الأربعاء، 2 يوليو، 2008

عوووووو يا ناس

اولا و قبل كل شيئ احب اقولكم ان الموضوع ده حصل فعلا مش تأليف يعنى
احنا اخدنا شقه جديده
و ببساطه كان لازم تتنضف
اخدت البنت الشغاله و رحت انضفها
لغايه كده عادى
و هيه كانت بتمسح و انا كنت بجيب الميه اللى بتسمح بيها
كنت فاتحه الماتور علشان الميه كانت ضعيفه
و طلعت و رجعت لقيت الماتور مطفى
قلت يمكن انا طفيته و انا مش واخده بالى
بس بقى بدأت ألاحظ
ساعتها ولعته و سبته مولع
و لتانى مره لقيته اطفى
مش هاقولكم احساسى كان ايه بقى ساعتها
بس لغايه اللحظه دى كنت بكدب نفسى برضوا
فجأه لقيت نور المطبخ كان مولع و اتطفى
هاتقولولى جايز البنت هيه اللى عملت كده
لاء لانها كانت فى حته تانيه خالص بعيد عن المكان ده
رحت مخلصه الشقه بسرعه اى كلام
و مشيت بسرعه و انا بفتكر هنيدى و هو بيقول بنتى يا مولانا راكبها جووست
بس بجد كنت مرعوبه
تجربه شخصيه
و دمتم سالمين بدون اى جوست يارب

هناك 18 تعليقًا:

دكتور بهــدوء يقول...

اللهم احفظنا انا جتتي مش خااااالصه
ربنا يستررررررررررر
ماتور ونور دا شكله كهربائي
اهو الشغل مش عيب
بس الشغل ف الازرق مرررررعب

واحدة مفروسة يقول...

مبروك عليكي العتبة الجديدية يا شابة
بخري يا اختي ..و اقري فيها قرآن
و امسحيها بورق السدر
واقري فيها آية الكرسي 21 مرة
ههههههههههههههههههههه

لأ لما التحميل بيكون كتير على الكهربا الزرار بتاع التشغيل بيقفل لوحده
خصوصا ان الموتور قوي
بس يعني حاجه علميه
مش عفاريتيه

ربنا يجعل كلامنا خفيف عليهم
اخرج بسرعة لا يكونوا لزقوا فى هدومك و جم معااكي
سلااااااااااااااااام

بطوط حبوب يقول...

سيبى الشقه هو العمر بعزقه

Miss. Sosa يقول...

هو انا حظى وحش كدا ليه
يعني ماجيش اقرأ المدونة ديه الا بليل والاقى جوست قصدي بوست معفرت مستنيي
ربنا يسامحك مش هعرف انام النهاردة وانا خيالي وحش .. خيال ثري دي ربنا مايوريكي زيه


المهم مبروك ع الشقة الجديدة واقرأي فيها سورة البقرة وربنا هيكرمك ان شاء الله

صيدلانيه طالعه نازله يقول...

مبروك على الشقه اولا
ثانيا يا اختى ابقى ادخلى برجلك اليمين و بخرى بعين العفريت و زر مستكه عشان العكوسات يا حبيبتى

Esraa Hamed يقول...

هههههههههههههه
حسة انه حد بيعمل فيكي مقلب
ابقي اتأكدي المرة الجاية

FaceMoon يقول...

جمدى قلبك ولا يهمك
وبعدين هو فيه عفاريت فى مصر دلوقتى كلهم طفشوا راحوا بلد تانية عشان هما اصلا عفرتوا البلد وخلصوا شغلهم كلة وسلموا مصر لوكس على المفتاح
تحياتى

Ghada & Rofayda يقول...

شغلي فيها وقرآن ولا يهمك....
عن تجربه احنا بيتنا القديم كان بيحصل اكتر من كده بكتيييييييير ...وكنت بنام فيه لوحدي وقفله النور عاااااادي خااااالص

النافع والضار هما الله....والحافظ هو الله

مبروووووك الشقه الجديده...

تحيااااااتي

Darsh يقول...

ههههههههههههههه

ايه المشكلة في العفاريت يعني

يا لهويييييييي

ده انا ياما عدوا من جنبي لما بصحى أذاكر بالليل و لا حاجة

و لا لما بيقعدوا الرخميين يلعبوا في النور بره

و المشكلة الاساسية اني لما أحب أذاكر ما بحبش حد يزعجني .... مفيش حد يعطس جنبي .... أصحى بالليل علشان البيت بيبقى هادي ... ألاقي المعفنيين قاعدين يتوشوشوا في الصالة و لا المطبخ ... حتى مش مخلييني اعرف اذاكر

عااااااااااادي

كل حاجة ممكن تتحل بالتفاوض

oRiGiNaL HeArT يقول...

ههههههههه
احساس مثير
هو دة الكلام ولا بلاش
الواحد بردة بيحب الاثارة
بس بعيد عن العفرييييييييييت :(
********
احتمال تكون الكهربة بتاعة الشقة مش متظبطة

الجواز و سنينه يقول...

دكتور بهدوء
حلوه اوى حكايه كهربائى
تفتكر ممكن يكون كهربائى فعلا ؟؟؟
بس هو اشتغل معايا مش فى الازرق بس ده ورانى كل الالوان
اهئ اهئ اهئ

الجواز و سنينه يقول...

واحده مفروسه
بصى انا حاولت اجيب كل الاجوبه المنطقيه للموضوع بس ما لقتش برضوا
عامتا انا بخرت و عملت الازم
و مافيش حاجه فى الهدوم
اشتاتا اشتوت

الجواز و سنينه يقول...

بطوط حبوب
هو العمر مش بعزقه لكن الشقه مش ببلاش

سبهللة يقول...

عادى جدا اللى انتى بتقوليه دة
مكان كان مهجور تفتكرى ايه اللى ممكن يسكنه
اهم حاجة انك تشغلى القران فى الشقة وتعقدر تسمعيه لانك لما تشغليه وتخرجى يجيى الجن يملا الشقة عشان يسمعه

واعملى زى ما مفروسة قالت لك

Esraa Hamed يقول...

في انتظار جديدك

د/اجدع بنوته يقول...

هههههههههههههههههه

ايه الرعب ده

ياشيخه ما جوست الا بنى ادم

FreeKiller يقول...

ما يمكن النور هو اللي بيلعب
و على رأي ماريا
إلعب إلعب إلعب

BOOOOOOOOOOCY يقول...

اوعى تزعليهم واتصاحبي عليهم ماحدش لاقى شقق فى الزمن دة
لكن العفاريت كتييييييير