يديه إلى الخلف و كانت على علم انه لن يسقطها


لم تعرف كيف جاء لها كل هذه الثقه فيه فقط اسلملت نفسها إلى احساسها به


جذبها إليه قبل ان تسقط


لفت حول نفسها و هو ممسك بيديها


و كانت فى كل لفه تنتظر اللحظه التى تتلاقى فيها عيونهم


سكتت الموسيقى


فنظر إلى عينيها مباشره


و قال لها احبـــــــــــــــــــك


هنا فقط اغمضت عيونها مره اخرى

هناك 40 تعليقًا:

كلمات من نور يقول...

و أدرك شهر الزاد الصباح فسكتت عن الكلام المتاح....داه حلم جميل شبه قصيدة كلمات ..........وحشتيني

norahaty يقول...

حلم جميل
ربنا يحقق
لها اللى فيه
الخير هى واللى زيها

dr.lecter يقول...

احلي اجه الاحلام

ندى الياسمين يقول...

حلوه بجد

تعرفي انا مش عارفه ليه جايبه معايا الايام دي ترميز الكلام وتوسيع نطاقه وعمضه

انا شايفه الرقصه هنا حياه كامله

الشخص المناسب فى المكان المناسب فى الوقت المناسب

وده الى خلى الرقصه حلوه وده الى خلاها تثق انه مش هايوقعها
وده الى خلاه قالها باحبك
وخلاها غمضت عنيها فى الاخر

حلوه حلوه حلوه

Wanda يقول...

خير الله اجعله خير

الرقصة فى الاحلام :-))) مشوار :-) حياة مع انسان بتثق فيه :-)

هو بس سؤال غلس معلش استحملينى :-)))
ازى رقصوا وسط الرملة
الواحد بيتكعبل فى رجله على البلاط مامابلك بالرملة ؟؟ طيب الشاطئ ده فين :-))

صيدلانيه طالعه نازله يقول...

ايه بس الرومانسيه دى كلها
كلنا حلمنا نفس الحلم
و غمضنا عينينا و احنا بنتخيله
صحيح الحلم مش اتحقق حرفيا بس كل حد فينا رقص رقصته المفضله بطريقته و اللى لسه مرقصهاش بيحاول و ان شاء الله ينول حلمه

emymony يقول...

بجد ابدعتى فى وصف حلم كل فتاه
واكيد الشباب برضو كده
ربنا يسعدك يارب
تحياتى

ستيتة حسب الله الحمش يقول...

الستات رومانسيات
علشان كده بيخلوا الدونيا لونها وردي
البنات البنات اجمل الكائنات
بحب انا كمان اللقطة دي في اي فيلم
وكمان لما بسلامته إسي محسن يقعد على ركبة ونص
ويقول لها وهو بيطلع خاتم ألماظ فصه قيراط ونص vvs :)
تسمحي لي يا ست أبوها أكون يور لوف فور إيفر أند يور هوزبنط :)
يا سلااااااااااااااااااااااام

عينيف فيلم رصيف نمرة خمسة :)

شمس النهار يقول...

ياصباااااااااح الرومانسية

صباحك جميل

ازيك عاملة ايه ياجميلة

وحشتيني

بوست جميل

سلامي

sony2000 يقول...

يصباح النووووووووووور
يااااااااااااعيني
بجد احلي احساس فالوجود
هو في رجاله رومانسيه كدا لحد دلوقتي
ههههههههههه
الرومانسيه دي ففكرنا وبس
تقبلي مروري وتحياتي

موناليزا يقول...

حلوة:)
رومانسية راقية

الجواز و سنينه يقول...

كلمات من نور

طبعا ادرك شهرزاد الصباح
ما انتى عارفه انه كان بالليل جدا
(:
تخيلى واحده صحبتى قالتلى انه شبه قصيده كلمات برضوا
رغم انها و الله ماكانتش فى ببالى
تشابه احلام بقى

انتى وحشتينى كتير على ميعاد بقى
ما تتأخريش

الجواز و سنينه يقول...

norahaty

المهم اننا لما نصحى من الحلم نقول خير اللهم اجعله خير
و ربنا يحقق للناس كلها احلامها
نورتينى يا جميله

الجواز و سنينه يقول...

dr.lecter

نحم ؟ (:

الجواز و سنينه يقول...

