الاثنين، 15 يونيو، 2009

اعلان لوكس و عيد ميلادى انا و صيدلانيه

يوم 1/6 كان عيد ميلاد احلى صيدلانيه على البوجر
و يوم 14/6 كان عيد ميلادى انا
و احلى مفجأه
ان صيدلانيه صاحبه مدونه صيدلانيه طالعه نازله
كلتنى مرتين
اول مره رغينا و قفلنا و لاقتها بتتصل تانى
بصراحه اتخضيت ايه ياترى فيه ايه
رديت لاقيتها بتقولى كل سنه و انتى طيبه
فرحت جدااااااااااااااااا انها افتكرت عيد ميلادى
قولتلها عرفتى منين قالتى انى كنت قلتلها لما كانت بتعزينى فى حماتى
مش بقولكم بنت آخر مجدعه و زوق
بتقولى عملتى ايه فى عيد ميلادك قلتلها كنت بتفرج على اعلان لوكس
و الاعلان عباره عن واحده بتتيجى من بره
تلاقى جوزها و بنتها مستنينها
و تلاقيه عاملها عشا و ورد و حاجات كده تحفه
اووووووووووم انا ايه بصيت للباشمهندس بصه شذرا من النوع الشرير
فا ياحرام بيقولى ايه مالك
قولتله اكيد عيد ميلادها النهارده
ههههههههههههههههههههههههههههههه
ياحرام صعب عليه علشان هو مش مقصر بس انا اللى شريره
تفتكروا لو كنت جبت لوكس كنت هالاقى الورد و العشا
حكتلها و قعدنا نضحك
انا و هيه على فكره عملنا مدونتنا فى وقت قريب جدا من بعض يمكن مسأله ايام
مش عارفه مين قبل التانى
شوفت المدونه بتاعتها عند مدونه عايزه اتجوز
و سبحان الله كانت من اوائل الناس اللى اتعرفت عليها و اتعلقت بيها
يمكن علشان جوزاء زيى و كمان من اسيوط يعنى بلديات حاجات كتير بتجمعنى بيها ماكوناش نعرفها
إلا لما حكينا كتير مع بعض
بقولها كل سنه و انتى طيبه
و حكى يا قطه على عيد ميلادك مش هاحكى انا بلاش تسييح
هههههههههههههههههههه ضحكه شريره برضوا

هناك 42 تعليقًا:

صيدلانيه طالعه نازله يقول...

مش عارفه اقول ايه بس اللى انا حاسه بيه انك اختى و بحبك قوى لانك اول واحده شرفتنى و دورت عليا عشان نتعرف؟؟؟؟
مش عارفه بس احنا علاقتنا بقت قويه قوى مع اننا بعدنا عن بعض فتره بس كانت الصداقه موجوده
ميرسى ليكى يا قمر
صحيح انى برضه اتضحك عليا و معملتش حفله السنه دى عشان جوزى كان مسافر
و قضيتها رز باللبن بالايس كريم فى اسكندريه
مبسوطه ؟ ادينى سيحت لنفسى
بس دى اول مره افرح فعلا بعيد ميلادى
لانى اول مره اقضيه مع ماما من زمااااااااااان و كمان اول مره حد يهنينى من المدونات
بوسه كبيره و حضن ليكى يا دودى و ربنا يخليكى ليا

dr.lecter يقول...

اشته زي الفل والله كل سنه وانتم طيبين

Sweet Violet يقول...

كل سنة و انتم طيبين

ادام الله عليكم صداقتكم ^_^

عاشقه الرومانسيه يقول...

ربنا يخليكم لبعض
وكل سنه وانتى وهى بخير
النهارده كممان انا عندى عيد ميلاد
عيد ميلاد حبيبى
ومش هاخليه يشترى لوكس
(:
لانى هاعمله عيد ميلاده من غير حتى ماهو يعرف
مفااااااااااجأه يعنى

كل سنه وكل المواليد بتاع الشهر بخير ياااااااارب

esraa يقول...

كل سنة وانتم الاتنين طيبين
ويارب عقبال 100 مليون سنة
:)

جريدة الصباح العربي يقول...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

E73 يقول...

مبارك ومليار كل سنة وانتم طيبات

حاجة لذيذة جدا انك تتفاعلي مع صديقة جديدة لحد ما تصبح انتيم

والاحلى انكم تفضلوا على اتصال

ايام ميلاد مباركة باذن الله

وربنا يديم عليكم الحب والمودة والصداقة الخيرة

لاسع افندى يقول...

كل سنه وانتى وهى طيبين


تحياتى

Appy يقول...

كل سنه وانتم طيبين انتم الاتنين يا رب وبخير

كيــــــــــــارا يقول...

كل سنه وانتم الاتنين طيبييييييييييييييييييييييييييين

وربنا يبارك فيكم

blue-wave يقول...

كل سنه وانتوا طيبين
يا بلدياااااااااااااااااااااتى
وتحيا جمهورية اسيوط المتحدة ( ايوا اتحاد ديروط والقوصيه ومنفلوط والبدارى وساحل سليم وابو تيج وساحل سليم)
هههههههههههههههههههههههههه

MaNoOoSh يقول...

ازيك يا قمر

كل سنة وانتوا الاتنين بكل صحة وسعادة
ويارب اصحاب دايما في كل خير


(والبقاء لله فى حماتك.. سوري يا قمر انا نسيت اعزيكي المرة اللي فاتت)

micheal يقول...

