الأربعاء، 14 أبريل، 2010

علشان تعرفوهم اوعوا تشجعوهم




الناس القدام دول عمرهم ما قالوا كلام و طلع غلط
و اكيد كتير مننا عنده اقواله المأثوره
اللى ممكن تكون أثرت فى شخصيته
او بيطبقها فى حياته
انا ليه كتير اقوال مأثوره بحبها الصراحه
بس دلوقت فى بالى مقوله بتقول

قال أحد الحكماء لابنه : إذا أردت أن تصاحب رجلاً فأغضبه .. فإن أنصفك من نفسه فلا تدع صحبته . وإلا فاحذره

يمكن بقول فى الزمن ده صعب اوى اللى تلاقى حد ينصفك على نفسه
بس على الاقل مايكونش غضبه من النوع الطايش

بس اكيد لو لقيت اللى ينصفنى على نفسه مش ممكن اسيبه ابدا

و كمان حديث الرسول " آية المنافق ثلاث، إذا حدث كذب، وإذا وعد أخلف، وإذا اؤتمن خان"

و نفس الحديث بروايه عبد الله بن عمرو في الصحيحين أيضا فيه زيادة: "وإذا خاصم فجر، وإذا عاهد غدر، وإذا حدث كذب، وإذا وعد أخلف "

و دايما فى الغضب الناس بتبان على حقيقتها و بيبان معدنها

ساعتها بس بتعرف الناس دى تستاهل انك تعرفها و تأمن و انت معاهم

و لا تبعد عنهم و تشترى نفسك

و علشان حتى ما تتصدمش فى ناس فاكرهم انهم يستاهلوا انك حتى تضيع وقت من عمرك معاهم
مش كمان تتعلق بيهم و تزعل على عشره هو مش هايخاف عليها و لا هايعملها حساب

الناس دى اوعوا تشجعوهم زى ما بنعمل مع منتخبنا العظيم
و بالكيلوا متر ابعدوا عنهم
و ادينى عملت اللى عليه و ادتكم خلاصه خبراتى اللى ممكن اكون تعبت فيها
و عرفتكم ازاى تعرفوهم و اوعوا تشجعوهم

هناك 19 تعليقًا:

صيدلانيه طالعه نازله يقول...

اكيد انتى كلامك صح
و فى كمان مثل بيقول من امنك لم تخونه و لو كنت خاين

كتير بنغضب و بنزعل و بنغلط فى بعض
و نقول خلاص اخر خيط انقطع

بس تفتكرى بنكون متأكدين من ده

ربنا يغير و لا يتغير
و اصدقاء الامس اعداء اليوم
و اعداء اليوم هم اصدقاء الغد ان شاء الله

بس لو كانوا زى ما بتقولى
اكيد حاسمع نصيحتك و ابعد عنهم مش كيلو متر واحد
لاااااااااااا العمر كله

تحياتى

beautiful mind يقول...

السلام عليكم
دا اول لي تعليق لي في المدونه
وان شاء الله مش هيكون الاخير
بمناسبة كلامك عن الناس
انا فعلا اتخدعت في ناس كتير
لاني حكمت عليهم بمجرد النظر
فعلا اللي معاشرش الناس مش هيعرف دول كويسين ولا اي كلام
احيانا كتيرة الوشوش بتبقي خداعه
تحياتي

عاشقه الرومانسيه يقول...

هو فيه ايه؟
طيب مين بيروح فين؟
انا تُهت

لاسع افندى يقول...

الناس دى بقيت كتير اوى
ربك يصلح الحال


تحياتى

هي وظروفها يقول...

صباح الخير

اقولك انا كمان علي خبراتي مع الحياه والبش بما اننا جايين نتناقش

كتير قوي تشوفي ناس وتبهري بيهم ويقفوا معاكي سنين في حاجات تبان جامده وتدل علي صداقه

بس في وقت الجد اللي بجد بتلاقي تصرف ميعملوش معاكي واحد كافر ولا يهودي

وتلاقي ان عشره عمرك معاه كانت تمثل في تمثل وانه كان لابس قناع حمل لكنه ذئب بشري في صوره انسان

والله يا ست الكل واظنط عارفه مثل تعرف فلان اه عاشرته لأ تبقي متعرفوش دلوقتي تكملته عارشته بردو يبقي متعرفوش

انا شايف ان الواحد يعامل ربنا في الناس واللي يحصل يحصل والله طلعوا كويسين هيبقي حلو وجميل قلوا باصلهم يبقي ابتلاء
بس في الاول الواحد لما يختار صاحب يختاره علي اساس من الفكر المشترك والدين ومياصحبش لمجرد انه يصاحب والعدد في الليمون
وده مينفيش وجود ناس في حياتنا وبعد طول عمر وحسن عشره يفضلوا اقرب من الاهل ولكن هنا بتكلم عن الناس اللي بيطلعوا مش كويسين

وعلي فكره الناس دي مبتعرفش تمثل كتير واحنا لو ركزنا في اسلوبهم معانا او مع غيرنا اثناء العلاقه هنلاقي انهم مش تمام بس الحب اي حب للصديق للحبيب لأي حد لازم يبقي حب بدون تغييب العقل لان القلب اي قلب اسهل عضو في الانسان يخدعه ويخليه يحكم علي حاجات انها صح اتباعا للهوي ويحكم علي حاجاتصح انها غلك تبعا لارضاء الذات او بقاء صاحب او حبيب او قريب حتي يعرف ويعلم طريق الملذات االلي تخليه علطول جمبي ويوفرهالي لانه شايف فيا ضعف ناحيتها
طولت جدا بس موضوعك هو السبب تصبحي علي خير

أحــوال الهـوي يقول...