ندى الياسمين

تصدقى احساسك العالى وصلنى اوى
و كونك انك تشوفى الرقصه حياه كامله و انه الانسان المناسب فى الوقت المناسب
احساس عالى منك اوى
الاحلى انك فهمتى انا عايزه اقول ايه لما قلت انه مش هايوقعها
فعلا الواحده محتاجه حد تكون متأكده ان اللى معاها مش هايوقعها بكل معنى الكلمه

الجواز و سنينه يقول...

Wanda

الرقص فى الحلم خير و دنيا (:::::
يا وندتى انتى كل اسئلتك تحفه يا قمر
و بعدين لو انا ما استحملتكيش مين اللى هايستحملك احنا ستر و غطا على بعضينا
حضرتك انا لما ارقص على الربلاط و اعرف الفرق بينه و بين رقص الرمله هابقى اقولك
هههههههههههههههههههههه
بصى مش كل الشواطئ رمله شارم مثلا الشط فيها مش رمله
هيه حاجه كده عمله زى الظلط الصغير بس مقرف
الرمله برقابته
ههههههههههه
مشيها انهم كانوا فى شارم
بس سيبك انتى كل الناس داخله فى حته و انتى معلقه فى حته تانيه خالص

الجواز و سنينه يقول...

صيدلانيه طالعه نازله

نعمل ايه بقى يا بنتى
اصله طبع نعمل فيه ايه
المهم انى ما حلمتش الحلم لوحدى
و يارب كل واحده حلمت حلو يتحقق زى ما هيه عايزه

الجواز و سنينه يقول...

emymony

الله يخليكى من زوقك و الله يا قمر
و يارب الشباب يكون حلمهم جميل زينا
ربنا يسعد الجميع
نورتينى يا قمر

الجواز و سنينه يقول...

ستيتة حسب الله الحمش


طبعا يا ستوته احنا اجمل الكأنات
و اللى احلى مننا يورينا
(:
بس كله إلا محسن و لا قاعده الرجل و نص بتاعه محسن و الاهم من محسن ذات نفسه الخاتم اللى فى ايد محسن
و لا رقص على الرمل و لا على البلاط المهم ساعتها الخاتم طبعا
ابو فص يجنن ده
ساعتها لو قالها الكلمتين العنجليزى دول مش هاركز فيهم اصلا
و هاتقوله
ثانك يو
الفيلم ده عنيف عنيف يا ستيته
حتى الدم طرطش من كتر العنف

mony يقول...

ايه الحلاوه دى
يارب كل احلامنا تتحقق
فى الرقصه وما بعدالرقصه

الجواز و سنينه يقول...

شمس النهار


ازيك يا احلى شموسه
و الله وحشتينى كتير و زى ما قلتلك و الله لما بتغيبى بفتقدك جدا
بسس سيبك انتى مش حلو صباح الرومانسيه ده
اهه احلى من النكد حبه فوق و حبه فوق برضوا
(:
انا تمام الحمد لله و يارب تكونى بخير
وحشتينى كتير و يارب ان شاء الله اشوفك على خير
تحياتى

الجواز و سنينه يقول...

sony2000 يقول...
يصباح النووووووووووور
يااااااااااااعيني
بجد احلي احساس فالوجود
هو في رجاله رومانسيه كدا لحد دلوقتي
ههههههههههه
الرومانسيه دي ففكرنا وبس
تقبلي مروري وتحياتي


يا صباح الفل يا قمر
الحمد لله ان الاحساس عجبك
كون بقى ان مافيش رجاله رومانسيه كده فعلى الاقل يبقى عيشنا الحلم

(:
نورتينى بجد يا جميل

الجواز و سنينه يقول...

موناليزا

تسلميلى يارب و نورتينى

الجواز و سنينه يقول...

mony

الله يخليكى يا عسل
يارب كل احلامنا تتحقق يارب
اى خدمه يا سكر و يارب تكون عجبتك

لاسع افندى يقول...