كل سنة وأنتوا طيبين وربنا يديم المحلة والصداقة ما بينكوا علي طول
تحياتي

انا ودماغي يقول...

كل سنة و انتم طيبين...وربنا يجعلكم كدة دايما










و تانى مرة ابقى هاتى لوكس

Bondok يقول...

كل سنة و انت طيبة
بصي اكتر حاجه عجبتني في القصه دي انك اول واحدة تعترف بان جوزها مش مقصرو بيساعدها
ههههههه
ربنا يكرمكم

mohamed ghalia يقول...

لسه مخلص إمتحانات وقولت أجى اسلم

من غير عنـــوان يقول...

كل سنه وإنتم بسعاده

بسنت صلاح الدين يقول...

كل سنه وانتوا الاتنين طيبين،عندك حق يا اختى والله الاعلانات دى تجيب نقطه،و الحق عليكى برضه مش تجيبى لوكس هههههههه،مدونتك هايله اوى

HAPPY يقول...

كل سنه وانتوا طيبين ومتحابين اكتر واكتر ان شاء الله

rovy يقول...

كل سنه و انتى طيبه يا قمر و عقبال 1000سنه ..
و كل سنه و صيدلانيه بخير و ربنا يديم صداقتكم الجميله و يخليكم لبعض حبيبتى

دمتم بكل الخير و السعاده

ارق تحياتى

الجواز و سنينه يقول...

صيدلانيه طالعه نازله

القلوب عند بعضها طبعا يا جميل
و ربنا عالم انتى غاليه عليه ازاى
الفتره اللى بعدنا فيها كنت جبت فيها روشان من عند ماما و كانت هيصه بالنسبالى و كنت مغيبه عن الدنيا تقريا
الف هنا و شفا الرز بالبن
و غلتطنا اننا مش جبنا لوكس
امووووووووه يا قمر
و كل سنه و انتى طيبه

الجواز و سنينه يقول...

دكتور لاكتر
و انت طيب يا دوك
نورت لبلوج

الجواز و سنينه يقول...

سويت فيوليت
و انتى طيبه يا قمر
ما اتحرمش مع دعواتك الجميله

الجواز و سنينه يقول...

عاشقه الرومانسيه
و انتى طيبه يا قمر
و حلوه اوى انك فكرتى تعمليله عيد ميلاد
مش لازم يجيب لوكس
بس انتى هاتى
طلع بينفع
ههههههههههههههههه

الجواز و سنينه يقول...

اسراء
ازيك يا قمر
وحشتينى و مرسى على الكلام الحلو

شمس النهار يقول...

كل سنه وانت وهي طيبين وربنا يديم عليكم الصداقه الحلوه دي
انا كمان في شهر 6
شهر 6 ده شهر الناس الطيبه المخلصه

الجواز و سنينه يقول...

E73
انتى زى السكر
و بجد جميله اوى من جوه
ربنا يخليكى ليه و مايحرمنيش من لناس الحلوه اللى زيك

الجواز و سنينه يقول...

لاسع افندى
و انت طيب يا باشا

الجواز و سنينه يقول...

ابى
و انتى طيبه يا قمر

الجواز و سنينه يقول...

كيارا
و انتى طيبه يا قمر
ما اتحرمش منك يا سكر

الجواز و سنينه يقول...

بلو ويف
انا قلت برضوا الدماغ دى لازم تكون اسيوط
احلى تحيه لكل الاسيوطيه
و اللى يحبنا ما يضربش نار

الجواز و سنينه يقول...

مانوش
حبيبتى يا قمر
و انتى طيبه يا مانوش يا جميل
ربنا يخليكى ليه و مرسى لذوقك و مواساتك ليه
اموووووووووه

الجواز و سنينه يقول...

ميشيل
و انت طيب و نورت البلوجر

الجواز و سنينه يقول...

انا و دماغى
و انتى طيبه يا سكر
و اكيد مش هانسى اجيب لوكس و بالموليف و دوف و كل حاجه
المهم النتيجه

الجواز و سنينه يقول...

بندق
هههههههههه
ياراجل اللى بيشكروا فى اجوزاهم كتير
بس اللى بيشكروا فى زوجاتهم قليلين
هههههههههههههههههه

الجواز و سنينه يقول...

محمد جلال حمدله على السلامه

الجواز و سنينه يقول...

بسنت صلاح الدين
هههههههههههههههه
فعلا غلتطى انى ما جبتش لوكس
بس ملحوقه
ده حتى طلب رز عملتله رز طلب مكرونه برضوا عملت مكرونه
بس ماقالش لوكس
ههههههههههههه
انتى زى العسل

الجواز و سنينه يقول...

من غير عنوان
و حضرتك طيب

الجواز و سنينه يقول...

هابى
و انتى طيبه يا حبيبتى
و ربنا يخليكى ليه

الجواز و سنينه يقول...

روفى
و انتى طيبه يا جميل يا سكر
و ما يحرمنش من سؤالك ابدا
شكرا لاتصالك يا قمر
اموووووووووه

الجواز و سنينه يقول...

شمس النهار
كل سنه و انتى طيبه
و طبعا كل شهر 6 مميزين
كفايه انك منهم
تحياتى

مياسي يقول...

عيد ميلاد سعيد الك ولصاحبتك كمان ما احنا خلاص جوزاء زي بعض:) ولازم نتحد سوا

اسفه عالتأخير البركه في الماستر والنت اللي صاير يجي بس في المناسبات واليوم كارمنا بطلته البهيه

تحياتي الك يا جوزاء:)