اوافقك الراي
و اعتقد ان الحكمة هي خلاصة تجارب الاخرين بعد فشل و نجاح
و في سيرة الرسول الكثير من هذه الحكم التي يجب ان نتبعها و نؤمن بها

فنعامل الناس بما نحب ان يعاملونا و ان نتبسم بوجه اخينا

تحياتي

sony2000 يقول...

و كمان حديث الرسول " آية المنافق ثلاث، إذا حدث كذب، وإذا وعد أخلف، وإذا اؤتمن خان"
عليه افضل الصلاه وازكي السلام
فعلا ..صدقت يارسول الله

كلمات من نور يقول...

مين زعلك يا شابة؟؟؟؟؟؟؟؟؟؟؟

فعلا صديقي من أهدى لي عيوبي و اللي يقف معايا ويهديني لطريقي ......وحشتيني

سمع هوص (Abo 3li) يقول...

يعني لو حبيت اختبرك دلوقتي انرفزك؟؟؟
بتهيألي الاصدقاء يستحملو بعض اوقات الغضب...
الاختبار الحقيقي اوقات الشدة مش الغضب...

ستيتة حسب الله الحمش يقول...

صباح الفل يا دودو

والله انا لي نفس رأي سمع هوص
حتى لو نرفزتك ها تتنرفزي
ولو شوشو دخل بينا ممكن تزعلي وتحاولي متشجعنيش
لكن بعد هدوء الأعصاب خالص
ممكن اللي اتنرفزوا
بعد شوية يفوقوا
وينصفوا بعضهم البعض
ويخزوا الشيطان
وإنما المؤمنون إخوه

rovy يقول...

أزيك يا قمر وحشااانى ..
كلامك صح جداا جداا ..

ربنا يبارك فيكى و فى أولادك حبيبتى ..

تحياتى

كلمات من نور يقول...

أسرة منتدى زبد البحر يسالونك شاكرين بأن تنضم إلينا :
http://mhg1962.ba7r.org/forum.htm

new-one يقول...

اكبر مصيبه انك تأمن لخاين
تحياتى

خواطر شابة يقول...

انا مع سمع هوص 100% "الاختبار الحقيقي اوقات الشدة مش الغضب"
عند الغضب ممكن ان نتفوه بما لانقصده اصلا لكن بعد ان نهدأ كل يراجع نفسه واكيد من كان صديقا حقيقيا سينصفك حتى من نفسه لكن بعد ان يهدأ لا قبل ذلك
دمت بود

yomna يقول...

دايما بحب اسمع كلامك يا حيااااااااااااه قلبي تسلملي نصايحك الحلوه دي
بصي يا دودا ... انا بيبقي كل زعلي مش علي الناس دي انا بزعل بس اني ببقي بعاملهم من قلبي اووووووووووي .. وابقي بحس اني مش بحبهم وبس . ده انا بحس اني بطلع قلبي بايدي وبديهلهم من كتر ما انا بحبهم .. وفجاه يطلعو وحشنين معايا بجد بحس ساعتها ان انا اكيد اللي بعمل حاجه غلط.. امي علطول تقولي الناس كلها بقت كده مش انتي لوحدك اللي بتشكتي .. يمكن انتي مش بتعرفي تداري عشان كده بتنرفزي بسرعه
بس خلاص انا اتعلمت ماسلمش اي حد يمنى من جواها بسرعه.. وما بقتش اسمع كلام اي حد انه يقولي انتي طيبه ولازم تبقي ملحله .. كل واحد وشخصيته وهوا حر فيها..معلش طولت عليكي يا قلبيييييييي وسلامي للكتاكيت مواااااااااه :-*

رنا عبد المنعم يقول...

إزيك يا دوددااااااا
عندي ليكي مفاجأتين .. أولا بقى عندي مدونه ... بس لسه تحت الإنشاء مش فيها إلا مقال واحد http://ranonaaa.blogspot.com/... ثانيا شوفي اللينك ده :)
http://www.moshaghbeen.com/vb
لاااااااااااازم تنوريني فمدونتي وتحطيلي ردك الكريم على المقاله الأولى يا أم البنات :)

walaa tulip rose يقول...

الله الله الللله

فعلا دي نصيحة غالية جدا جدا
لان حقيقي الغضب بيخرج الانسان عن شعوره ويبتعد تماما عن ضبط النفس
وبالتالي اذا قدر حد ينصفنا علي نفسه وهو غضبان يبقي حقيقي انسان يستاهل نكمل معاه ونقف جنبه بكل شيء

انما يا تري احنا نفسنا بنقدر ننصف حد علي نفسنا في وقت طبيعي او وقت غضبنا ؟؟

تحياتي لك يا قمر بوست جمييل جدا

FOrty يقول...

كلام جميل و صحيح و يمثل خلاصه تجارب حياتيه فالانسان عندما يغضب تقع كل اقنعة الالتجميل التى يضعها على وجهه و مشيها تجميل بلاش نستخدم كلمه تانيه و هنا فقط تظهر حقيقته و يمكن التعرف عليها و تقيمه و التعرف على شخصيته
تحياتى

Ghala2010 يقول...

الغضب من يمسكه اعتبرع بطل
يكفينا حديث الرسول اللهم صلي وسلم عليه لما ساله واحد قال اوصني قال لاتغضب وكررها 3 مرات
عن نفسي اغصب بسررعه وكثير اندم على اوقات الغضب
ومازلت احاول امسك نفسي كثير
ماقصرتي :)