ويبقى الحلم
مهما اختلفت الاجيال

تحياتى

Lady E يقول...

البوست ده عايز معاه كمنجات

ايييييييه رجعتيني لزمن الرومانسية الجميل :)

esraa يقول...

:)
حلوه اوي

أبو حميد يقول...

يا سلاااااااااااااام على الرومانسية
رااااااااااائعة
.
.
بس هو ماجابلهاش ورد؟!!

سمع هوص (Abo 3li) يقول...

تخيلي لو الحلم ده رجولي...
كان الراجل هيحلم انه لقي شقة رخيصة.. وعرف يتجوز ويجيب العفش... ده طبعا بعد ملقي شغل...
ده غير انه بيحلم انابيب البوتجاز تجيلو دلفري وعليها رغفين عيش هدية...

عكننت عليكي انا كده.. وبوظتلك الحلم
سمحيني...

أحــوال الهـوي يقول...

مشهد رومانسي
توفرت فيه كل شروط الجاذبيه و كل مقومات السحر و الجمال

كلماتك جعلتني اتعايش مع هذه اللحظه و اكاد اتمني ان اكون احد هذه الشخصيات


طبعا دور الغامض


تحياتي

الجواز و سنينه يقول...

لاسع افندى

صدق يا لاسع باشا
انا مانتش واخده بالى ان الحلم ده من ايام سندريلا
(:
فعلا طلع حلم قديم و بتييجى على اجيال و اجيال
نورتنى يا فندم و شكرا على الاضافه

الجواز و سنينه يقول...

Lady E

تصدقى اه كان عايز كمنجات
انتى جبتى الحته الناقصه
هههههههههههههههههههههههه

الحمد لله انى رجعتك لحاجه حلوه
نورتينى يا قمر
ابقى تعالى كل شويه و انا ارجعك

الجواز و سنينه يقول...

esraa


الله يخليكى يا قمر
اى خدمه

الجواز و سنينه يقول...

أبو حميد


تخيل ماجابلهاش ورد
يمكن الحلم الجاى
(:
اتبسط ان الرومانسيه عجبتك حتى لو من غير ورد

الجواز و سنينه يقول...

سمع هوص (Abo 3li)
لو تخيلت الحلم رجولى هايطلع بايخ
هههههههههههههههههههههههههه
مش بحس الرجاله ليهم فى الرومانسه
ليه فى الحاجت اللى انت قلتها
هيه اه هيه المهم و هيه اللى تأكل عيش و تعيش صح و من غيرها و لا هايرقصوا ولا حاجه
بس لو فكرنا فيها كده
مش هانحلم الحلم ده

الجواز و سنينه يقول...

أحــوال الهـوي

ماذا اقول بعد كل الذى قيل و يقال
احرجنى ثنائك على الموضوع
يارب تكون دى الحقيقه و مش مجامله
و لو حد جه يشترى منى الجزء ده
هاقولهم انا عندى اللى يعمل دور البطل هذا الرجل الغامض
نورتنى

شمس النهار يقول...

جاية اقول لك كل سنة وانتي طيبة
واجمل ام

سلامي

momken يقول...

جميل اوى

بوست رائع وغالبا حلم بيراود اغلب البنات


لكن تفتكرى لو ولد راح فعلا لوحده وقلها كده

مش ممكن تقوله انجر من قدامى لحسن انسر السابوة على دماغ؟؟؟

مع ان هى كمان نفسها!!! بس بتدعى عدم الرغبه


الستات كائنات جميله
لكنها غريبه


البوست بتاعك جميل اوى


تسلم ايدك


تحياتى

micheal يقول...

كلام البوست بسيط وده شيء متميز في حد ذاته
celebrate the dream
:)
تحياتي

المفروس المتحزلق يقول...

فاروق بن النيل ...
الجواز وسنينه قطع فعلا.....
فيه واحد يسمع الكلام الحلو والشاعرية دى بعد الزواج دا لو سمعها قبله يبقى كويس farouksam.blogspot.com