الجمعة، 26 سبتمبر، 2008

الدين للشحاته بس

اولا كل سنه و انتوا كلكم طيبين
نخش فى الموضوع طبعا كلنا الحمد لله عزمنا و اتعزمنا و هلكنا فى رمضان و الحمد لله
و بما انى بشتغل فى البيت فى رمضان 18 ساعه اه و الله مش بفشر
من 12 ظهرا حتى 6 صباحا فكان لازم انى اطرى على نفسى بكام برنامج على كام مسلسل كده اسمعهم طبعا فى زحمه شغل البيت و العيال
المهم اتفرجت على برنامج كانوا مستضيفين فيه الشيخ سيد بتاع تفسير الاحلام و اكتشفت انه عضوا فى لجنه الافتاء و كمان كان الاول فى مش عارفه ايه
المهم طلع الراجل كفائه علميه بغض النظر عن تفسير الاحلام
المهم المذيعه و بالاشتراك مع كام واحد كده هاتك يا هجوووووم فزيع عليه اه و الله
مش بدافع عنه بس خدوا دى بقى
فجأه جه اعلانات مستشفى سرطان الاطفال
فجأه بقى الدين حلو و بنستشهد بيه علشان يكون كل اللى مش هايبعت فلوس فهو آثم
انا مش بقول الناس ما تدفعش للمستشفى
بس بقول ليه الناس بتستخدم الدين فى الشحاته و بس
و لما تييجى تكلمهم عن حجاب اوى اى حاجه من اصول الدين كل واحد يعمل فيها علامه زمانه
و الله انا سمعت فى الرنامج واحده بتكلم الشيخ سيد
و هيه اصلا مش محجبه و بتقلوا انت مش وصى على الدين و انها بتقرأ قرآن و فاهمه كل حاجه
و هو اللى حافظ القرآن جنبها و لا حاجه
كنت خلاص مفقوعه من كتر الغيظ و الحزن
يلا كل سنه و انتوا طيبين
و متم سالمين

هناك 18 تعليقًا:

رئيس جمهوريه نفسى يقول...

عادى ما هو دة المخرج بتاع كل واحد يتزنق فى امر من امور الدين انت مش وصى على الدين انا عارف الدين كويس وبقرى القران
وبينسو انى اللى بيقرى القران ومش بيعمل بية مصيبتة سودة ان شاء اللة
مل سنة وانتى طيبة وعيد سعيد عليكى ان شاء اللة

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

Beram ElMasry يقول...

الكريمة الفاضلة . الجواز و سنينه
اسعد الله صباح الجميع والسلام عليكم
شكرا للزيارة وربنا يهون الطوابير
عاودوا الزيارة وكل عام وانتم بخير

واحدة مفروسة يقول...

happy ka7k,nescafe',morning tea,croissant,brealfast,lunch,and dinner
happy 3eid

FreeKiller يقول...

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

FreeKiller يقول...

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

عاشقه الفردوس يقول...

هههههههههههههههههه
والله انتي عسسسسسل

انا قريت البوست ده وحودت علي تلات بوستات قبلهم كمان

دمك شربات اوي


ربنا يكرمك يارب
بالنسبه للناس
فالناس سبحان الله كل واحد بقي يطلع بفتوي شكل
كل الناس بتفتي وده سبب اللي احنا فيه


ربنا يرحمنا
لو كلنا ناخد دينا من علماء الدين والشيوخ كان انصلح حالنا


ربنا يكرمك يارب

واحد من البلد دى يقول...

السلام عليكم

برافو عليكى

موضوعك مهم جدا..

انا عايز اقولك إن فيه بعض المدونين من عينة الأخت اللى قالت للشيخ سيد الكلام ده..
المدونين دوول كل همهم إنهم ينتقضوا غيرهم(خصوصا من تتميز مواضيعهم بالنزعة الدينية أو الأخلاقية)
وكأنهم هم أوصياء على الفساد..
وكأن عالم التدوين أصبح للثرثرة و كتابة المذكرات و فضح من سترهم الله و الهجوم على البعض تحت إسم(غير معرف)وتصفية حسابات نتاج غيرة من أمر معين أو هجوم بأفظع و أدنى و أبذأ الألفاظ من شاب تركته خطيبته و هو يعلم أن لها مدونة فيدخل يعلق بمنتهى السخافة و عدم الإحترام...وهكذا و الأمثلة كثيرة..

