الاثنين، 11 فبراير 2008

بسم الله نبدأ

مش عارفه ليه فجأه طق فى مخى انى اعمل مدونه
و على رأى احمد فؤاد نجم روكنه ليه
كتير بيكون فى نفسى انى اكتب حاجه
و حتى لو علق عليها واحد
و اهتم بيها اكيد هاكون مبسوطه
فجأه و بدون سابق انذار حتى مش عارفه انام من غير ما اقول للناس تعالوا بينا نحكى مع بعضينا
و عارفين اكتر حاجه خايفه منها ايه
انى اكون بأذن فى مالطه
و المشكله الاكبر و المحبطه انى ما الاقيش حد يدخل يرد عليه
بس يمكن ساتها هاكون مبسوطه برضوا
لانى لقيه مساحه اتكلم فيها مع نفسى و براحتى
مش هاطول كتير بس الحمد لله انى هنـــــــــــــــــــــــــــــــــــا فى روكنتى لوحدى


هناك 8 تعليقات:

غير معرف يقول...

مش لوحدك في الركن

أراقبك من بعيد

وبما اني أول واحده أبدأ

وبرجلي اليمين أدخل

ممكن تقولي

إني بشاره

LOST يقول...

معاك حق، كفايه ان الواحد بس يحس انه بيفضفض حتى لو مفيش حد قرا كلامنا..
بس احنا هنا :)

Wael يقول...

مبرووك علينا مدونتك
وان شاء الله الى الامام دائما

ومتهتميش اوى بالتعليقات
لان الاصل فى المدونة انها مساحة شخصية
والتعليقات ده شئ استثنائى غالبا لما تكون التدوينة بتحتوى على اراء غريبة بعض الشئ
بس المدونة لطيفة جدا
بالتوفيـــــــق دائما

امواج يقول...

احساس جميل فعلا انك تلاقى مكان تكتبى فيه وتتكلمى فيه

بس اكيد محبط انك تفضلى تكلمى نفسك
مدونتك جميله فعلا وربنا يوفقك

الجواز و سنينه يقول...

غير معروف و هاجر و وائل و امواج
نورتونى بجد و شكرا لكل كلامكم الذى عنى لى الكثير

mostafa rayan يقول...

/بصي حوار التعليقات دةماتخلوش في دماغك ولا تخليه يحبطك اصلك يعني هتعملي ايه هتشحتي الناس علشان يدخلوا ويعلقوا لا كل واحد براحته لكن بجد المفروض اننا كمدونين نشجع بعض وندخل عند بعض ونقول ارأنا وتعليقاتنا لكن للأسف كتير مش بيهتم غير بنفسه بس ومش بيحاول يدخل عند الناس اللي دخلوا عنده
ماعلينا هنعمل ايه بقى
تحياتي ليكي

طهقان يقول...

مع انها متاخرة شوية
انما مبرووك
تتربى في عزك

Rannon يقول...

أنا اول مرة آجي هنا
بس المدونة شدتني