يا صباح الفل يا احلى مدونين فى الدنيا
النهارده انا عندى مناسبه خاصه جدا
النهارده عيد ميلاد احلى بنتين
مــــــــــــــيار هانم و روشــــــــــــــان هانم
كان نفسى اصورهم زى السنه اللى فاتت
راجع الكتاب ص
خـــــــــــــــــراشوف
(:
بس موش لحقت بس ان شاء الله هاصورهم و ابقى احط صور اجمل بنتين فى الدنيا
مين يشهد للعروسه بقى
نفسى اشوفكم احلى عروستين فى الدنيا
مع ناس تقدركم و تحترمكم
اصلى تعبت فيهم و الله (:
اه ساعات بتاخدنى الجلاله و اقول مين ده اللى يستاهل القمرتين دول
و ده احساس اى ام عادى يعنى انا مش حاجه غريبه علشان محدش يتريق
نفسى تعرفوا انى نفسى ادخل الجنه بتربيتى ليكم
و نفسى اشوفكم كما يحب الله و رسوله
و نفسى تعرفوا انكم ما تطلعتوش بالساهل
مش هاقولكم احساس تربيه التوأم ايه
حاجه آخر حلاوه و الله
مش عارفه انا بقولكم كل سنه و انتوا طيبيين و لا بسيحلكم فى المنطقه
علشان انتوا فى نفس ذات اللحظه جايبيين كل مخدات الشقه و حاطنهالى فى الارض
حاجه اخيره و مره من نفسى بقى
زوجى الغالى
فى عيد ميلاد بناتنا
ربنا يخليك ليهم و ليه
و ربنا يحفظك من كل شر
هيصه رسايل خاصه جدا
بس مسيرهم لما يكبروا اوريهالهم و يمكن تعجبهم
اخيرا شكر خاص ل كلمات من نور على تصحيح صوره البوست اللى فات
هناك 22 تعليقًا:
كل سنة و بناتك القمرات طيبيين
وربنا يباركلك فيهم وتشوفيهم أحسن الناس
وربنا يخليلهم بباهم ومامتهم
ربنا يخليهملك ويتربوا فى عزكم
ويارب ربنا يكرمك بالجنة
ويفرحك بيهم وتشيلى ولادهم
كل سنه و انتوا كلكم طيبين
و فرحانين دايما و مبسوطين
فعلا يا حبيبتى تربيه الاطفال مش بالساهل فما بالك لو توأم
ربنا يخليكى ليهم انتى و باباهم يارب
البوسه دى ليهم و الكبيره ليكى يا حبيبتى
عيد ميلاد سعيد
تحياتى
يا حبيبتى ربنا يبارك فى اجمل وردتين وارق ملايكة الارض
ربنا يحفظهم ويبارك فى اعمارهم ويبارك فى اعماركوا ليهم
وميحرمكوش من بعض ابدا ابدا
انا فاكره بوست خراشوف ده وكان فيه صوره فيها برائتهم الجميله
ربنا يبارك فيهم وكل سنه وسنيين عمرهم فى افضل واسعد حال
الله الله عالرسايل الجميلة دي ..حتى أنا لي رسالة؟ واسمي مكتوب؟؟؟
ربي يبارك فيكي يا فتاتي ويبارك في عمرك ويخليكي لبناتك الحلوين وزي ما اتفقنا أنا حاجزة البنوته الألوان لابني يوسف ........متخافيش ولو عايزة تضمني تربيته صح علشان يستاهل البنات يلا احجزي وربيه معاهم من دلوقتي....العمر الطويل ليكي ولهم ولوالدهم ....تحياتي
عيد ميلااااااااااد سعيد
لميار وروشان
وعقبال مليووووووون سنه
ربنا يخليهم لك ياااارب وتفرحى بيهم يارب
تحياتى
انا متأخرة؟
معلش قلة أدب اجبارية والله
كل سنة وميار وروشان طيبين
وتفرحي بيهم يارب
وتشوفيهم ناجحات وتجوزيهم في يوم واحد
هانت دي الأيام بتعدي بسرعة ويكبروا وتفرحي بيهم
ربنا يحفظهم هم وباباهم يارب
بحبك
السلام عليكم
ربنا يبارك فيهم حبيببتى
كل سنه وانتم طيبين
ندعوكم لمشاركه مسابقه المولد النبوى
فى مدونتى المتواضعه
وفى جوائزززززززز وهدايا ...
فى انتظاركم
وفقكم الله
السلام عليكم
كل سنه وانتي وهما طيبين
وربنا يستجيب لدعائك وتشوفيهم دايماً في أحسن حال
رحت اشوف الصور
بس بسم الله ما شاء يستهلوا الغزل و الكلام الجميل قمرات
و كل ام شايفه ان بناتها اجمل و احلي بنات
ربنا يسعدك بيهم و يقر عينك و عين ابوهم بهم و يرزقهم السعاده في حياتهم
امين
كل سنه و انتم بخير
كل سنة وهما اجمل بنوتتين فى الدنيا
ربنا يحميهم ويخليهم ليكى ولباباهم
كل سنه و انتم كلكم طيبين البنات و الاسره كلاها بخير
اوعى توزعى عصير من اللى فى صوره البوست اللى فات فى عيد ميلادهم احسن يعملوا دماغ
تحياتى
ابو حميد
مرسى لحضرتك جدا و شكرا لدعواتك
star in the sky
الله يخليكى يا قمر
ما اتحرمش من دعواتك الجميله يا روحى
صيدلانيه طالعه نازله
الله يخليكى يا علا
مايحرمنيش ربنا من دعواتك يا جميل
مرسى على البوسات
و بوسات مننا ليكى و للاولاد و احضان كمان
لاسع افندى
و انت طيب يا لاسع افندى
نورتنا
مش ناوى تحجز واحده منهم
و معاها ضمان
ههههههههه
كل سنه و اولاد خالي الحلويييييييييييييين بخير وكويسين ومبسوطين واحلي عروستين في الدنيا يااااارب ان شاء الله... بجد انا امبسطت اوي اني شوفتهم وبوستهم النهارده ربنا يخليهم يحفظهملك يا رب :)
كل سنة وهما طيبين وربنا يخليهملك
كل سنه و هما طيبين يا ام العرايس و يارب تشوفيهم بنات زى القمر و فى اعلى المراتب ان شاء الله ،، و ربنا يجزيكى خير عن تربيتك ليهم و تعبك ،،،و يخليلك زوجك و يكرمكم يارب
ربنا يخليكو لبعض
و كل سنه و هما طيبين ... شدني أوي عنوان المدونه
اول مره آجي بس أكيد مش الأخيره ان شاء الله و أكيد من متابعين حضرتك دايما
و اتمنى تشرفيني بتعليقك على صفحات مدونتي المتواضعه
http://ahmedabdulmohsin.blogspot.com/2010/01/blog-post_25.html
فاروق ن النيل ...
فعلا قطع الجواز وسنينه ....
أهونتى نسيتى تصوريهم زى خارشوف ولسة ياما فى الجراب ياحاوى ربنا يخليهوملك وتشوفيهم وحدة دكتورة طبيبة أطفال والثانية مهندسة إتصالات زيي farouksam.blogspot.com
إرسال تعليق