فلا تجهدى نفسك و تكبدينها عناء الغضب من هذه النوعية التى أقل ماتوصف به أنها لا دين لها و لا خلق..

دمتى بكل خير

مشكورة زيارتك لى

mostafa rayan يقول...

انا شوفت الحلقة دي اللي كانت بتقدمها دينا رامزوكانت مستفزة قوي صراحة وفي الأخر الدكتور اللي معاها طلعه هريض نفسي بس العيب الأساسي مش في البرنامج لكن في الشيخ اللي قبل يطلع مع الناس دي كانيقدر يعتذر لكن بصراحة هناك الكثير ممن يتحدثون في الدين مصابون بمرض حب الظهور
-عيد سعيد عليكي

Wael يقول...

كل سنه وحضرتك طيبه اولا وربنا يكون ف عونك

والله انا شايف ان المشكلة مش فى ان " مفيش وصى على الدين " لان فعلا " مفيش وصى على الدين " , انما الراجل شغال على قناة والناس متابعاه , فببساطه اللى مش عاجبه يحول القناة ويريح دماغه انما مايحاولش يشكك ف راجل على الهوا كده بطريقة بدائية جدا .
على اى حال انا قاطعت الجرايد من فترة , وةالظاهر هاقاطع التلفزيون كمان عشان البرج اللى فاضل ف نافوخى يقعد . وربنا يصلح الاحوال

keep posting (:

Beram ElMasry يقول...

السلام عليكم ورحمة الله
يرى الاخ الكريم الدكتور/ توكل مسعود ، صاحب المدونة
http://belawa6an.blogspot.com/
انطلافا من فلب طاهر ونفس صافية واعتمادا على ثقافته الواسعة ، يرى تغير اسم مدونتى
http://elmedahwel.blogspot.com/
المدهول ، غيرة منه على اسماء اخوانه فى مقال رائع ، ارجو مشاركته فى تجربته الرائدة ، واختيار اسم جديد
والسلام

علاء سالم يقول...

السلام عليكم

موضوعك جميل و ملحوظتك صحيحه
فعلاً بقت حاجه تحرق الدم
بياخدوا من الدين اللي يعجبهم ويسيبوا اللي مايعجبهمش

ربنا يهديهم أو يهدهم

esraa يقول...

فعلا المشكله ان كل واحد بياخد من الدين اللي هو عايزه واللي ماشي مع مزاجه وبس

مفيش حد مش بيغلط, بس المفروض اننا لما نغلط نعترف علي الاقل ان اللي عملناه غلط

مش نبقي عارفين انه غلط ونقول انه صح عشان نقاوح وخلاص

M.K يقول...

السلام عليكم...
بالطبع الكل ضد استخدام الدين لأغراض شخصيه...
ولاكن بالنسبه لمستشفى الأطفال فاني ارغب ان افكر بها من منظور ان ذكر فان الذكرى تنفع المسلمين..
...............
وبالطبع هنالك الكثيرين من يتاجرون بالدين...
والكثير من يتفلسفون ببعض المعلومات التي حفظوها عن الدين...
..........
دمتي بخير

soly88 يقول...

بصراحه انا لا استسيغ الشيخ بتاع تفسير الاحلام وهو واخدها سبوبهلجمع الاموال
اما عن الدين والتدين فكل واحد ادرى بحاله والله اعلم منا جميعا بمن اتقى فلا داعى اننا نحكم على الناس

rovy يقول...

السلام عليكم

اختى الكريمه حاولت الدخول على تعليقات البوست الاخير عندك فلم استطع و واضح ان فيه مشكله مش بس معاكى لكن بما انى قدرت ادخل هنا احيكى على هذا البوست و ايضا اعلق على بوست امسك مناخيرك و اقولك اكيد عندك حق ياريت كلنا نمسك مناخيرنا و لسانا ..

دمتى بكل خير
تحياتى

runescape account يقول...

I like your blog

splendid يقول...

vuitton handbags
louis vuitton
hermes
hermes kelly bag
hermes bags